Santiago 2:18 - TÄ̧DO Ä̧CUÄ̧ I̧HUȨNȨ

¹⁸ Ya̧tȩ pä̧cua̧: “Ucu esetöjä. Ttömä adiu jȩpö̧sä̧.” Ja̧'hua̧nö̧ ja̧'a̧ ji'ähuittö adiu jȩcu̧'o̧ca̧'a̧ cuesetö. Ttö ji̧dä̧huä̧cua̧sä̧ chesetö'inä adiu jȩchö̧mä̧.

Nuevo Testamento Uwotjüja

¹⁸ Ya̧tȩmä̧ päü'anü̧ ja̧'a̧: «ukumä̧ kua̧'kua̧ wȩnä̧rä̧kuä̧wä̧ ku̧ju̧nä̧rü̧jä̧, ja̧'wa̧ta̧nü̧ ttümä̧ adikuätä kku̧nä̧rü̧sä̧. Adikuä juiyünä̧ kua̧'kua̧ ku̧wȩnä̧rü̧tä̧ i̧jȩpi̧ttü̧ pärokua'aku cha̧'kua̧ wȩnä̧rü̧ chaditüku chi̧jȩpa̧'a̧nä̧.»

Santiago 2:18 ပူးပေါင်းရင်းမြစ်များ

Romanos 14:23

Ya̧tȩ Diosrö esetäcuähuä juiyönä cumä, Dios ja̧u̧ru̧ ro̧'ȩpö̧, esetö jui'ö ucua'attö. O'ca juiyönä esetö jui'ö jȩttö̧mä̧, pi̧jä̧ usurä surojö jö̧.

Romanos 3:28

Ja̧'hua̧nö̧ ja̧'a̧ttö̧ ä̧ju̧cu̧ huo̧juä̧tö̧jä̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö churutä esetäcuähuänätä, hueähuä huȩnȩ hueö ta'anö jȩä̧cuä̧huä̧nä̧mä̧cö̧.

Romanos 4:6

David'inä ttesehua pä'inödo ttamönä jȩttö̧nä̧mä̧cö̧, Dios ja̧u̧cu̧ ji̧nä̧ ji̧yȩtȩ huotö tta pä'ö jȩi̧nö̧nä̧.

Romanos 8:1

Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

Romanos 9:19

Ja̧'hua̧nö̧ ja̧'a̧nä̧ ttörö jä̧cu̧huȩ'ä̧cua̧jä̧: “Iso päi'önä ja̧'hua̧nö̧ jö̧ttö̧mä̧, ¿Diosmä dä̧bö̧ pättö ttö̧ja̧rö̧? Diosrö pä̧huä̧ rö̧jö̧ jȩpo̧cö̧mä̧, ¿dijä̧ttö̧?

1 Corintios 13:2

Ja̧'hua̧ta̧nö̧ Dios iyähuä huȩnȩ jidäuttumä, o'ca juiyönä ttö̧ja̧ ttieru huȩnȩ chu̧huo̧ju̧ttu̧mä̧'i̧nä̧, o'ca juiyönä pi̧jä̧ huo̧juä̧huä̧ chu̧huo̧ju̧ttu̧mä̧'i̧nä̧, o'ca toi'önärö repedoca'anä, yoröiso yapareutä jȩpö̧sä̧. Ja̧'hua̧ta̧nö̧ rö̧ȩnä̧ esetö, möä'ca chupporädäcua'a̧nö̧ pä'ö chesetöttö'inä, chahuaruhuärö repedoca'anä, yoröiso yapareutä jȩpö̧sä̧.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

Tito 2:7

Ucutä Tito o'ca juiyönä jȩcu̧'u̧mä̧, adiunätä jȩpi̧ jahuätö ttu̧huo̧jui̧'ä̧cua̧'a̧nö̧. Ucu cu̧huo̧juȩto̧mȩnä̧, cua̧'cua̧ pö̧nö̧ kä̧nö̧ huo̧juȩti̧. Adiunätä huo̧juȩti̧.

Hebreos 11:31

Ja̧'hua̧ta̧nö̧ Diosrö esetö, Rahab, mä̧nä̧ ruhuaju, korotö suronä jȩpä̧tö̧cu̧ 'corupä'i'ocoju pi̧nä̧ju̧do. Jahuäjumä, Israel ttö̧ja̧ttö̧, ötahuiyä topö yä̧huä̧i̧nä̧ 'chi̧nä̧tö̧rö̧, adiu ppä'ädinäjudo.

Hebreos 11:33

Diosrö esetö, korotö tti̧rȩjä̧ra̧'a̧ rohuäu tti̧'cho̧mȩnä̧, juruhuinätödo. Ja̧'hua̧ta̧nö̧ adiunä hue'inätödo. Dios jahuätörö ppäda päinö ȩmi̧nä̧tö̧do. Yä̧hui̧tö̧ ttä'inä mö̧'ȩpi̧nä̧tö̧do.

Hebreos 11:6

Ja̧'hua̧nö̧ ja̧'a̧nä̧ ya̧tȩ Diosrö esetoca'anä, Dios esehuarö pä'ö yoröiso jȩpo̧cö̧do. Ya̧tȩ Diosrö ötö'cöhuächa pä'ömä, Diosmä kö̧ pä'ö ȩsȩtä̧cua̧. Ja̧'hua̧ta̧nö̧ Diosrö usätörö, Diosmä adihuä juäi iyö pä'ö ȩsȩtä̧cua̧.

Santiago 2:14

Chö̧jä̧hua̧tö̧, ya̧tȩ “Ttö Jesucristorö esetösä” pä'ömä, adiu jȩä̧cuä̧huä̧ jȩö̧ juiyöttömä, ¿adihua'a tä̧ji̧? Ja̧'hua̧nö̧ ttesetomenä, ¿ttö̧ji̧pä̧cuo̧tö̧ tä̧ji̧?

Santiago 3:13

Ucututtu ya̧tȩ huo̧ju̧nä̧ hua̧ ö̧jö̧ttö̧mä̧, 'cucuächi'önä ä̧ju̧cui̧nö̧ ö̧jö̧ttö̧mä̧, adiu jueönä amöcuädö, huo̧ju̧nä̧ jȩpö̧, ö̧jö̧'a̧nö̧ ja̧'a̧.