1 KORINTO 10:22 - PIPÏLIA

²² Anta kïmökecha kwipenecha Echotyon sikong nya? Kichicha so owesöch kïtïl nyinte?

1 KORINTO 10:22 ပူးပေါင်းရင်းမြစ်များ

1 PÖYTOGHÏ 14:22

Kigh pipö Yuda ngokï ompö tawu ECHOTYON akwigh nyinte kïnarek tya kïtïl wölo kida papotïnekwa.

AYUPU 9:4

Ngöghom Tororöt akwawes, ngo chi nyo kikumöl kegh tïkwïl ntökumï?

TUMWÖY 78:58

Kwigh nyinte kïnarek ompö tororötino punton akwigh nyinte kïlïkwï söstoghin ompö körkeyïntinekwa.

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

WUWÖT 34:14

“Mesagh tororöt anka tïkwïl, ompöwölo ochan ECHOTYON, Tororöt nyo le söstoghin ompö tororötin walaka.

OMTOGHIN 6:10

Kiketötyï kïgh anka tïkwïl könyisyok kaynatenyi nyo mitö akenkït wölo lata chi akenkït lö, memukönye kumölöy kegh nko chi nyo awes kïtïl nyinte.

ISAYA 45:9

Ochech chi nyo mölöy kegh nko Ighintenyi, mönö nyo mölöy kegh nko egh nyo kigh nyinte! Tepöy so mönö ighinto tör lö, “Ighenyi ne?” Anta lenchï ighintenyi, “Ne nyu menkït kwigh kïgh nya!”

YEREMIA 44:8

Ompö ne toghanikwa anarek otinö osoghekwa körkeyïntin cho kyaghekwa morikwo atolapay opelchï amörostin tororötine walaka ompö koronï pö Misri kapkanakwa amang nya? Ayo, kaghakwa so lenyoni towonyenö akïmïnakwa pipö ngwïny kïmïkul, akepöghisyeghö kaynenkwa ompö chïpö?

YEREMIA 7:19

Wölo lenchini kegh so ngwonchinanïn choni? Ewo, möngwonchinanïnye ompö nyo le kite! Kepchï kegh chane pat ngwonïn nko arasï!

ESEKEL 22:14

Tetïngetenönyi nyakanat nya anta tetïngetenönyi owesyö nyo iporyot ompö asisini koporyegheninyi? Ani ECHOTYON nyo kamwagh, aghan lenyini.

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

KINONO KIRURUT 32:16

Kigh chane ECHOTYON kïlïkwï söstoghin, ompö saghata tororötin walaka, kïnarek nyinte ompö ngokikwa.

KINONO KIRURUT 32:21

Keghanïn chane alïkwï söstoghin ompö saghata kïgh nyo melö tororöt, keghanïn chane anarek ompö körkeyïntinekwa. Kïlenyona oghan chane kïlïkwï söstoghï ompö pich cho melö piköchan, oghan chane kïsasta punton cho le sölwöy.

KINONO KIRURUT 4:24

ompöwölo ECHOTYON Tororötïnkwa kï ma nyo pelöy kïgh anka tïkwïl. Kï Tororöt nyo le söstoghin ompö tororötin walaka.

KINONO KIRURUT 6:15

Tömötöp ntökïngwanit lakat ECHOTYON Tororötïngu ompö nyi akuwangenokwa ngwïny. Ompöwölo ECHOTYON Tororötïnkwa nyo mi nko akwa akï Tororöt nyo le söstoghin ompö tororötin walaka.

EPRANIA 10:31

Möminye kïgh nyo gha tya kïsir atosïkö chi kirwok Tororöt nyo satate!

YOSWÖ 24:19

Wölo kïlenchï Yoswö pïchay, “Melö omukekwa opöghisyechinö ECHOTYON, ompöwölo Tororöt nyinte nyo tïlil akï söstoghin ompö tororötin walaka. Melö löstoghekwa lelutkökwo anta ngokikwo.