Santiago 4:9 - TÄ̧DO Ä̧CUÄ̧ I̧HUȨNȨ

⁹ Cua̧'cua̧ tta̧nö̧ jö̧nä̧ amöcuädätucui. Suronä jȩcu̧'ä̧tu̧cu̧mä̧, a̧'u̧ rö̧jö̧nä̧nö̧ cuami iso'quitucunä ajuähuätucui. Ya̧'ä̧huȩ'ö̧ kä̧nö̧, eseu jȩcu̧'i̧nä̧tu̧cu̧mä̧ jaropi'ö, ajuäcuähuätucui, Diosrö amöcuädö. Ja̧'hua̧nö̧ ja̧'a̧ cuesehuinätucu jaropi'ö, cua̧'cua̧ tta̧nö̧ jö̧nä̧ amöcuädätucui.

Nuevo Testamento Uwotjüja

⁹ Kua̧'kua̧ tta̧'ȩku̧ barawä̧u̧ ajuäkuäwätukui. Ya̧kuä̧wä̧tu̧ku̧mä̧ kui̧'chȩrȩja̧tu̧ku̧nä̧tä̧ pärowächa'a, ja̧'wa̧ta̧nü̧ kuesewätukumä̧ tta̧'kua̧ tta̧wȩkuä̧kuä̧wä̧nä̧tä̧ pärowächa'a.

Santiago 4:9 ပူးပေါင်းရင်းမြစ်များ

San Mateo 21:41

Jesúsru ädätinätödo: —Jiähuoca'a cuä'ö i̧cuä̧cua̧ ja̧'hua̧nö̧ suronä jȩpä̧tö̧rö̧. Pättamä korotörötä, adiu ru̧hua̧rö̧ iyätörötä huȩä̧cua̧.

San Mateo 5:4

“Tta̧'cua̧ tta̧'ȩcuä̧tö̧mä̧ eseunu ttö̧ja̧cuä̧cuo̧tö̧. Diostä jahuätörötä ppä̧dä̧cuä̧u̧.

San Lucas 16:25

Ja̧'hua̧nö̧ ja̧'a̧ Abraham ädätinödo: “Chi̧tti̧, amöcuädäcuähui. Ucu adiu 'cuäopinäcujä äcuomenä cu̧ji̧nä̧jä̧ra̧'a̧ttö̧mä̧. Lázaromä surojinäcu ja̧huä̧jä̧ttö̧mä̧. Jitä ja̧u̧ a̧'cua̧ ȩmö̧ pottö, ucu jitä ubara ttucuhua'anä.

San Lucas 6:21

“Ucutu Diosrö adiunätä pä̧huä̧ rö̧jä̧chi̧'ö̧nä̧ amöcuädätömä, sucuhuädi'önä cu̧ja̧cuä̧cuo̧tö̧jä̧. “Ucutu jitä cua̧'cua̧ tta̧'ȩcu̧nu̧ ajuähuätömä, eseunu ya̧cu̧huä̧huä̧cuo̧tö̧jä̧.

San Lucas 6:25

“Ucuturu suronä 'cuäopäcua'a, jitä sucuhuädi'önä ka̧cuä̧tö̧mä̧. Ppäi rö̧jä̧cuo̧tö̧jä̧. “Ucuturu suronä 'cuäopäcua'a, jitä ya̧'ä̧huä̧tö̧mä̧. A̧'u̧ ttu'u cuajuähuäcuotöjä.