Santiago 2:21 - TÄ̧DO Ä̧CUÄ̧ I̧HUȨNȨ

²¹ Tä̧do̧ mi̧nä̧ Abrahammä i̧tti̧ Isaacrö sacrificio adicuome u̧huȩno̧mȩnä̧, adiu jȩa̧'a̧ttö̧, Dios ja̧u̧ru̧ pä'inö: “Surojömä jui̧'a̧jä̧ täcö.”

Nuevo Testamento Uwotjüja

²¹ Dio-mä̧ tä̧do̧ mi̧nä̧ Abraha̧-rü̧mä̧, surojü jȩpo̧kü̧ 'kua̧rü̧nä̧ esekuinä̧ku̧, i̧tti̧ isaa-rü kku iku iyäwä jȩi̧no̧mȩttü̧.

Santiago 2:21 ပူးပေါင်းရင်းမြစ်များ

San Mateo 12:37

Iso päi'önä, ucutu cucuocuinätucu ta'anö pä̧cua̧ ucuturu, adiunä'inä, suronä'inä.

San Mateo 3:9

Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Lucas 1:73

Pi̧yȩ ji̧nö̧ Dios iso päi'önä ucuocuinö ujutu tä̧do̧ mi̧nä̧ Abrahamrö.

San Lucas 16:24

Ja̧'hua̧nö̧ ja̧'a̧ huopinödo: “Chä'o Abraham, re rö̧jö̧nä̧ topittö. Lázarorö hue'i ajiyanä ji̧'qui̧cha̧nö̧ ödo'che ta'epö chi̧nȩnä̧ ttinänö päi'önä tahuepattö. Rö̧ȩnä̧ ubara ttu'usä pottö ocurära̧'a̧ttö̧.”

San Lucas 16:30

Järe ru̧hua̧ ädätinödo: “Iso päi'önä pä'öjä, chä'o Abraham. Ja̧'hua̧nö̧ ja̧'a̧nä̧ ya̧tȩ 'corupä'i'inö ji'äu i̧'chö̧ttö̧mä̧, pärocuäcutä ttamöcuädäcuotö.”

San Juan 8:39

Jahuätö ja̧u̧ru̧ ädätinätödo: —Ujutu tä'omä Abraham pi̧nö̧do. Ja̧'hua̧nö̧ pättomenä, Jesús päinä̧u̧do: —Iso päi'önä Abraham i̧tti̧mö̧ cu'ätucuttumä, ja̧u̧ jȩi̧nö̧'a̧nö̧ jȩpa̧ja̧tö̧jä̧.

San Juan 8:53

¿Ucumä tä'o Abraham mi̧nä̧ttö̧'i̧nä̧ abonänö adihuä i̧sa̧jä̧ tä̧ji̧? Ja̧u̧'i̧nä̧, Dios i̧huȩnȩ jiäcuähuä isotö'inä hua'ö icuinätödo. Ucumä, ¿di cu'ättö?

Hechos 7:2

Ja̧'hua̧nö̧ ja̧'a̧ Esteban pä'inödo: —Chahuaruhuä, adiu ä̧ju̧cuä̧tu̧cui̧. Dios, tȩa̧u̧nä̧ kö̧mä̧, tä̧do̧ mi̧nä̧ Abrahamrö i̧jȩcui̧nö̧do Mesopotamia rȩjȩnä̧ ö̧jo̧mȩnä̧, Harán ötahuiyänä ö̧ji̧nö̧ ä'canä.

Romanos 3:20

Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.

Romanos 4:1

Ja̧'hua̧nö̧ ja̧'a̧nä̧ ¿tta̧'a̧nö̧ pätäcua'ajä̧ttö̧ tä̧do̧ mi̧nä̧ Abrahamrö? ¿Tta̧'a̧nö̧ jȩi̧nä̧ttö̧ Diosmä ja̧u̧cu̧ ji̧nä̧ ji̧yȩtȩ ja̧ pä'ömä Abrahamrömä?

Romanos 4:12

Ja̧'hua̧ta̧nö̧ circuncisión jȩpä̧tö̧'i̧nä̧ ttä'o päi'önä kö̧ Abrahammä. Ja̧'hua̧nö̧ ja̧'a̧nä̧ circuncisión jȩtti̧nö̧tä̧ amöcuädätö ttä'omäcö̧. Chutä Abraham circuncisión jȩö̧ juiyäi esetinö ta'anö esetätö ttä'o jä̧cua̧.

Romanos 4:16

Dios iya pä'ö amöcuädinömä, churutä esetäcuähuänätä iyö. Ja̧u̧ mippoönä iya pä'inö o'ca toi'önä Abraham i̧tti̧mö̧ isotörö, Moisés hueähuä huȩnȩ jȩpä̧tö̧rö̧'i̧nä̧, Abraham esetinö ta'anö esetätörö'inä. Ja̧'hua̧nö̧ ja̧'a̧ttö̧ ja̧u̧ Abraham ujutu tä'o ja̧'a̧, o'ca toi'önä esetätömä.

Hebreos 11:17

Diosrö esetö, Abraham Dios ja̧u̧ru̧ ka̧cuä̧mö̧ hueomenä, i̧tti̧ Isaacrö sacrificio päi'önä i'cächinödo. “Isaac ahuaruhuä o'cotörö recuätörö cu̧ju̧nä̧rä̧cua̧jä̧”, Dios päinömä amöcuäda'anä, Abraham i̧tti̧ ya̧tȩrö̧tä̧ sacrificio päi'önä iyinaji.

Santiago 2:18

Ya̧tȩ pä̧cua̧: “Ucu esetöjä. Ttömä adiu jȩpö̧sä̧.” Ja̧'hua̧nö̧ ja̧'a̧ ji'ähuittö adiu jȩcu̧'o̧ca̧'a̧ cuesetö. Ttö ji̧dä̧huä̧cua̧sä̧ chesetö'inä adiu jȩchö̧mä̧.

Santiago 2:24

Ja̧'hua̧ ja̧'a̧ topätöjä Dios pä'ö: “Surojömä jui'ätö täcö”, i̧huȩnȩ päö ta'anö jȩä̧cuä̧huä̧nä̧'i̧nä̧, esetötä esetäcuähuänätämäcö̧.