3 Kwam chane löwïr omisyononi pö mïkulögh,
“Kipaghenyi chane makatina yïm kuwany kömöyungwa aitönönyi pögh cho kipkana ghat kïnuk maralungwa. Atolapay imwochinyi chane kïpa kïnam kor nyo kiwolwolchinyi chane.
Kitönönyi Mïkulöwungu nyo karam kunet chane, amelö kichïchukenyi chane mana cho kyomöy itönönyi chane pögh cho gheghöy.
Kisomsyö chane, kutö alurïtin, akupïghyongö chane omisyo yïm.
Otini kisïwa pipö Israel, kïtep kegh lö, “Ne kitö nyï?” Ompöwölo kimenkïtcha lö ki ne. Kïlenchï Musa chane, “Omisyö nyo kökonokwa ECHOTYON atama.
Kwam pipö Israel mana ompö könyis tömönut angwan, ntökwit rotyot nyo pö koro Kanan.
Kïlenchï ECHOTYON Musa, “Oropönwokwa makatin kïpkana yïm akïkwöghöy pich cho mïchini asis akonga, atö atyaman chane lö, ekïrïpöy chane kirurutköchan nya anta ewo.
Kighakwa opö kegh ngwïny akïpïswekwa kömöy. Atolapay kïpaghenokwa mana cho melö kyonkïtökwa anta papotïnekwa. Atonkïtunö lö melö söpo ptangengmöt makatyan onkït, wölo söpo ngölyon anka tïkwïl nyo ngwïno kuti ECHOTYON.
