1 KORINTO 1:20 - PIPÏLIA

²⁰ Ato lenye nyoni, mi onö nyu chi nyo ngöghom? Anta mi onö psïkulyon? Akïmi onö ngöloninto könyiswechï nya? Ayo, melö so yitöy Tororöt ngöghomnyo ngwïnyinï lö sölwontön?

1 KORINTO 1:20 ပူးပေါင်းရင်းမြစ်များ

2 SAMWEL 15:31

Kemwochï Daudi lö, “Mi Aitopel nko pïchay kinyoryö nko Apsolom.” Kïlö Daudi, “Osoghinyi ECHOTYON lö, waghaka kiruröto Aitopel kïlïkwï sölwontön.”

2 SAMWEL 16:23

Kirïp Daudi nko Apsolom ngölyon nyo kimwowï Aitopel osiswechoni kïkarkegh nko nyo kimwowï Tororöt.

2 SAMWEL 17:14

Kïlö Apsolom nko pipö Israel löwïr, “Karam ngölyonto Usyay chi pö Arkit kïtïl nyo pö Aitopel.” Kökikïkïl ECHOTYON kunyar ngölyonto Aitopel nyay karam, atökwipchï ghöyityö Apsolom.

2 SAMWEL 17:23

Nyini kisïwa Aitopel lö melö kikïrïp ngalechi, kïrat sïkïryenyi akïwö kutang kanasyantenyi. Akuyomis monechi atolapay kuket kegh. Ketïpchï pïrïmpeto paponyi.

AYUPU 12:17

Chengo pöytoghï ngöghomnyö kïpa kwïle akwigh muti ngal kïlïkwï sölwöy.

AYUPU 12:20

Moso ngal pich cho nkït kïngölonöy akïchenga poy pköchin.

AYUPU 12:24

Chengo kintöghoghi ngwïny cho echön akwigh chane kïtompöroryö ompö wölo le siriron.

ISAYA 33:18

Melö towöghekwa ngat kwöghi surï cho kisetunö koroswe walaka nko pich cho kisemokwa. Lïku choni ngal cho kikuwer cho kinonöy.

ISAYA 44:25

Owöghökan werkoyi putintön kïlïkwï sölwöy, aghan kïlïkwï kwïle ngorut pö pich cho topönöy kokel. Otöghan lö melö man ngala pich ngöghomöch, aporwan lö kitö sölwontön ngöghomnyengwa.

ISAYA 53:1

Ngo nyo keghan ngalechï kakïmwowecha? Akï ngo nyo muköy kunkïtu lö, ECHOTYON nyo kegh ngalechete?

YEREMIA 10:7

Ngo nyo mewöghinyi nyo ichï Pöytoghinto koros? Mïchini kekonyïtinyi lenyoni, möminye nyo karkegh nko nyi ompö kwenu pich cho ngöghomöch ompö koros löwïr nko ompö paytaghtinekwa löwïr.

MATAYO 13:22

Kïkany kösïghe chinö kichïnchï kwenu kato, kïkarkegh nko chi nyo lïmöy ngölyonto Tororöt, wölo otini ketï sïngut pö ngwïny nko chamata sïkönöt kwam nyu ngölyontonay, amelö kitö kuyin akwa.

YOANA 12:31

Ketïta ye nyu kirwoko ngwïnyinï, kïwirchini ye nyu sany wowïnto ngwïnyinete.

IGHISYEWUT 17:18

Nyinte nko koneti walaka cho ngöghomöch cho kikïkuro Epikurio nko Stoyiko. Kïlo walaka, “Möchöy nyu nyï sölwe lö oporu kegh kïmwowu ne nya?” Kïlo walaka, “Nkïlenye atomököy kïngölono tororötin cho le to.” Kimwa lenyoni ompöwölo kyomchini Paulö ngala Yeso nko kitutunöt.

RUMI 1:20

Kïngeta towunöto ngwïny, kipköchï pich lötok owesyo Tororöt nyo pö kokay nko Tororötnötenyi kïrkegh nyo mösïwïyinye chi ompö kong, wölo kirumu ompö tïkwïn cho kigh nyinte. Kïlenyona mötïngnye pïchoni kïgh nyo gheto kegh kigheghchin.

RUMI 1:22

Lenchini kegh kïchï ngöghomöch, akwanyï sölwöy.

1 KORINTO 1:19

Mwoghöy Kikirut lö, “Onyoran ngöghomnyo pich cho ngöghomöch awirtan chïreryo pich cho chïreröch.”

1 KORINTO 1:26

Anane ya wölo kyalatekwa otini kikurokwa Tororöt, werköcho, melö chang ompö akwa cho kyochï ngöghomöch ompö nyini le chïreryo ptangengmöt. Melö chang ompö kwenunkwa cho kyochï owesöch anta kyochï rumunote.

1 KORINTO 1:27

Kisas nyu Tororöt kikïl tïkwïn cho yitöy ngwïnya lö sölwontön atökutö arasï pich cho ngöghomöch, akïkïl tïpö ngwïny cho nyörkölöl atökutö arasï pich cho owesöch.

1 KORINTO 1:28

Kikïl tïkwïn cho sösöy kinonut pö ngwïny akuyitöy lö kwïle, tökunyar tïkwïn cho nonöy ptangengmöt lö pïchighöch.

1 KORINTO 11:32

Wölo ato rwokyinecha Echotyon kuchumecha tömönyorwech nyarïl nko pipö ngwïnyinï.

1 KORINTO 2:6

Kïrkegh kïlenyoni, kepöghisyeghonecha ngala ngöghomnyö ompö pich cho kikilyö ompö kighanat, wölo melö ngöghomnyo ngwïnyinï anta nyo pö pöytoghi ngwïnyinï cho mi owesyengwa kïwonyotoy.

1 KORINTO 2:8

Möminye pöytoghinto ngwïnyinï nyo pköchini ngöghomnyoni. Ntökinkït kitömelö wudochini chane Echotyonto ororyö kimurtöwon.

1 KORINTO 3:18

Malïs kegh akwane! Ato nonöy chi anka tïkwïl ompö kwenunkwa lö ochï ngöghom ompö ngwïnyinï akany kïlïkwï nyinte sölwö atökïsïch ngöghomnyo man.

1 KORINTO 3:19

Ompöwölo sölwontön ngöghomnyo ngwïnyinï ompö tawu Tororöt, ompöwölo mwoghöy Kikirut lö, “Nömo Echotyon ngöghöp pich cho chïreröch,”

1 KORINTO 6:2

Monkïtökwanye so lö, rwokyini pipö Tororöt ngwïny? Kïkany nyu ato orwokyinekwa ngwïny, kïmomukekwanye ompö orwokyine ngal cho mïnkech?

YAKOPO 4:4

Ne pikö chï meghönote! Monkïtökwanye so lö kenam kongot nko ngwïny, kï kakïlïkwï pung pö Tororöt? Anka tïkwïl nyo mököy kïnömöy kongot nko ngwïny, kï kegh kegh punyonto Tororöt.