1 Arïpanïn nyu, le wölo orïptonan Kristo.*
Akara kegh nko ani, ompöwölo komukyan agh pich löwïr kïngörekyö ompö kïgh anka tïkwïl nyo oghan, amelö ompö tösunötenyan kegh, wölo tösunöto pikö walaka atökesörï chane.
Kïlenyona, osomokwa lö arïpa otöptönyan.
Tupchenyu, arïpa wölo otöptonan, ompöwölo kikeporwokwa körkeyïn nyo karam, arïpa nyu pïchoni rïpöy körkeyïnoni kikeporucha.
Kyarïpakwa otöptöncha nko nyo pö Echotyon akï kïrkegh kyowongukwa nyoman, wölo kyatachakwa ngölyontononi ompö ngörekyö nyo kikonokwa Mïkulögh nyo Tïlil.
Kikighacha lenyoni melö ompöwölo kimökïtïngetechanye man nyo kikïsïko akwa kingarakat, wölo kikighacha lenyoni tökïlïkwï körkeyïn nyo orïpekwa.
Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.
