1 KORINTO 10:31 - PIPÏLIA

³¹ Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

1 KORINTO 10:31 ပူးပေါင်းရင်းမြစ်များ

SAKARIA 14:21

Kitïlilchini ECHOTYON Kimuktoghin tören löwïr ompö kanasyanta Yerusalem nko koro Yuda atokumï pich kughogha panya amörostino ECHOTYON. Ato itïta osiswechoni, melö tökïmi mïnchïrïsyonta kokay nyo ngotu ompö Kö pö Tororöt Kimuktoghin.

LUKA 11:41

Wölo otönö mey tïkwïn cho mi kikompen nko saninekwa atökïtïlilitu tïkwïn tïkwïl ompö akwa.

1 KORINTO 7:34

kïpesyö nyu chane kïlïkwï odeny. Kïkany korka nyo tomönye kep anta nyo le chepkïltït, kïsïngo ighisyo Echotyon, ompöwölo mököy nyinte kutöni Echotyon portanyi nko mïkulöwunyi. Wölo sïngo korka nyo kikep tïpö ngwïnyinï atökwigh santenyi kïngarak.

KINONO KIRURUT 12:12

Atongörökyinökwa ECHOTYON Tororötïngwo nko monekwo nko mötworikwa nko pipö Lawi cho mi kanastinekwa, ompöwölo mötïngcha chane kor nyo le nyingwa.

KINONO KIRURUT 12:18

Wölo omekwa tïkuchoni ompö tawu ECHOTYON Tororötïnkwa ompöwölo kakïl nyinte. Omekwa nko monekwo nko mötworikwo nko pipö Lawi cho mi kestonikwa. Ongörekyö ompö kïgh anka tïkwïl nyo otïngkwa.

KINONO KIRURUT 12:7

Kïkany otini komisyekwa ompö wölo mi ECHOTYON Tororötïngwo nko piko kongwo, ongörekyö ompö kïgh anka tïkwïl nyo kotötekwa, ompöwölo kesoyönokwa ECHOTYON Tororötïnkwa.

KOLOSAY 3:17

Akï kïgh anka tïkwïl nyo oghekwa anta nyo omwoghekwa kïmïchini agha ompö kaynata Echotyon Yeso, ayokyï sörö Tororöt Papo ompö nyinte.

KOLOSAY 3:23

Kïgh anka tïkwïl nyo oghekwa mïchini agha ompö mïkulöwekwo kïmïkul le ato koghchinekwa Echotyon, melö le ato koghchinekwa pich

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.