1 KORINTO 10:14 - PIPÏLIA

¹⁴ Kïlenyona, chamankachu, olowitenö kegh saghata körkeyïntin.

1 KORINTO 10:14 ပူးပေါင်းရင်းမြစ်များ

IGHISYEWUT 15:20

Wölo kekirchinö chane kemwochinö lö mam omisyö nyo kakipï keropchï körkeyïntin. Okïr kegh cheporesnan, amam pempö kïgh nyo kakïghïghiny, amolï kisön.

RUMI 12:19

Chamankachu, matak ghöyïn nyo kighwokwa, wölo opïsinö Tororöt, ompöwölo mwoghöy Kikirut lö, “Ani nyo otökisïyi, ompö ghöyïn nyo kakighwakwa mwoghöy Echotyon.”

1 KORINTO 10:15

Ongölonwokwa pich cho ngöghomöch, anan akwane ngalechï omwoghan.

1 KORINTO 10:19

Omökan omwoghöy ne nya? Kamwaghan so lö osöröpu körkeyïntin? Anta omisyö nyo kïropchini chane?

1 KORINTO 10:7

anta kïsagh körkeyïntin le wölo kisaghta walaka ompö chane. Le wölo mwoytoy Kikirut lö, “Kimpur pïchoni ngwïny akwomisyö akïgheghsyö atolapay kïnget akïnyal.”

1 KORINTO 5:11

Wölo kyakirwekwa lö motuyö kegh nko chi anka tïkwïl nyo lentöy ochï kighönin, akwanyï cheporesyan nyinte anta che pö mu anta soghöy körkeyïntin anta mwosïyi anta tömösin anta chorin. Motöp ntomisyö ompö nko chi nyo lata nyoni.

2 KORINTO 11:11

Ekwompö ne köny tomwoghan lenyoni? Kamwaghan so lenyoni ompöwölo mochömokwanye? Nkït Tororöt lö ochömokwa.

2 KORINTO 12:15

Omitan kïpsach nyoman opöghisyeghö tïkuchan löwïr akokonwan kegh nyoman ompö tösunöto mïkulöwekwa atamukan angarakakwa. Ochömanïkwa so kite ompöwölo kachamakwa lasiny?

2 KORINTO 12:19

Töptoy olentekwa kïmitecha keghetöy kegh nko nyete le ye ompö tawunkwa! Wölo kïmwoghocha ngalechoni tawu Tororöt otini kakeghömecha nko Kristo akï kïgh anka tïkwïl nyo kighecha chamankachu, keghecha atökungarakakwa.

2 KORINTO 6:17

Nka nyoni mwoghöy ngat Echotyon lö, “Angetena kwenungwa, apesyö nko chane. Maswany kïgh nyo le sïmnyon, atatarokokwa.

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

PILIPI 4:1

Tupchenichu ochömenokwa kegh nyoman akwomanïn emö akwa. Ochikwa ngörekyengan, achikwa tentenyan nyo pö rïntagh, oghyongö lasiny lenyoni ompö Echotyon!

PILEMON 1:1

Ani Paulö nyo omi chela ompö pöghisyo Kristo* Yeso nyo kakir palalyantanï nko werïnyo Timoteo. Ompö kongencha Pilemon nyo kïpöghisïyi tïkwïl,

EPRANIA 6:9

Wölo kïrkegh kakïmwaghacha lenyoni chamankacho, ketïngetecha kikönöt nyo wow ompö akwa. Kinkïtöcha lö kyosïkökwa kisoyönöt nyo karam tya nyo pö sörunötengwo.

1 PETRO 2:11

Oterwante tupchenichu cho ochï to, achï pïnot ompö ngwïnyinï. Mopïsï kuchutok pïrchintino por cho poryot nko mïkulögh.

1 YOANA 5:21

Monechu, oripenö kegh tororötino putintön!

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

NGONGUT 2:14

Wölo mi ngala tïkwïte cho otïngetan ompö nyi mi pich kwenunkwa cho rïpöy kinetut pö Palaam nyo kinet Palak kïkïnkïn pipö Israel kwigh ngokï kwam omisyewut cho kikïropchï körkeyïntin, akunet chane kwigh cheporesnan.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.