Santiago 5:8 - TÄ̧DO Ä̧CUÄ̧ I̧HUȨNȨ

⁸ Ucutu'inä cuami 'qui'ächi'ö ka̧cuä̧tu̧cui̧. Eseunu amöcuädö ka̧cuä̧tu̧cui̧. Tu̧ru̧hua̧ ichä̧cuȩ mo̧ro̧ tö'cöhuächa'a.

Nuevo Testamento Uwotjüja

⁸ Ja̧'wa̧ta̧nü̧ ukutu'i̧nä̧ kua̧mi̧ 'ki'ächi'ü, jo̧mȩnü̧ 'kiyünä̧ tta̧'a̧rä̧tu̧kui̧, isopäi'ünä̧ Tü̧ä̧nä̧wa̧ ppa̧wä̧chä̧kua̧'a̧mä̧ täkü tü'küwächa'a.

Santiago 5:8 ပူးပေါင်းရင်းမြစ်များ

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

San Juan 21:22

Jesús ja̧u̧ru̧ ädätinödo: —Pä'äji ta'anö chichome jubö päi'önä ö̧ja̧ pä'ö pädöttömä, ¿ucurumä suroja'a tä̧ji̧? Ucutä ttöcu cue'ächi.

Romanos 8:25

Ji̧nä̧ totoca'anä tta̧tä̧rö̧mä̧ tami 'qui'ächi'ö tta̧tä̧rö̧'a̧nö̧ ja̧'a̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Filipenses 4:5

Adiu amöcuädö jȩcu̧'ä̧tu̧cua̧ja̧ o'ca toi'önärö. Tu̧ru̧hua̧ ichäcuome tö'cöhuächa'a.

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

1 Tesalonicenses 2:19

Tu̧ru̧hua̧ Jesucristo ichomenä, ¿dirö tesehuäcua'ajä̧ttö̧? ¿Dirö tta̧tä̧rä̧cua̧'a̧jä̧ttö̧ tesehua pä'ö? ¿Dirö tamöcuädäcua̧'ajä̧ttö̧? Ucuturu tesehuäcuotöjä Tu̧ru̧hua̧ Jesucristo ichomenä.

1 Tesalonicenses 3:13

Cuami iso'quitucunä cuami 'qui'ächi'ö esetö, Tä'o Dios ä'ca jo̧mȩttö̧ Tu̧ru̧hua̧ Jesús chutä ahuaruhuäcu ichomenä, Tu̧ru̧hua̧ ppäda'attö, adiunä jȩpö̧ surojö juiyönä cu̧ja̧cuä̧tu̧cua̧ pä'ätöjä.

2 Tesalonicenses 3:5

Diosttö repeähuä cu̧ju̧nä̧rä̧tu̧cua̧ pä'ö ppädäcua'a̧nö̧ Tu̧ru̧hua̧. Cristottö ttami 'qui'ächi'ö kä̧cuä̧huä̧ iyäcua'a̧nö̧ ucuturu Tu̧ru̧hua̧.

Santiago 5:3

Cuhuäre oro'inä, cuhuäre pärätä'inä ö̧tä̧nȩcuä̧cha̧'a̧. Ja̧u̧ ö̧tä̧nȩcuä̧cha̧'a̧ topö huo̧juä̧tö̧jä̧, järenätä tta̧'cua̧ huȩnä̧rä̧cuä̧huä̧nä̧mä̧ suroja'a. Ja̧'hua̧ta̧nö̧ cuidepä ocurä cuo'ö icua'a jä̧'i̧nö̧'a̧nö̧ jä̧cua̧'a̧. Röji mo̧ro̧ päi'a'anä'inä, ucutu cuhuäre ca̧ca̧tö̧ rötinätöjä.

Santiago 5:9

Korotörö pä'ä'chömä jȩcu̧'ä̧tu̧cuä̧', chö̧jä̧hua̧tö̧, Dios ucuturu ö̧tä̧bo̧tö̧ juiya pä'ö. Dios, Tä̧bo̧cuä̧ I̧sa̧mä̧, äpate ä'ca kö̧.

1 Pedro 4:7

O'ca juiyö beipächäcuome tö'cöhuächa'ado. Ja̧'hua̧nö̧ ja̧'a̧ttö̧ cua̧'cua̧ pö̧nö̧ ka̧cuä̧tu̧cui̧. Adiunä Diosrö amöcuädö ucuocu ka̧cuä̧tu̧cui̧.

Apocalipsis 22:20

Pi̧yȩ huȩnȩ päömä, päa'a: —Iso päi'önä jurunänö ichösä. Amén. ¡Ichi, Tu̧ru̧hua̧ Jesús!