1 KORINTO 10:17 - PIPÏLIA

¹⁷ Kïlïkunecha por akonga ompöwölo akonga makatyantanoni, kïrkegh kakïchicha chang, ompöwölo kiporecha löwïr makatyantanoni le akonga.

1 KORINTO 10:17 ပူးပေါင်းရင်းမြစ်များ

RUMI 12:5

Kïlenyoni tïkwïl, kïrkegh kökïchicha chang, kechicha por akonga otini kakelinyecha nko Kristo* akenomnyech löwïr le ngichaya por akonga.

1 KORINTO 10:21

Momukekwanye ogheghone kikompo Echotyon nko nyo pö oy amomukekwanye omisyeghone mesa Echotyon nko nyo pö oy.

1 KORINTO 12:12

Karkegh Kristo nko por akonga nyo tïng ngichayay cho chang, kïrkegh kikigha poroni ngichayay cho chang, kïtökï por akonga.

1 KORINTO 12:27

Ochikwa nyu kïmïkul por pö Kristo, chi anka tïkwïl ompö akwa kï ngichayayiko poroni.

EPESO 3:6

Nka nyoni kinyorï pipö punton tïkwïl karerantangwa nyo pö kisoyönöto Tororöt le pipö Yaudi kuwerï amtaghta Lökoy cho Karamach, ngichayay chane cho pö porini le akonga. Akï ghömtoy chane kiyomisötonini le akonga kigh Tororöt kuwerï Kristo Yeso.

EPESO 4:16

Tuyot nyu portö kïmïkul ompö nyinte akïnomnyö ngichayay löwïr kïrïp kegh nko wölo kikighta. Otini kö pöghisyö ngichaya anka tïkwïl le wölo roko, kïnöröy nyu portö kïmïkul akïteka ompö chomnyogh.

EPESO 4:25

Opïstenö nyu putintön! Nya kïmwochï chi anka tïkwïl pöröryenyi ngala man, ompöwölo kichicha löwïr ngichayayi por pö Kristo.

EPESO 4:4

Mi por akonga nko Mïkulögh akonga, le wölini kikurchokwa Tororöt kikönöt akonga.

KOLOSAY 2:19

Pesyote chi nyo lata nyoni nko Kristo nyini le mötïto poroni. Ato Kristo nyo pöyu, kï paghate portö kïmïkul, por nyo chïchimate ompöwölo nömöy kegh tikit nko ngichaye lasiny akïmi kïnöröy le wölini kömöktöy Tororöt.

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

KOLOSAY 3:15

Akanya kïpayta kalya Kristo mïkuliskökwa, ompöwölo kalyanoni nyo kökurchokwa Tororöt atalïkuna por akonga, ayokyï nyinte sörö kïnomnyö.