Santiago 2:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧ta̧nö̧ ruhuotömä, ¿Jesucristo adihuä i̧mi̧nä̧ suronä ucuocuocotö tä̧ji̧? Ja̧u̧ i̧mi̧nä̧ pä'ätöjä “Cristorö esetätöjä.”

Nuevo Testamento Uwotjüja

⁷ ¿Juätütämä̧ jo̧ka̧ jä̧'i̧ja̧'a̧ tu̧ru̧wa̧ adiwä i̧mi̧nä̧ ukuturu jä'epinü̧rü̧ suronä̧ ukuokuä'ijätümä̧?

Santiago 2:7 ပူးပေါင်းရင်းမြစ်များ

San Mateo 1:23

Ja̧u̧ Dios i̧huȩnȩ jiäcuähuä i̧sa̧ pa̧'a̧nö̧ pä'inödo: Yajute isajumä, uborö yoröiso jerupajumä, muchaju jä̧cua̧ju̧. Ki̧tti̧mä̧, ubomä, u̧huä̧pä̧chä̧cua̧mä̧. Ja̧u̧ ji̧'qui̧cha̧hua̧ i̧mi̧mä̧ Emanuel pättäcuotödo. Ja̧'hua̧nö̧ i̧mi̧ mi̧cua̧'a̧ pä'ätöjä: Dios ujutucu kö̧, pä'ö.

San Mateo 12:24

Fariseos huotö ttö̧ja̧ pätta'a ttä̧ju̧cuo̧mȩnä̧, pä'inätödo: —Pidemä, espíritus suropätö ttu̧ru̧hua̧ Beelzebú ujurunä rä'epö icu espíritus suropätörö.

San Mateo 27:63

Jahuätö pä'inätödo: —Tu̧ru̧hua̧, ja̧u̧ yapareu ttö̧ja̧ i̧sa̧ ji̧nä̧ a̧'cua̧rä̧i̧ jiähuinö amöcuädätöjä. Ja̧u̧ pä'inö, huäbodäcuä mo̧ro̧ o'come 'corupädi'omettö tto̧dä̧chä̧cua̧sä̧ pä'ö.

Hechos 11:26

Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

Hechos 15:17

o'ca toi'önä korotö ttö̧ja̧'i̧nä̧ Ttu̧ru̧hua̧rö̧ usu ttö̧'o̧cui̧'a̧ pä'ö, o'ca toi'önä judíos huocotö'inä ttö chi̧tti̧mö̧ päi'önä chȩmi̧nä̧u̧.

Hechos 26:11

O'ca juiyönä judíos ttö̧ja̧ ttu̧huo̧jui̧'i̧nodehuiyättö jahuätörö suronä jȩtta̧tö̧ pä'ö 'cuäopönä hue'inösä, ttu̧ru̧hua̧ Jesucristorö ttesetinö ttä̧ppö̧tä̧ra̧ pä'ö. Ja̧'hua̧nö̧ ja̧'a̧ juiyo rö̧ȩnä̧ chö̧ra̧huä̧ra̧'a̧ttö̧, korotö tti̧rȩjä̧ ötahuiyära̧'a̧ttö̧ jahuätörö ȩmö̧ 'chi̧nö̧sä̧.

Hechos 4:12

Ka̧ra̧mä̧ toa'a suronä jȩtö̧ jȩpö̧ icumä. Pi̧jä̧ ttö̧ja̧rö̧ iyocö pi̧nö̧ ka̧ra̧ i̧mi̧nä̧, suronä jȩttö̧ jȩpö̧ icua pä'ö, —pä'inödo Pedro.

Efesios 3:15

Chutä tti̧mi̧ hueinä̧u̧do o'ca toi'önärö, mo̧ro̧jä̧ra̧'a̧ ka̧cuä̧tö̧rö̧'i̧nä̧, pi̧jä̧ra̧'a̧ ka̧cuä̧tö̧rö̧'i̧nä̧.

1 Timoteo 1:13

Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

1 Pedro 4:16

Ya̧tȩ Diosrö esetö kä̧nö̧ ubara ttuttumä, yoröiso dä'äcuocö pa̧ji̧. Dios i̧mi̧nä̧ eseta'attö, Diosrötä esehuäcua'a̧nö̧.

Apocalipsis 19:13

Ö̧'ca̧tä̧huä̧ta̧ ttucuojanä da'epäji'ca̧, 'ca̧tä̧hui̧nö̧. Ja̧'hua̧ta̧nö̧ chutä i̧mi̧mä̧ Dios I̧huȩnȩ mi̧cui̧nö̧.

Apocalipsis 19:16

Chutä ö̧'ca̧tä̧huä̧ta̧nä̧'i̧nä̧, öjanä'inä pa̧'a̧nö̧ huȩyu̧cui̧na̧'a̧: “O'ca toi'önä Ttu̧ru̧hua̧”, huȩyu̧cui̧na̧'a̧.