1 KORINTO 1:2 - PIPÏLIA

² Kakikirwakwa cho ochï kanisa Tororöt nyo mi Korinto. Kiketïlilokwa ompö Kristo Yeso akekurokwa alïkuna pipö Tororöt. Kakikiracha tïkwïl tökïnyorï pikö walaka löwïr cho soghöy Echotyontenyo Yeso Kristo akï Echotyontenyo tïkwïl.

1 KORINTO 1:2 ပူးပေါင်းရင်းမြစ်များ

TOWUNÖT 12:8

Atolapay kïweghö atoni ntökwit kutïng nyo kimi wölnö le kongasispa Petel akïpörtochï emenyi. Kitöpunö kwenu Petel okumpö ta nko Ai okumpö kongasis. Kïtekyï wöloni tïkwïl ato kïpelo amöros akïsagh ECHOTYON.

TOWUNÖT 4:26

Kitïng Set werïnyi nyo kimïnchï kayna Enos. Kingata osiswechoni ato kitor pich kïpöghisyeghö kayna ECHOTYON ompö sowutkökwa

TUMWÖY 45:11

Ighöy pïchighyengu pöytoghin kïpïrchinyi, echotyontengu nyinte, mïchininyi terchinö nyinte.

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

IGHISYEWUT 15:9

Akimatarechanye kesisituna nko chane. Kilöstoghchï chane ngokikwa ompöwölo kighan.

IGHISYEWUT 18:1

Nyini kiwany Paulö kïngölonöy ompö kokwonay pö Areopako, kïwe Atene kutang kanasayanta Korinto.

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

IGHISYEWUT 9:13

Kuyokyï Anania lö, “Echotyon, kyalïmwan pich cho chang chichoni, wölo teno ghöyityö nyo kighchï piköku cho ghöninyi ompö Yerusalem.

IGHISYEWUT 9:14

Akingwïn ye Damaska nko owesyö nyo ketö tïsï cho echön atökïnam pich lapay cho soghinyi.”

IGHISYEWUT 9:21

Kïtangany pich lapay cho kilïm ngalechi akïlö, “Menkanye nyï chichay kipar pich ompö Yerusalem cho kisoghöy Yeso? Akengwïn wöletewöl lö tanam pich cho lata choni tökwïpchï chane tïsï cho echön kïrötote.”

RUMI 1:7

Kakirwekwa nyu löwïr cho omitö Rumi cho chömok Tororöt akikïkurokwa alïkuna pikachi kegh: Nya kïkonokwa Tororöt Paponyo nko Echotyon Yeso Kristo pöropchö nko kalya.

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

RUMI 3:22

Yityini Tororöt pich ma ompö ara kighanat nyo ghönöy Yeso Kristo. Akuyityini lenyoni pich löwïr cho ghönöy Kristo, kïrkegh kechï ngo,

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

1 KORINTO 10:32

Amolelchï pipö Yaudi anta pipö punton anta kanisa Tororöt.

1 KORINTO 12:27

Ochikwa nyu kïmïkul por pö Kristo, chi anka tïkwïl ompö akwa kï ngichayayiko poroni.

1 KORINTO 8:6

wölo kïtïngetecha cho le acha Tororöt akonga kïpoto Tororöt Papo, Ighinto tïkwïn lapay akechicha sötote ompö nyinte. Akïmito Echotyon akong Yeso Kristo* nyo pkono tïkwïn tïkwïl akemitecha ompö nyinte.

2 KORINTO 1:1

Kakirwan palalyantanï ante Paulö kiyoktoghinto* Kristo* Yeso ompö machata Tororöt nko tupchenyo Timoteo. Kikirchinecha palalyantanete akwa cho ochï kanisa Tororöt nyo mi Korinto nko pipö Tororöt cho mi Akaya kïmïkul.

2 KORINTO 4:5

Melö kyomtocha kegh achane, wölo kyomtocha Yeso Kristo nyo le Echotyon, kïchicha achane mötworikwa ompö Yeso.

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

1 TESALONIKE 1:1

Kakirwan palalyantanï ante Paulö nko Silpano nko Timoteo. Kikirchinecha pipö kanisa cho mi Tesalonike cho pö Papo Tororöt Akï Pö Echotyon Yeso Kristo.* Nya kïtöpö nko akwa pöropchö nko kalya.

1 TESALONIKE 4:7

Melö kikurchecha Tororöt otöp nyo pö cheporesnan, wölo kikurchecha tïlilyö.

2 TESALONIKE 1:1

Kakirwan palalyantanï ante Paulö nko Silpano nko Timoteo. Kikirchinecha kanisa Tesalonike cho chane kï piko Paponyo Tororöt akï Echotyon Yeso Kristo.

1 TIMOTEO 2:8

Omökan ompö wop anka tïkwïl, kisagh mïrön cho kikïkonï kegh ompö Echotyon kïsyolöy ewunekwa akï cho puryö nörekyö anta kimölöto kegh.

1 TIMOTEO 3:15

nyo ato mangwïnanye lawel, kïtenö kïnye kyonkïtukwa wölo mïchini kïtöptö chi anka tïkwïl ompö kwenu pipö Tororöt, nyo le kanisa Tororöt nyo satate akï pchörï nyo tighöy man.

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

2 TIMOTEO 2:19

Wölo metimtimonye kokay kitorötö nyo kitek nyinte Tororöt, akï nyo kikikirchï ngalechï lentöy, “Nkït Echotyon cho le chechi,” akïlö ngat, “Ato mi chi nyo lentöy ochï chi pö Echotyon, kuroko kïpïstö ighisyewut cho ghach.”

2 TIMOTEO 2:22

Imala kegh pïrchin pö naran, ainoghyö irïp ngala man nko kighanat nko chomnyogh nko kalya. Igha lenyoni ainomnyotö nko pich cho kuröy Echotyon otini somöy kingarakat ompö mïkulögh nyo karam.

EPRANIA 10:10

Akwompöwölo kigh Yeso Kristo machata Tororöt kutötö kegh kïlïkwï amöros nyo pö ngoki pich kïnyïl akonga akïmïchï ketïlilecha ompö ngokicho.

EPRANIA 13:12

Nka nyoni kïyoni kigh Yeso tïkwïl kikinyaril nyinte ompö sanypa kanasyan atökumï kuwunö pich ngokikwa ompö kisönkachi kegh.

EPRANIA 2:11

Nyinte nyo tïlilöy nko chane cho kitïlilöy kïtïng löwïr apite akonga nko nyinte. Nka nyoni mösïwïyinye Yeso arasï kïkurö chane tupchenichu.

YUDA 1:1

Ani Yuda palalyantanï, nyay le mötworinto Yeso Kristo* nyo ochï tupchö nko Yakopo nyo kakir palalyantanete. Kakirwokwa chona kikurok Tororöt, cho otïpïsot ompö chomnyo Tororöt Papo akï cho ripokwa Yeso Kristo.

NGONGUT 19:16

Kikikir sïrenyi nko kelytanyi kaynanï, “Pöytoghinto pöytoghï akï Echotyonto echot.”