Santiago 2:5 - TÄ̧DO Ä̧CUÄ̧ I̧HUȨNȨ

⁵ Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

Nuevo Testamento Uwotjüja

⁵ Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Santiago 2:5 ပူးပေါင်းရင်းမြစ်များ

San Mateo 11:5

Jicuhuähuätucuaröja, ä̧to̧cä̧tö̧'i̧nä̧ topätö. 'Cuä'ätö'inä cue'ächätö. Lepra ttöttahuiyä märichei na̧'ä̧chä̧tö̧'i̧nä̧, jitämä na̧'ä̧cho̧co̧tö̧. Järiyähuätö'inä ä̧ju̧cuä̧tö̧. 'Corupä'i'ätö'inä tto'ächätö. Usurä isotö'inä adihuä juäi suronä jȩttö̧ jȩpö̧ icuähuä huȩnȩ ä̧ju̧cuä̧tö̧.

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Marcos 7:14

Pä'äji ta'anö ttö̧ja̧rö̧ huopö, Jesús pä'inödo jahuätörö: —Ttö pädömä, o'ca toi'önä adiu ä̧ju̧cuä̧tu̧cui̧.

San Lucas 12:21

Ja̧'hua̧nö̧ 'cuäopa'a ya̧tȩ pi̧jä̧ jähuä ca̧ca̧tö̧ ku̧nu̧ru̧mä̧, Diosrö amöcuädoca'a kö̧rö̧mä̧.

San Lucas 12:32

“Yecuhuecuätucuä' chu̧huo̧juȩtä̧u̧. Ucutumä a̧'u̧cu̧nä̧tä̧jä̧. Ja̧'hua̧nö̧ ja̧'a̧nä̧ Cuä'o chutäcu ruhuotö päcuhui'ätucua pä'ö pä̧huä̧ rö̧jä̧cu̧.

San Lucas 16:22

Koro mo̧ro̧ usurä i̧sa̧ 'corupä'i'inödo. Angeles ttȩpi̧nä̧cu̧do mo̧ro̧jä̧ra̧'a̧ Abraham ö̧ja̧'a̧. Järe ru̧hua̧'i̧nä̧ 'corupä'i'inödo. 'Turu tticuinäcudo.

San Lucas 16:25

Ja̧'hua̧nö̧ ja̧'a̧ Abraham ädätinödo: “Chi̧tti̧, amöcuädäcuähui. Ucu adiu 'cuäopinäcujä äcuomenä cu̧ji̧nä̧jä̧ra̧'a̧ttö̧mä̧. Lázaromä surojinäcu ja̧huä̧jä̧ttö̧mä̧. Jitä ja̧u̧ a̧'cua̧ ȩmö̧ pottö, ucu jitä ubara ttucuhua'anä.

San Lucas 22:29

Ja̧'hua̧nö̧ ja̧'a̧ttö̧ huecuhuätucuä̧cuȩmä̧ chi̧yä̧cuä̧u̧jä̧ ucuturu, ttö Chä'o ttörö iyinö ta'anö, ucutu'inä ttö huedomettö chöäre mesa isodänä cuä̧nö̧'i̧nä̧, au'inä cu̧ja̧cuä̧tu̧cuä̧cua̧'a̧nö̧. Ja̧'hua̧ta̧nö̧ Israel ttö̧ja̧ ttö̧jä̧pö̧ttö̧nö̧ ta̧ju̧nu̧ ruhuä ttahuaruhuärö ruhuotö päi'önä päcuhuätucua pä'ö cuhuäretucu adihuä juäi cui̧dȩä̧cä̧tu̧cu̧nä̧ pä̧nö̧ chi̧yä̧cuä̧u̧jä̧.

San Lucas 6:20

Ja̧'hua̧nö̧ ja̧'a̧ u̧huo̧juȩtä̧u̧ru̧ topö päinä̧u̧do: —Ucutu usurä isotömä, eseunu cu̧ja̧cuä̧cuo̧tö̧jä̧ Dios Cu̧ru̧hua̧ päi'önä ö̧ja̧'a̧ttö̧.

San Juan 7:48

¿Ujutu turuhuotöttö'inä, fariseos huotöttö'inä ja̧u̧ru̧ esetäjätö tä̧ji̧?

Hechos 7:2

Ja̧'hua̧nö̧ ja̧'a̧ Esteban pä'inödo: —Chahuaruhuä, adiu ä̧ju̧cuä̧tu̧cui̧. Dios, tȩa̧u̧nä̧ kö̧mä̧, tä̧do̧ mi̧nä̧ Abrahamrö i̧jȩcui̧nö̧do Mesopotamia rȩjȩnä̧ ö̧jo̧mȩnä̧, Harán ötahuiyänä ö̧ji̧nö̧ ä'canä.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

1 Corintios 2:9

Ja̧'hua̧ta̧nö̧ päa'a Huȩyu̧cuä̧ Huȩnȩ: Dios aditinömä, ja̧u̧ru̧ repe'ätörö iya pä'inö yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧, ttami iso'quinä ttamöcuädocö'inä.

2 Corintios 4:15

Pi̧yȩ o'ca juiyönä 'cuäopa'ado, adiu cuesehuätucuäcua'a̧nö̧. Iso päi'önä recuätö Diosrö ttesetomenä, ja̧'hua̧ta̧nö̧ recuätö eseunu ttucuocuäcuotö Diosrö, chutä rö̧ȩnä̧ esehuäcua'a̧nö̧.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

Efesios 1:18

Ja̧'hua̧ta̧nö̧ cuamöcuädätucunä ppäda pä'ö jä'epösä Diosrö, chutä ucuturu huoinömä tta̧cu̧huä̧rä̧tu̧cu̧ adiu cu̧huo̧juä̧tu̧cua̧ pä'ö. Ja̧'hua̧ta̧nö̧ Dios i̧tti̧mö̧rö̧ iyäcua'a, iso päi'önä adihuä juäi ja̧'a̧ cu̧huo̧juä̧tu̧cua̧ pä'ö.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

1 Tesalonicenses 2:12

Dios ucuturu ȩmi̧nö̧ chutäcu eseunu cu̧ja̧cuä̧tu̧cua̧ pä'ö. Ja̧'hua̧nö̧ ja̧'a̧ttö̧ Dios i̧tti̧mö̧ ttö̧ja̧cu̧'a̧nö̧, cu̧ja̧cuä̧tu̧cua̧ pä'ö huo̧juȩtö̧ hue'inätöjä ucuturu.

2 Tesalonicenses 1:5

Ucutu cu̧ja̧cuä̧tu̧cua̧'a̧ topö huo̧juä̧tö̧jä̧ Dios o'ca toi'önärö yoräteunä jȩpö̧ pä'ö. Ucutu ubara ttucuhuätucua'attö, Dios pä̧huä̧ rö̧jä̧cu̧ chutä ö̧jo̧mȩcu̧ cu̧ja̧cuä̧tu̧cua̧ pä'ö.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

2 Timoteo 4:18

Ja̧'hua̧ta̧nö̧ ttörö suronä jȩtto̧mȩnä̧, Tu̧ru̧hua̧ ppä̧dä̧cua̧ ttörö. Ttörö tta̧huä̧rä̧cua̧ mo̧ro̧jä̧ra̧'a̧ chi̧'cho̧mȩ jubö päi'önä. ¡'Cuäopönä Tu̧ru̧hua̧rö̧ ttesehuäcua'a̧nö̧! Amén.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Hebreos 11:26

Cristorö rö̧ȩnä̧ chesetomenä ubara ttuda'attö, Egipto rȩjȩnä̧ o'ca juiyönä rö̧ȩnä̧ micuäu juäi chu̧ju̧nä̧rä̧cuȩttö̧'i̧nä̧ abonänö rö̧ȩnä̧ chu̧ju̧nä̧rä̧cua̧sä̧ pä'ö amöcuädinödo. Chutä Dios ja̧u̧ru̧ adihuä juäi iyä̧cuȩ amöcuäda'attö, ja̧'hua̧nö̧ pä'inödo.

Santiago 1:12

Surojö 'cuäopomenä, ami 'qui'ächi'ö kö̧mä̧ adiu ö̧jä̧cua̧. Surojö 'cuäopäji o'ca'a, adiu kö̧mä̧ kä̧cuä̧huä̧ i'co ȩmä̧cua̧. Ja̧u̧ kä̧cuä̧huä̧ i'co Dios iya päinömä, Diosrö repe'ätörötä iyä̧cuȩ.

Santiago 1:16

Chö̧jä̧hua̧tö̧, yapareu cucuocuätucuä' cuamönätucu.

Santiago 1:19

Chö̧jä̧hua̧tö̧, 'coruchi'ö pä̧nö̧ ä̧ju̧cuä̧tu̧cui̧. Adiu cuä̧ju̧cuä̧tu̧cu̧ o'ca'a ucuocuätucui. O'ca päi'önä cu̧ra̧huä̧rä̧tu̧cuä̧'.

Santiago 1:9

Jesucristorö esetömä usurä i̧sa̧'i̧nä̧ eseunu ö̧jö̧'a̧nö̧ ja̧'a̧, Dios ppädomenä amöcuädö.

1 Pedro 1:4

Ja̧'hua̧ta̧nö̧ Dios ucuturu iya pä'ö hua'adö u̧ju̧ni̧nö̧mä̧, mo̧ro̧jä̧ra̧'a̧ttö̧ cuȩmä̧cuo̧tö̧jä̧. Ja̧u̧ cuȩmä̧tu̧cuä̧cuȩmä̧ yoröiso be'epäjipö tticuocö. Ja̧'hua̧ta̧nö̧ idicu'inä, yoröiso idicuächocö. Ja̧'hua̧ta̧nö̧ isojä pparuhuächojä jä̧'i̧nö̧'a̧nö̧mä̧ jo̧cö̧.

2 Pedro 1:11

Ja̧'hua̧nö̧ cu̧ja̧cuä̧tu̧cu̧ttu̧mä̧, adiunä docuhuächäcuotöjä Tu̧ru̧hua̧ Jesucristo ö̧jo̧mȩ, yoröiso beipocome.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.

Apocalipsis 21:7

Pi̧jä̧ttö̧'i̧nä̧ abonänö ju̧ru̧hua̧mä̧, pi̧yȩ o'ca juiyönä ȩmä̧cua̧. Ttö Jä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ ja̧u̧ ttö chi̧tti̧ päi'önä ö̧jä̧cua̧.

Apocalipsis 3:18

Ja̧'hua̧nö̧ ja̧'a̧ttö̧ ucuru pä'ösä, ttöttö ȩmi̧ adihuä juai oro ocuränä ku ȩmä̧huä̧, iso päi'önä järe ru̧hua̧ päi'önä cu̧ja̧ pä'ö. Ja̧'hua̧ta̧nö̧ ttöttö cu̧'ca̧tä̧huä̧ta̧ tȩä̧ta̧ ȩmi̧ cu̧'ca̧tähuä̧ta̧ pä'ö, cu̧'ca̧tä̧huä̧ta̧ jui'ö dä'äcunu cuecuhuächö juiya pä'ö. Ja̧'hua̧ta̧nö̧ jahuapö isoya ȩmi̧ cu'ärenä da'ecu tocu'a pä'ö.