Santiago 5:19 - TÄ̧DO Ä̧CUÄ̧ I̧HUȨNȨ

¹⁹ Chö̧jä̧hua̧tö̧, ucututtu ya̧tȩ iso päi'önä huȩnȩttö̧ 'quȩi̧pä̧chö̧ttö̧mä̧, ka̧ra̧ a̧hua̧ru̧hua̧ ppa̧'ä̧chö̧ ȩmö̧'a̧nö̧ ja̧'a̧.

Nuevo Testamento Uwotjüja

¹⁹ Chawaruwä chü̧jä̧wa̧tü̧, ukututtü ya̧tȩ isopäi'ünä̧ wȩnȩttü̧ 'kȩi̧pä̧chü̧rü̧mä̧ ja̧'wa̧ta̧nü̧ kka̧ra̧mä̧ ä'koji jä̧ji̧ta̧'a̧nü̧ ppa̧wä̧chü̧nä̧ jȩä̧ku̧,

Santiago 5:19 ပူးပေါင်းရင်းမြစ်များ

San Mateo 18:15

“Cu̧jä̧hua̧ suronä jȩö̧ttö̧mä̧ ucuru, katä ucuocuirö suronä jȩä̧ji̧ u̧huo̧juä̧cua̧'a̧nö̧. Ucuru ä̧ju̧cu̧ttu̧mä̧, pä'äji ta'anö ȩsȩhuä̧cua̧ ucuru.

San Lucas 22:32

Ja̧'hua̧nö̧ ja̧'a̧nä̧ ucuru jä'epinösä cuesetinömä jarocu'ipö juiya pä'ö. Ja̧'hua̧ta̧nö̧ ucu ppa̧cu̧huä̧cho̧mȩnä̧, korotö cu̧jä̧hua̧tö̧rö̧ ppäcuhuädaja adiu ttami 'qui'ächi'ö ttö̧ja̧cua̧ pä'ö.

Gálatas 6:1

Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

1 Timoteo 6:21

Korotömä pi̧jä̧ jähuä yapareu huo̧juä̧huä̧ tteseta'attö, jaropi'inätö adihuä huȩnȩ. Dios ucuru adiu ppädäcua'a̧nö̧. Amén.

2 Timoteo 2:18

Jahuätö iso päi'önä huȩnȩ ucuocuocotö. Jahuätö pä'ätö Diosrö esetätö ttoächäcuähuä mo̧ro̧ täcö 'cuäopina'a. Ja̧'hua̧nö̧ pättomenä, korotömä Diosrö jaropi'ätö.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.

Santiago 1:16

Chö̧jä̧hua̧tö̧, yapareu cucuocuätucuä' cuamönätucu.

Santiago 1:19

Chö̧jä̧hua̧tö̧, 'coruchi'ö pä̧nö̧ ä̧ju̧cuä̧tu̧cui̧. Adiu cuä̧ju̧cuä̧tu̧cu̧ o'ca'a ucuocuätucui. O'ca päi'önä cu̧ra̧huä̧rä̧tu̧cuä̧'.

Santiago 3:14

Ja̧'hua̧nö̧ ja̧'a̧ttö̧ ucutu cua̧'cua̧ ko̧mȩnä̧, cuami iso'quitucunä amöcuädö jȩcu̧'ä̧tu̧cu̧ttu̧mä̧, surojö jä̧'i̧nö̧'a̧nö̧ huotöjä. Ja̧'hua̧nö̧ jȩcu̧'ä̧tu̧cuo̧mȩnä̧: “Ujutu yoröiso huo̧juä̧tö̧jä̧” päcuhuätucuä'. Ja̧'hua̧nö̧ päcuhuätucuomenä, yapareu huȩnȩ ucuocuätöjä. Iso päi'önä huȩnȩ ä̧ppö̧tä̧rä̧tö̧jä̧.

Santiago 5:20

Amöcuädätucui. A̧hua̧ru̧hua̧ o'ipö ucuocuäji o'ca'a ppa̧huä̧chö̧ttö̧mä̧, a̧'cua̧rö̧ 'corupäi'äcuähuättö ö̧ji̧pa̧ pä'ö ppä'ädö. Ja̧'hua̧ta̧nö̧ ja̧u̧ re'tehuächäjirö o'ipäjimä, recuätörö ppä'ädö Dios suronä jȩttö̧ töcö icua pä'ö.

2 Pedro 3:17

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, täcö cu̧huo̧juä̧tu̧cua̧'a̧ttö̧, ttu̧ȩcuä̧nä̧ ka̧cuä̧tu̧cui̧. Korotö suronä jȩpä̧tö̧ yapareu jittäu cuesetö juiyätucuaja jahuätörö, cuami 'qui'ächi'ö kä̧nö̧, suronä jȩpö̧ ma̧cu̧huä̧chä̧tu̧cu̧ juiya pä'ö.

Judas 1:11

Caín ö̧ji̧nö̧ ta'anö ttö̧ja̧'a̧ttö̧, suronä 'cuäopäcua'a jahuätörö. Pärätä ȩma̧ pä'ö Balaam suronä jȩi̧nö̧ ta'anö, suronä jȩpä̧tö̧ jahuätö'inä. Coré öarode'inö ta'anö, jarode'ätö jahuätömä. Ja̧'hua̧nö̧ ja̧'a̧ Coré toei'inö ta'anö, tottei'äcuotö jahuätömä.