Santiago 3:2 - TÄ̧DO Ä̧CUÄ̧ I̧HUȨNȨ

² Ujutu o'ca toi'önä koronö pö̧nä̧tä̧ suronä jȩpä̧tö̧jä̧. Ya̧tȩ yoröiso suronä ucuocuocömä täcö yoräteunä kö̧, adiu 'quiyönä ami 'qui'ächi'ö kö̧.

Nuevo Testamento Uwotjüja

² O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.

Santiago 3:2 ပူးပေါင်းရင်းမြစ်များ

San Mateo 12:34

¡Ucutumä ä̧ca̧tö̧ jä̧'i̧nö̧'a̧nö̧ huotöjä! Suropätö cuätucua'anä, ¿tta̧'a̧nö̧ pä'ö adiunä cucuocuätuca'ajä̧ttö̧? Iso päi'önä o'ca juiyönä cui̧huȩnȩ cuättö räopömä, cuami iso'quittö räopa'a.

San Mateo 12:37

Iso päi'önä, ucutu cucuocuinätucu ta'anö pä̧cua̧ ucuturu, adiunä'inä, suronä'inä.

Romanos 3:10

Huȩyu̧cuä̧ Huȩnȩ päa'a: Adihuä i̧sa̧mä̧ toa'a. Yoröiso ya̧tȩ'i̧nä̧ toa'a adihuä i̧sa̧mä̧.

Romanos 7:21

Ja̧'hua̧nö̧ 'cuäopa'a ttörömä, adihuä juäi jȩcha̧ päda'anä, ji̧yȩä̧cuȩtä̧ surojötä ja̧'a̧ ttörömä.

1 Corintios 9:27

Pärocua'acu ttömä chamönä ro̧'ȩpä̧cuä̧u̧sä̧ jȩcha̧ pädömä jȩcha̧ pä'ö. Ttömä ja̧'hua̧nö̧ jȩpö̧sä̧, korotörö jidäu o'ca'a, ttö'inä suronä jȩpö̧ rädopächö juiyäcua'a̧nö̧.

Gálatas 3:22

Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ o'ca toi'önä surojötä jȩpä̧tö̧ 'cuäopönä. Ja̧u̧mä̧ ja̧'hua̧nö̧ päa'a Jesucristorö esetätö Dios iya päinömä ttu̧ju̧nä̧ra̧ pä'ö.

Gálatas 5:17

Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

Colosenses 1:28

Ujutumä Cristo i̧huȩnȩ ji'ähuätöjä. Ujutumä tä̧bo̧tö̧ huo̧juȩtä̧tö̧jä̧ o'ca toi'önärö, adiu ttu̧huo̧jui̧'ä̧cua̧'a̧nö̧. Ja̧'hua̧nö̧ huo̧juȩtä̧tö̧jä̧ o'ca toi'önä Dios ä'ca jo̧mȩttö̧ adiu ttesetäcua'a̧nö̧ Cristorö.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

Santiago 1:26

Ya̧tȩ culto adiu ra̧hua̧'a̧nä̧, ttömä adihuä i̧sa̧sä̧ amöcuädöttömä, koronö'inä ucuocuomenä, adiu huȩnȩtä̧ ucuocu juiyöttömä, amönätä yapareu ucuocu. Diosrö yoröiso esetocö.

Santiago 1:4

Adiu cuami 'qui'ächi'ö ka̧cuä̧tu̧cui̧, tä̧mö̧ ttö̧ja̧'a̧ jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö, koro amöcuädäcuähuä juiyönä.

Santiago 2:10

Ya̧tȩ hueähuä huȩnȩ o'ca juiyönä päö ta'anö jȩpö̧mä̧, ja̧u̧mä̧ ji̧'qui̧cha̧nö̧ i̧mi̧cu̧nä̧ amöcuädöttömä, o'ca juiyönä hueähuä huȩnȩ päö ta'anö jȩpo̧cö̧.

1 Pedro 3:10

Huȩyu̧cuä̧ Huȩnȩ päa'a: Ya̧tȩ adiunä eseunu ö̧ja̧ pä'ömä, i̧huȩnȩnä̧ suräjuä huȩnȩ'i̧nä̧, yapareu huȩnȩ'i̧nä̧ ättö amöcuädö ucuocuocö.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.