Santiago 5:13 - TÄ̧DO Ä̧CUÄ̧ I̧HUȨNȨ

¹³ Ucututtu ya̧tȩrö̧ barauttumä, Diosrö ucuocu'a̧nö̧ ja̧'a̧. Ucututtu ya̧tȩ eseunu ö̧jö̧ttö̧mä̧, Diosrö eseunu ra̧huä̧huä̧ ra̧u̧'a̧nö̧ ja̧'a̧.

Nuevo Testamento Uwotjüja

¹³ Ukututtü ya̧tȩ a̧'kua̧ tta̧wȩku̧ttü̧mä̧, Dio-rü ukuokui, ja̧'wa̧ta̧nü̧ ya̧tȩ a̧'kua̧ adiuttümä̧, eseu ra̧'i̧.

Santiago 5:13 ပူးပေါင်းရင်းမြစ်များ

San Mateo 26:30

Ya'ute ra̧huä̧huä̧ ra̧ttä̧ji̧ o'ca'a rä'opächö, Olivos inähuära̧'a̧ 'chi̧nä̧tö̧do.

San Lucas 22:44

Ja̧'hua̧ta̧nö̧ rö̧ȩnä̧ ubara ttuhuäcua'attö, ji̧nä̧ isocu juruhuächi'ö ucuocuinödo. Ja̧'hua̧nö̧ ucuocuomenä, ajireja ttucuoja rö̧ȩnä̧ rȩjȩ eri'a'a jä̧'i̧nö̧'a̧nö̧ ji̧na̧'a̧do.

San Lucas 23:42

Ja̧'hua̧ ja̧'a̧ pä'inödo: —Jesús mo̧ro̧jä̧ra̧'a̧ cui̧'cho̧mȩnä̧, ttörö cuamöcuädaja.

1 Corintios 14:15

Ja̧'hua̧nö̧ ja̧'a̧ttö̧ ¿tta̧'a̧nö̧ jȩchä̧tto̧? Cha̧'cua̧ru̧hua̧nä̧'i̧nä̧, chu̧huo̧jua̧'a̧nä̧'i̧nä̧ Diosrö chucuocuomenä, adihua'a. Ja̧'hua̧ta̧nö̧ cha̧'cua̧ru̧hua̧nä̧'i̧nä̧ chu̧huo̧jua̧'a̧nä̧'i̧nä̧ ra̧do̧mȩnä̧, adihua'a.

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

Efesios 5:19

Ka̧ra̧ ka̧ra̧nö̧ ucuocu ka̧cuä̧tu̧cui̧ adihuä huȩnȩtä̧. Dios i̧huȩnȩ ra̧huä̧huä̧ ra̧'ö̧ ka̧cuä̧tu̧cui̧. Ja̧'hua̧ta̧nö̧ cuami iso'quitucunä o'ca juiyönä eseunu ra̧'ö̧ eseäcuähuätucui Tu̧ru̧hua̧rö̧.

Hebreos 5:7

Cristo pi̧jä̧nä̧ ö̧jä̧i̧, juruhuächi'ö ajuäunu, Diosrö jä'epö ucuocuinödo. Diosrö, 'corupäi'äcuähuä jȩpö̧ icu'a̧nö̧ hua̧rö̧, ajuäunu i̧huȩnȩ pä̧i̧cu̧nä̧ ucuocu jä'epinödo. Ja̧'hua̧nö̧ ucuotönö jäepomenä, Dios ä̧ju̧cui̧nö̧do.

Santiago 5:10

Chö̧jä̧hua̧tö̧, amöcuädätucui Dios i̧huȩnȩ jiäcuähuä isotörö, Tu̧ru̧hua̧ i̧mi̧nä̧ ucuocuinätörö. Jahuätö surojö 'cuäopa'anä'inä, ttami 'qui'ächi'ö ka̧'cui̧nä̧tö̧do.

Apocalipsis 14:3

Chutä i̧dȩä̧cä̧ ä'ca jo̧mȩttö̧'i̧nä̧, jahuätöttö pa̧ja̧cuä̧nö̧ isotö a̧'cua̧rä̧tö̧ ttä'ca jo̧mȩttö̧'i̧nä̧, ancianos huotö ttä'ca jo̧mȩttö̧'i̧nä̧ jareö ra̧huä̧huä̧ ra̧'i̧nä̧tö̧. Korotömä yoröiso huo̧jui̧po̧co̧tö̧ pi̧nä̧tö̧ ja̧u̧ ra̧huä̧huä̧. Jitötä ciento cuarenta y cuatro mil jo̧mȩnä̧ ttö̧ja̧, pi̧jä̧ttö̧ ka̧cui̧pi̧nä̧tö̧, huo̧jui̧pi̧nä̧tö̧ ja̧u̧ ra̧huä̧huä̧.

Apocalipsis 7:10

Jahuätömä o'ca toi'önä tti̧huȩnȩnä̧ pä̧i̧cu̧nä̧ huopinätö: Tä̧do̧ ä̧cua̧ Dios, i̧dȩä̧cä̧nä̧ pö̧cu̧, Corderocu tö̧ji̧pa̧ pä'ö ppä'ädätö.