Tito 3:14 - TÄ̧DO Ä̧CUÄ̧ I̧HUȨNȨ

¹⁴ Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

Nuevo Testamento Uwotjüja

¹⁴ Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

Tito 3:14 ပူးပေါင်းရင်းမြစ်များ

San Mateo 21:19

Mä̧nä̧ jäyänä topinödo cuäcuähuäi, higuera pä'ö micuäi. Tö'cönänö 'chä̧hui̧'ö̧ tomenä, u̧huä̧ju̧mä̧ juiyina'ado. Ojiyätä ji̧na̧'a̧do. Ja̧'hua̧ ja̧'a̧ Jesús pä'inödo: —Korotö'inä yoröiso ttucuocoijä cu̧huä̧ju̧mä̧. Yotäcu päomenä, juhuäi hua'ö icuina'ado.

San Mateo 7:19

O'ca juiyönä dauhuiyä adihuä juäi huȩjo̧cö̧mä̧, ku̧'u̧ icu, ku tticu'a̧nö̧ ja̧'a̧ ocuränä.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

San Juan 15:8

Ucutu u̧huä̧ju̧ rö̧ȩnä̧ cu̧ju̧nä̧rä̧tu̧cuo̧mȩnä̧, Chä'orö ucuotönö jȩpä̧tö̧jä̧. Ja̧'hua̧nö̧ jȩpö̧, iso päi'önä chu̧huo̧juȩtä̧u̧ pä'i'ätöjä.

Hechos 18:3

Aquilacu, Priscilacu isotö tti̧jȩti̧yu̧ttu̧ 'tö̧'ö̧ aditinätödo odehuiyä. Pablo'inä ja̧u̧ juäi aditina'attö, jahuätöcu aditö ki̧nö̧do.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

Romanos 15:28

Ja̧'hua̧nö̧ cädädäcuähuomenä, ja̧u̧ juäi iyipö, España rȩjȩra̧'a̧ 'chä̧nö̧ kä̧nö̧, ucuturu do̧dä̧chä̧cua̧sä̧.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Filipenses 4:16

Ja̧'hua̧ta̧nö̧ ttömä jui'ö chö̧jo̧mȩnä̧ Tesalónica ötahuiyänä, koronö'inä ofrenda ppä'ädö hue'inätöjä ttörö.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

1 Tesalonicenses 2:9

Tö̧jä̧hua̧tö̧, ucutu huo̧juä̧tö̧jä̧ ujutu taditinömä. Mo̧ro̧'i̧nä̧, yodo'inä aditinätöjä tö̧jö̧ micuä timita pä'ö, ucuturu mippoönä jätepö juiya pä'ö Dios i̧huȩnȩ ji'äu kä̧nö̧.

2 Tesalonicenses 3:8

Yoröiso mippoönä cuocotö pi̧nä̧tö̧jä̧ ucutu cu̧cuȩtu̧cu̧ttu̧mä̧. Mo̧ro̧'i̧nä̧, yodo'inä aditinätöjä tö̧ja̧cu̧ micuä päi'önä ucututtu mippoönä jätepö juiya pä'ö.

Tito 2:8

Ucu cu̧huo̧juȩtö̧mä̧ huäjunä huo̧juȩti̧ korotö suronä ttucuocu juiyäcua'a̧nö̧. Ja̧'hua̧nö̧ huäjunä cu̧huo̧juȩtö̧ttö̧mä̧, dä'ättö ucuru suronä ucuocuocotö ttäcuotö.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

2 Pedro 1:8

Ucutumä o'ca juiyönä ja̧'hua̧nö̧ jȩpö̧ cu̧ja̧cuä̧tu̧cu̧ttu̧mä̧, adiunätä ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧ Jesucristorö cu̧huo̧juä̧tu̧cua̧'a̧ttö̧, adiu ka̧cuä̧tö̧jä̧.