Santiago 2:8 - TÄ̧DO Ä̧CUÄ̧ I̧HUȨNȨ

⁸ Dios hueähuä huȩnȩ päö ta'anö jȩcu̧'ä̧tu̧cu̧ttu̧mä̧, adiu jȩpä̧tö̧jä̧. Ja̧u̧ huȩnȩ päa'a: Cua̧hua̧ru̧hua̧rö̧ repe'i cuamönä repecuhuäu ta'anö.

Nuevo Testamento Uwotjüja

⁸ Isopäi'ünä̧ ukuo weäwä wȩnȩ päü'a̧kuä̧ jȩ'kuä̧tu̧kuo̧mȩnä̧ adiu jȩpä̧tü̧jä̧, ja̧u̧ wȩyu̧kuä̧ wȩnȩmä̧ pä'a: «kua̧mü̧nä̧ repekuäuta'anü̧ kua̧wa̧ru̧wa̧rü̧'i̧nä̧ eseunu̧ repe'i.»

Santiago 2:8 ပူးပေါင်းရင်းမြစ်များ

San Mateo 22:39

Ja̧'hua̧ta̧nö̧ ja̧u̧ o'ca'a adihuä juäi hueähuä huȩnȩ yoräteunänö päa'a: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

San Mateo 25:21

Ja̧u̧ ru̧hua̧ pä'inödo: “Ye, adihua'a. Ucu adiu jȩpö̧jä̧, chu̧mö̧huä̧ya̧. Ji̧'qui̧cha̧nö̧tä̧ chiyina'a'inä adiu jȩcu̧'i̧na̧'a̧ttö̧, rö̧ȩnä̧nö̧ chi̧yä̧cua̧jä̧. Do'ächi'ö esehui ttöcu.”

San Mateo 25:23

Ja̧u̧ru̧ pä'inödo ru̧hua̧mä̧: “Ye, adihua'a. Ucu adiu jȩpö̧jä̧, chu̧mö̧huä̧ya̧. Ji̧'qui̧cha̧nö̧tä̧ chiyina'a'inä adiu jȩcu̧'i̧na̧'a̧ttö̧, rö̧ȩnä̧nö̧ chi̧yä̧cua̧jä̧. Do'ächi'ö esehui ttöcu.”

San Mateo 7:12

“Ja̧'hua̧nö̧ ja̧'a̧ttö̧ korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧, ucutu jȩcu̧'ä̧tu̧cu̧ ta'anö jȩtta̧ pä'ö ucuturu. Iso päi'önä Moisés hueähuä huȩnȩ'i̧nä̧, Dios i̧huȩnȩ jiäcuähuä isotö pättinö huȩnȩ'i̧nä̧ ja̧'hua̧nö̧ päa'a, —pä'ö huo̧juȩti̧nö̧do Jesús.

Romanos 13:10

Eseunu repeähuä ku̧nä̧rö̧mä̧, suronä jȩpo̧cö̧ a̧hua̧ru̧hua̧rö̧. Ja̧'hua̧nö̧ repeähuä jȩpö̧mä̧, o'ca juiyönä hueähuä huȩnȩ jȩpö̧.

Gálatas 5:14

O'ca juiyönä hueähuä huȩnȩmä̧ pi̧yȩ ji̧yȩtȩ hueähuänätä ttu̧huo̧ju̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

Gálatas 6:2

Ja̧'hua̧ta̧nö̧ korotö korotönö surojö 'cuäopomenä, ppä'ädäcuähuätucui. Ja̧'hua̧nö̧ jȩpö̧ Cristo hueähuä jȩcu̧'ä̧cuo̧tö̧jä̧.

Filipenses 4:14

Ja̧'hua̧nö̧ ja̧'a̧nä̧ ucutu ttörö ppä'ädö adiu jȩpi̧nä̧tö̧jä̧, suronä 'cuäopa'anä ttörö.

1 Tesalonicenses 4:9

Ttömä huȩyu̧tu̧ hue'ocösä ucuturu cuahuaruhuärö repeähuä huȩnȩ. Diostä u̧huo̧juȩti̧nä̧u̧jä̧ cuahuaruhuärö repecuhuätucua pä'ö.

Santiago 1:25

Ya̧tȩ ä̧ju̧cuä̧ji̧ unichi'ocömä, Dios i̧huȩnȩ, suronä jȩä̧cuä̧huä̧ttö̧ ejädö icu huȩnȩ hueö ta'anö adiu amöcuädö jȩpö̧, juhua'a yabocutä 'quiyönä amöcuädö kö̧. Dios i̧huȩnȩ päö ta'anö jȩpö̧ kö̧. Ja̧u̧mä̧ juhua'a yabocu Dios ppä̧dä̧cua̧ jȩö̧mä̧.

Santiago 2:12

Ucutumä koro hueähuä huȩnȩ, suronä jȩä̧cuä̧huä̧ ejädö icu huȩnȩ hueö ta'anö jȩpä̧tö̧ ttö̧jö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ adiu jȩpö̧ ucuocu ka̧cuä̧tu̧cui̧.

Santiago 2:19

Ucumä esetöjä Dios ya̧tȩtä̧ kö̧ pä'ö. Ja̧'hua̧nö̧ cuesetomenä, adiu esetöjä. Ja̧'hua̧nö̧ ja̧'a̧nä̧ espíritus suropätö'inä Diosrö esetö ttö̧'ä̧huä̧tö̧.

Santiago 4:11

Chö̧jä̧hua̧tö̧, suronä cucuocuätucuä' korotörö. Ya̧tȩ ö̧jä̧hua̧rö̧ suronä ucuocumä, ja̧u̧ru̧ suronä jȩpö̧ pä'ömä, hueähuä huȩnȩ suronä ucuocu, hueähuä huȩnȩ suronä päa'a pä'ö. Ja̧'hua̧ ja̧'a̧ hueähuä huȩnȩ suronä päa'a päcuttumä, hueähuä huȩnȩ päö ta'anö jȩpo̧cö̧jä̧. Tä̧bo̧cuä̧ ttö̧ja̧ jö̧'a̧nö̧ jȩpö̧jä̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.