1 KORINTO 1:18 - PIPÏLIA

¹⁸ Sölwontön ngala megha Kristo ompö kimurtöwon ompö pich cho potyot, wölo ompö acha cho kïmi kesörwech, kï owesyo Tororöt.

1 KORINTO 1:18 ပူးပေါင်းရင်းမြစ်များ

IGHISYEWUT 13:41

‘Atere nyu, akwa cho ochï sösï, atanganya apotyö! Ompöwölo oghan kïgh ompö osiswekwa, kïgh nyo moghönekwanye kïrkegh kömwowokwa!’ ”

IGHISYEWUT 17:18

Nyinte nko koneti walaka cho ngöghomöch cho kikïkuro Epikurio nko Stoyiko. Kïlo walaka, “Möchöy nyu nyï sölwe lö oporu kegh kïmwowu ne nya?” Kïlo walaka, “Nkïlenye atomököy kïngölono tororötin cho le to.” Kimwa lenyoni ompöwölo kyomchini Paulö ngala Yeso nko kitutunöt.

IGHISYEWUT 17:32

Nyini kilïm pïchay Paulö kïngölono kitutunöto pich cho kimeghö, kïngem, kungörer walaka, wölo kïlö walaka, “Kïmökecha mwowechanyi ngalechoni ngat.”

IGHISYEWUT 2:47

kisölöy Tororöt, akingörökyï pich löwïr chane. Kïtösini Echotyon asis anka tïkwïl nyoryengwa pich cho kikïsöru.

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

1 KORINTO 1:21

Ompöwölo kitagh Tororöt kunkïtï pich nyinte ompö ngöghomnyengwa kegh. Nyo kitölïku nyoni, kïcham nyinte kïsörï pich cho ghönöy ompö or nyo sïwïyi pich cho ngöghomöch lö sölwontön, choni kï lökoy cho kyomtonecha.

1 KORINTO 15:2

akesörunenokwa choni ato ananakwa lasiny ngalechanye kyomwokwa, ato melö kwïle kighanatenkwa.

1 KORINTO 2:14

Melö toköy chi nyo mi otöp nyo pö por ropöw cho konu Mïkulöwu Tororöt, ompöwölo sölwontön tïkuchoni ompö nyinte, ompöwölo kinkïtuno tïkuchoni ara mïkulögh.

1 KORINTO 2:2

Ompöwölo kimamakanye onkïtï kïgh anka tïkwïl atanye kyomitan nko akwa, kïpoto Yeso Kristo* nyinte nyo kikïwudochï kimurtöwon.

1 KORINTO 3:19

Ompöwölo sölwontön ngöghomnyo ngwïnyinï ompö tawu Tororöt, ompöwölo mwoghöy Kikirut lö, “Nömo Echotyon ngöghöp pich cho chïreröch,”

1 KORINTO 4:10

Kichicha sölwöy akwompö Kristo, wölo ochikwa ngöghomöch ompö Kristo! Kichicha nyörkölöle, ochikwa owesöch. Ochikwa konyïtote, wölo melö kïtekecha.

2 KORINTO 10:4

Ompöwölo, melö pö karicha cho kïporyegho, poryo ngwïnyinï, wölo owesyo Tororöt nyo wuröy nïyet cho ongeröch.

2 KORINTO 4:3

Kïrkegh köwïngisyö Lökoyechï Karamach kyomtocha, kïwïngisyot pat ompö pich cho mi kupotyot.

1 TESALONIKE 1:5

Ompöwölo atanye kikïpkanacha kyomwokwa Lökoy cho Karamach, amelö kikyomucha ngal opïn pat, wölo kikyomucha tïkwïl ompö owesyo Mïkulögh nyo Tïlil, akenkïtöcha lö onkïtökwa manto lökoyechoni. Onkïtökwa otöptöncha atanye kikïmitecha nko akwa lö ki ompö tösunötenkwa.

2 TESALONIKE 2:10

akïpöghisyeghö lïs ompö or anka tïkwïl ompö pich cho petöy kuwonyot. Wonyot chane ompöwölo kitagh kïtak ngalechoni pö man nyo kitökïsöru chane.

EPRANIA 12:2

Ketanga wölo mi Yeso, nyinte nyo le kitorinte akï nyinte nyo puntoy kighanatenyo. Kimïkukönö nyinte kimurtöwon akwompö ngörekyö nyo kimi tawunyi. Wölo kimas arasï nyo pö kuwongunöto kimurtöwon, akï mi ye okumpö tagh nyo pö ngacharu paytaghpa Tororöt.

EPRANIA 4:12

Satate ngölyonto Tororöt akïchongchong, ngatip kïsir chok anka tïkwïl nyo lïtate wölini nko wölini. Akïmutöy kurelït ato ryomo söpon nko mïkulögh akurelchï wölo ryomechini ngichayayi por nko mwagh. Sïku ngölyontononi möchut nko kinonut pö mïkulis pö pich.