Tito 3:1 - TÄ̧DO Ä̧CUÄ̧ I̧HUȨNȨ

¹ Ji'ähui jahuätörö o'ca toi'önä ruhuotörö ttucuota pä'ö. O'ca juiyönä ruhuotö huettömä jȩttä̧cua̧'a̧nö̧. 'Cuäopönä adiu jȩttä̧cua̧'a̧nö̧.

Nuevo Testamento Uwotjüja

¹ Kkorotürümä̧ ji'äwi, ru̧wa̧ weümä̧, ja̧'wa̧ta̧nü̧ ukuo isotü wettümä̧ ttukuota; ja̧'wa̧ta̧nü̧ juätü wettümä̧ ttukuotäkua'anü̧ 'kuäopünä̧tä̧ adiwäjuei jȩä̧kuä̧wä̧ isotü jü̧nä̧ ttü̧ja̧kua̧.

Tito 3:1 ပူးပေါင်းရင်းမြစ်များ

San Mateo 22:21

Jahuätö ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧. Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧ chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

1 Timoteo 2:2

Ja̧'hua̧ta̧nö̧ ruhuotörö'inä, ttippeyä ruhuotörö'inä Diosrö ttucuocu'a̧nö̧ ja̧'a̧, Diosrö esetö kä̧nö̧, adiu eseunu tö̧ja̧cuä̧cua̧'a̧nö̧. Ja̧'hua̧ta̧nö̧ o'ca juiyönä surojö juiyönä tö̧ja̧cuä̧cua̧'a̧nö̧.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

2 Timoteo 1:6

Ttö hue'ösä ucuru, chu̧mö̧ mȩ'ö̧ huedina'amä ocurä tti̧rȩdȩta̧'a̧ jä̧'i̧nö̧'a̧nö̧, rȩdȩti̧ cuami iso'quinä Dios ucuru iyinö.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

2 Timoteo 2:21

Ja̧'hua̧nö̧ ja̧'a̧ttö̧ ya̧tȩ pi̧jä̧ jähuä jaropi'ö adiu jȩo̧mȩnä̧, Tu̧ru̧hua̧ ä'ca jo̧mȩttö̧ adihuä i̧sa̧ ö̧jä̧cua̧. Tu̧ru̧hua̧ hueömä jȩä̧cua̧. Ja̧'hua̧ta̧nö̧ o'ca juiyönä adihuä juäi jȩö̧'a̧nö̧ hua̧ jä̧cua̧.

Tito 1:16

Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Tito 3:14

Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

2 Pedro 1:12

Ja̧'hua̧ta̧nö̧ ucutu cu̧huo̧juä̧tu̧cua̧'a̧nä̧, ucuturu amöcuädö, ppa̧'ä̧dö̧ ji̧dä̧huä̧cua̧sä̧ pi̧yȩ huȩnȩ. Iso päi'önä cuesetätucuomenä, cuami 'qui'ächi'ätöjä.

Judas 1:5

Ucutu täcö cu̧huo̧juä̧tu̧cu̧mä̧, cuamöcuädätucua pä'ösä. Tu̧ru̧hua̧ Israel ttö̧ja̧rö̧ Egipto rȩjȩttö̧ rä'epö icuinö. Ja̧u̧nu̧ o'ca'a, jahuätöttö churutä esetocotörö be'epäjipö icuinö.