1 KORINTO 10:32 - PIPÏLIA

³² Amolelchï pipö Yaudi anta pipö punton anta kanisa Tororöt.

1 KORINTO 10:32 ပူးပေါင်းရင်းမြစ်များ

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 24:16

Kïlenyona, omökan okil kegh kïnomnyö ompö ngölyontonï otöpö nko kinetat nyo tenate ompö tawu Tororöt nko nyo pö pich.

RUMI 14:13

Kïlenyona nyu, mökerwokyinö kegh ngat, wölo kekïrö kegh tömökitö kïgh areto tupchenyo nyo muköy kïkwat anta igh nyinte kupïtyï ngokï.

1 KORINTO 1:2

Kakikirwakwa cho ochï kanisa Tororöt nyo mi Korinto. Kiketïlilokwa ompö Kristo Yeso akekurokwa alïkuna pipö Tororöt. Kakikiracha tïkwïl tökïnyorï pikö walaka löwïr cho soghöy Echotyontenyo Yeso Kristo akï Echotyontenyo tïkwïl.

1 KORINTO 10:33

Akara kegh nko ani, ompöwölo komukyan agh pich löwïr kïngörekyö ompö kïgh anka tïkwïl nyo oghan, amelö ompö tösunötenyan kegh, wölo tösunöto pikö walaka atökesörï chane.

1 KORINTO 11:22

Motïngetekwanye so kestonikwo wölo omisyegho agheghsyegho? Anta kasasakwa kanisa Tororöt, atö arasï pich cho le mey? Omwowokwa ne nyu nya? Asalakwa ompö ngölyontononi? Ewo, melö ompö nyoni!

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

1 KORINTO 15:9

Ompöwölo ochan mïnïng tya ompö pïchoni löwïr Kiyoktö Yeso, amömïchinanïnye ompö kekurenanïn kiyoktoghin,* ompöwölo kyachopan kong kanisa Tororöt.

1 KORINTO 7:17

Mïchini kïtöpö chi anka tïkwïl kïrïp kegh nko ropöw cho kiropchï Echotyon akïtöpö le wölo kilata nyinte otini kikur Tororöt. Omwochinan nyu kanisen löwïr lenyoni.

1 KORINTO 8:13

Kïlenyona nyu, ato töp omisyö tökwigh werïncha kupïtyï ngokï, kïmelö toman peny kokay, tömötöp taghan werïnyo kupïtyï ngokï.

2 KORINTO 1:1

Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

2 KORINTO 6:3

Melö kïmökecha ketöne matankïl ara chi anka tïkwïl atömönyorï pöghisyencha kigheghchin.

KALATIA 1:13

Kyalïmakwa wölo kyalatan otini kitomitan orïpöy kighanata pipö Yaudi wölo kyachoptan kong tya kanisa Tororöt, amach anyar.

PILIPI 1:10

atamuka agha tïkwïn cho karamch alïkwï pich cho tïlilöch cho puryö kigheghchin otinö kamïla Kristo.

PILIPI 3:6

Kyonoghyot nyoman ompö nyakanat achop kong kanisa, kïkany ompö tïliyö nyo kïnyoru ato kïkïr kirurut kïmelö kyotïngetan lelut.

1 TESALONIKE 2:14

Tupchenicho, könyorwokwa ngalechoni ghach kinyorï kaniseni Tororöt cho mi Yudea cho kinyorï piko wöloni cho kikilïkwï pipö Kristo Yeso. Kichopokwa kong pikökwo le wölo kichopta chane kong pipö Yaudi,

1 TIMOTEO 3:15

nyo ato mangwïnanye lawel, kïtenö kïnye kyonkïtukwa wölo mïchini kïtöptö chi anka tïkwïl ompö kwenu pipö Tororöt, nyo le kanisa Tororöt nyo satate akï pchörï nyo tighöy man.

1 TIMOTEO 3:5

Ompöwölo ato memukönye chi ntökïpayta katanyi kegh, muköy lö ne kïpöytoy kanisa Tororöt?

RUS 3:14

Kïrï nyu otini le kelyechi ntökïyech, wölo kïnget nyaye le kiwasan, ompöwölo kimwochï Poas lö, “Mekany ntökunkïtï chi lö kengwïnanyi yi.”