1 KORINTO 10:13 - PIPÏLIA

¹³ Möminye tyamata nyo itwokwa nyo sis nko nyo nyoru chi anka tïkwïl. Ghanate Tororöt amelö pïsini nyinte ketyömokwa kïtïl owesyenkwa, wölo konokwa tïkwïl owesyö kïmi nko tyamatanoni nyo omïkuköno nko or nyo ochïwïto atamuka oghyongtenö.

1 KORINTO 10:13 ပူးပေါင်းရင်းမြစ်များ

TUMWÖY 124:7

Kikïchïwïtyecha le tarit nyo kepulunö ngöghöpu kilokin, kicharta kegh ngöghöp, kechïwïtyecha.

TUMWÖY 125:3

Ay möpöytonye mwokïyis kor nyo kiketö pipö man atömötöp chane tökwigh ngokï.

TUMWÖY 36:5

Itöy chomnyengu nyo pö kokay yïm, we ECHOTYON, aketwoytoninyi kegh ntökwit poltoy.

TUMWÖY 89:33

Wölo mopïstonanye chomnyenyan nyo pö kokay nyo otïngan Daudi, amelö owöghökan otöptönyan nyo ghanate ompö nyinte.

WUWÖT 3:17

Oyomisan lö omïtwokwa apkanenakwa nyörilwok cho pö pipö Misri, omïtokwa koro pipö Kanan nko Ititi nko Amori nko Peris nko Ipiti nko Yepusi, kor nyo chang chö akï wow kumata.’

ISAYA 11:5

Lïku man angweto muyenyi nyo röto kegh, akïlïkwï kighanata angwa nyo röto kegh.

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

ISAYA 49:7

Lentöy ECHOTYON, söruninto Israel, Nyinte nyo Tïlil, ompö nyo kïsösöy tya akïghöchini pipö punton, akï nyinte nyo le mötworinto pöytoghï, “Sïwïyinyi pöytoghï akïngetyinyi, sïwïyinyi kintöghoghï tïkwïl akï konyïtinyi.” Ighisyot lenyoni ompöwölo kakïl ECHOTYON mötworintenyi. Kemonöy Tororöt pö Israel nyo Tïlil kiyomisutkachi.

YEREMIA 12:5

Kïlenchanïn ECHOTYON, “Yeremia, ato ioghökenyi rïpe nko pich cho pegho kelyön, imukenyi lö ne rïpe nko angoletin? Ato ipïtonyi kor wölo löpo, ekwigho ne ato iminyi wuw pö Yordan?

YEREMIA 29:11

Ompöwölo onkïtön ante ECHOTYON tötut nyo otötwokwa, tötut cho pö köromnyö, melö cho pö ghöyityö. Tötut cho konokwa kikönöt nko köromnyö ompö osis cho pkonöy.

LOK 3:23

Ompöwölo ighöy nyinte tïkuchoni kïpichöghöchitu ompö tökwoghö anka tïkwïl Tororöt nyinte nyo muköy pich kumanta kegh nyinte nyoman.

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

OSEA 2:20

Opinyi ompö kighanatenyan lïkuna nyinyan kokay, atenkïtunö lö ochan ECHOTYON.

MATAYO 6:13

Amemïtyecha wölo mi tyamata, wölo isörunenech Onyöt.’

LUKA 11:4

Löstewecha ngokicho, ompöwölo kïlöstoghchinecha pich löwïr cho lelwecha. Iripech tömökïlit työmut.’ ”

LUKA 16:26

Akïmöchonicha opïn, mito ngötutyö nyo wow kwenuncha nko akwa. Akwompö ngötutyononi puryö chi nyo muköy kwowï wöloni anta kwowï wölete.’

LUKA 22:46

Kïlenchï, “Ompö ne torusonekwa? Ongetyenö asagh, atömolït työmut.”

IGHISYEWUT 27:44

Kïrïp chunö köngötï kïnamata ngötunön pö meli. Are nyoni onkït nyo kimuköy töketu kor nyo tïyame kïtokesöpsone.

1 KORINTO 1:9

Ghanate Tororöt nyinte nyo kikurokwa oghömenö nko Werïnyi, Echotyontenyo Yeso Kristo.

2 KORINTO 1:10

Kisörunenecha nyinte meghat akekonecha lö tökïsörwecha nyinte ngat,

KINONO KIRURUT 7:9

Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

1 TESALONIKE 5:24

Ighöy nyinte nyo kikurokwa ngölyontononi ompöwölo ghanate nyinte.

2 TESALONIKE 3:3

Wölo ghanate Echotyon nyo ighokwa achïchïma akïripenokwa Mwokïyontonay.

2 TIMOTEO 4:18

Sörwanïn Echotyon ompö kïgh anka tïkwïl nyo gha, akïripanïn ntökïtenö atan Pöyunötenyi nyo pö yïm. Nya kïsïch nyinte ororyö kokay nko kokay! Amen.*

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

EPRANIA 11:11

Kigh kighanata Sara nyo kile sonö kïsïkisyö, kïrkegh kikiyosit kighan Sara lö puntoy Tororöt kiyomisutkachi.

EPRANIA 12:4

Tomönye oporyenökwa tökïtenö kïpeghenakwa kisön otini omitekwa onoghyot nko ngokï.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

1 PETRO 4:19

Kïlenyona nyu pich cho wongu ompöwölo machata Tororöt nyoni ompö chane, kïmïchini, ompö ighisyewutkökwa cho karamach kïpïsyï söponwekwa mori Ighintengwa nyo ghanate.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

NGONGUT 19:11

Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.

1 SAMWEL 29:10

Kïlenyona inget asïyech tökwoghö aiwö nko mötwori echotyontengu Saulö cho kapka nko nyi.”