Tito 1:4 - TÄ̧DO Ä̧CUÄ̧ I̧HUȨNȨ

⁴ Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Nuevo Testamento Uwotjüja

⁴ Tito, Jesucrito-nä̧ kua̧'kua̧ ku̧wȩnä̧ra̧ pä'ü ppädädinä̧ku̧jä̧ ja̧'wa̧nü̧ ja̧'a̧ttü̧ isopäi'ünä̧ chi̧tti̧ jä̧'i̧nü̧'a̧nü̧ wa̧jä̧. Ttü'i̧nä̧ uku'i̧nä̧ Dio-rü ta̧'kua̧ tu̧wȩnä̧ro̧mȩttü̧ jua̧u̧ru̧mä̧ jä'epüsä Tä'o jo̧mȩttü̧ ja̧'wa̧ta̧nü̧ tu̧ru̧wa̧ Jesucrito ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧rü̧mä̧ eseäkuäwä'i̧nä̧ unichä̧rü̧ kkä̧kuä̧wä̧'i̧nä̧ ttiyäku pä'ü.

Tito 1:4 ပူးပေါင်းရင်းမြစ်များ

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Juan 4:42

Ja̧u̧nu̧ o'ca'a jahuäju isajuru pä'inätödo: —Jitämä adiu esetätöjä. Ucutä jicuhuähuomenätä ä̧ju̧cu̧ esetocotöjä. Ujutu'inä ja̧u̧ru̧ ä̧ju̧cuä̧jä̧tö̧jä̧. Täcö huo̧juä̧tö̧jä̧, ja̧u̧mä̧ iso päi'önä Cristodo, pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

Romanos 1:12

Ja̧'hua̧nö̧ jidähuomenä, ka̧ra̧ ka̧ra̧'i̧nä̧ ppätäda pä'ö ji'äusä. Ucutu'inä, ttö'inä ji̧nä̧ ji̧yȩtȩ esetätöjä.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

2 Corintios 12:18

Titorö ucuocuinösä ucuturu do'ächö i̧'cha̧ pä'ö. Ja̧'hua̧ta̧nö̧ ja̧u̧cu̧ ka̧ra̧ tö̧jä̧hua̧rö̧ hue'inösä. Titomä, ¿ucuturu yapareu ji'ähuinö tä̧ji̧? Titocu, ttöcu yoräteunä ji̧nä̧ ji̧yȩtȩ espíritunä, ¿cue'ächocotöjä tä̧ji̧?

2 Corintios 2:13

Ja̧'hua̧nö̧ ja̧'a̧nä̧ yoröiso adiunä jo̧ca̧'a̧ ji̧na̧'a̧ chami iso'quinä, tö̧jä̧hua̧ Tito toepa'attö. Ja̧'hua̧nö̧ ja̧'a̧ttö̧ jahuätöttö rä'opächö, Macedonia rȩjȩra̧'a̧ 'chi̧nö̧sä̧.

2 Corintios 4:13

Huȩyu̧cuä̧ Huȩnȩ päa'a: “Esetö kä̧nö̧ ucuocuinösä.” Ja̧'hua̧ta̧nö̧ ujutu'inä ja̧'hua̧nö̧ esetö ucuocuätöjä.

2 Corintios 7:6

Ja̧'hua̧nö̧ ja̧'a̧nä̧ Dios, rö̧ȩnä̧ tta̧'cua̧ tta̧'ȩcuä̧tö̧rö̧ ppä'ädömä, ujuturu'inä ppä'ädinö Tito i̧rȩbȩhuo̧mȩnä̧.

2 Corintios 8:16

Diosrö esehuätöjä jitämä. Dios Tito ami iso'quinä ucuocu hue'inödo Titorö, ucuturu rö̧ȩnä̧ amöcuäda pä'ö ttö chamöcuädö ta'anö.

2 Corintios 8:23

Korotö Titorö jättepöttömä, ja̧u̧mä̧ Pablo u̧mö̧huä̧ya̧ päi'önä aditödo, ujuturu ppä'ädö pä'ö cuädätätucuaja. Ja̧'hua̧ta̧nö̧ korotö tö̧jä̧hua̧tö̧rö̧'i̧nä̧ jättepöttömä, jahuätö Cristorö pä̧huä̧ rö̧jo̧mȩnä̧ ttadita pä'ö, iglesias ruhuättö hue'ähuotödo pä'ö cuädätucuaja.

2 Corintios 8:6

Ja̧'hua̧nö̧ ja̧'a̧ttö̧ Titorö hue'inätöjä ä'canä cuiyätucua pä'ö ucuturu jiähuina'attö, juhua'a yabonö ucuturu ppäda pä'ö, Diosrö iyähuänä adiu jȩcu̧'ä̧tu̧cua̧ pä'ö.

Gálatas 2:3

Ja̧'hua̧nö̧ ja̧'a̧nä̧ Titorö, judíos huocörö, ttöcu cue'ächörö'inä hue'ocotö pi̧nä̧tö̧ circuncisión jȩa̧ pä'ömä.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Gálatas 3:28

Yoröiso yorätehuätöjä Cristo Jesúsru cuesetätucuomenä, judíos ttö̧ja̧'i̧nä̧, griegos ttö̧ja̧'i̧nä̧, ttu̧mö̧huä̧ya̧'i̧nä̧, ttu̧mö̧huä̧ya̧cö̧'i̧nä̧, ubo'inä, isaju'inä.

Efesios 1:2

Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

1 Timoteo 1:12

Chu̧ru̧hua̧ Jesucristorö, chujuru iyinörö, eseusä. Ja̧u̧tä̧ ttörö adiu amöcuädö hueinäcusä, ttömä i̧huȩnȩ jidähua pä'ö.

2 Timoteo 1:1

Ttö Pablo, Diosrö pä̧huä̧ rö̧jo̧mȩnä̧ Jesucristo huȩ'ä̧hua̧sä̧ Cristo Jesúsru ttesetomenä, kä̧cuä̧huä̧ i'co iya päinö huȩnȩ jidähua pä'ö.

2 Timoteo 1:2

Pi̧yȩ cuyäru huȩyu̧tu̧ hue'ösä ucuru Timoteo, Cristonä chi̧tti̧ repedäcuru. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

2 Timoteo 4:10

Demas pi̧jä̧ jähuä amöcuädö, ttörö jaropi'inö. Tesalónica ötahuiyära̧'a̧ i̧hui̧nö̧. Ka̧ra̧ Cresente'inä Galacia rȩjȩra̧'a̧ i̧hui̧nö̧. Tito'inä Dalmacia rȩjȩra̧'a̧ i̧hui̧nö̧.

Tito 1:3

Jitämä churutä pä̧huä̧ rö̧jo̧mȩnä̧, i̧huȩnȩ jidähua pä'ö hueinäcusä o'ca toi'önä ttu̧huo̧jua̧ pä'ö.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

2 Pedro 1:11

Ja̧'hua̧nö̧ cu̧ja̧cuä̧tu̧cu̧ttu̧mä̧, adiunä docuhuächäcuotöjä Tu̧ru̧hua̧ Jesucristo ö̧jo̧mȩ, yoröiso beipocome.

2 Pedro 2:20

Tu̧ru̧hua̧ Jesucristorö huo̧juä̧tö̧mä̧, suronä ttö̧ja̧cui̧nö̧ttö̧ rä'opächinätö. Ja̧'hua̧nö̧ ja̧'a̧ pä'äji ta'anö suronä jȩpö̧ ppa̧ttä̧chö̧ttö̧mä̧, äcuomenä ttö̧ja̧cui̧nö̧ttö̧'i̧nä̧ abonänö suronä ka̧cuä̧tö̧.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

2 Pedro 3:2

Täbocö adihuä Dios i̧huȩnȩ jiäcuähuä isotö jittähuinö huȩnȩ cunichi'ätucuä'. Ja̧'hua̧ta̧nö̧ Tu̧ru̧hua̧ hueähuä huȩnȩ, Jesús hue'ähuotö ttu̧huo̧juȩti̧nö̧ huȩnȩ'i̧nä̧ ucuturu ttu̧huo̧juȩti̧nö̧mä̧ cunichi'ätucuä'.

1 Juan 5:14

Ujutu huo̧juä̧tö̧jä̧ Diosrö pä̧huä̧ rö̧jö̧ jä'epö tucuocuomenä, ujuturu ä̧ju̧cua̧'a̧ttö̧, ja̧u̧ru̧ ta̧'cua̧ huȩnä̧rä̧tö̧jä̧.

Judas 1:3

Chö̧jä̧hua̧tö̧, ucuturu chi̧huȩyu̧ta̧ pä̧huä̧ rö̧ji̧nä̧cu̧sä̧ Dios ujutu suronä jȩti̧nö̧ jȩpö̧ icuinö huȩnȩ ttö'inä chu̧ju̧nä̧rö̧, ucutu'inä cu̧ju̧nä̧rä̧tu̧cu̧. Ja̧'hua̧nö̧ ja̧'a̧nä̧ jitä chi̧huȩyu̧ta̧ pä̧huä̧ rö̧jä̧cu̧sä̧ Dios i̧huȩnȩ, cuesetinätucu huȩnȩ, adiu ji'äu huo̧juȩtö̧ cujuruhuätucu'a̧nö̧ ja̧'a̧. Pi̧yȩ esetäcuähuä huȩnȩ o'ca juiyönä Dios ji'äu ku̧ni̧pi̧nö̧ i̧tti̧mö̧rö̧.