Santiago 1:26 - TÄ̧DO Ä̧CUÄ̧ I̧HUȨNȨ

²⁶ Ya̧tȩ culto adiu ra̧hua̧'a̧nä̧, ttömä adihuä i̧sa̧sä̧ amöcuädöttömä, koronö'inä ucuocuomenä, adiu huȩnȩtä̧ ucuocu juiyöttömä, amönätä yapareu ucuocu. Diosrö yoröiso esetocö.

Nuevo Testamento Uwotjüja

²⁶ Ya̧tȩ Dio-rü esetüsä päa'anä̧ i̧nȩ jiyüdäkuäwä jȩru̧pa̧mä̧, chutä a̧mü̧nä̧tä̧ yapareäkuäu, ja̧'wa̧nü̧ jo̧mȩnä̧ Dio-rü esetüsä päümä̧ yoriso mikuäwoka'a.

Santiago 1:26 ပူးပေါင်းရင်းမြစ်များ

San Mateo 15:9

Ttörö adiunämä ucuocuocotö. Jahuätö pi̧jä̧ ttö̧ja̧ huo̧juȩcuä̧tä̧ huo̧juȩtä̧tö̧.

San Marcos 7:7

Ttörö ttucuocuomenä, yoröiso micuähuoca'a. Jahuätö pi̧jä̧ ttö̧ja̧ huo̧juȩcuä̧tä̧ huo̧juȩtä̧tö̧.

San Lucas 8:18

“Ja̧'hua̧nö̧ ja̧'a̧ttö̧ adiu ä̧ju̧cuä̧tu̧cui̧. Ya̧tȩ ku̧nä̧rö̧mä̧, rö̧ȩnä̧nö̧ ȩmä̧cua̧ rö̧ȩnä̧ u̧ju̧nä̧rä̧cua̧'a̧nö̧. Ja̧'hua̧ta̧nö̧ jui̧'a̧mä̧, ji̧'qui̧cha̧nö̧'i̧nä̧ u̧ju̧nä̧ro̧mȩnä̧, yoröiso to̧ȩi̧'i̧yä̧cua̧ jui̧'a̧tä̧ ö̧jö̧nä̧, —pä'inödo Jesús.

1 Corintios 15:15

Ja̧'hua̧nö̧ jö̧ttö̧mä̧, ujutumä Dios i̧huȩnȩ ji'äu, yapareutä ji'ähuajatöjä. Ujutu ji'ähuätöjä, Dios tto'ädinödo Cristorö pä'ö. Ja̧'hua̧nö̧ ja̧'a̧ttö̧ iso päi'önä ttö̧ja̧rö̧ ttoädäcuähuä juiyöttömä, Dios'inä tto'ädocö pi̧na̧ji̧do Cristorö.

1 Corintios 15:2

Ja̧'hua̧ta̧nö̧ ja̧u̧ huȩnȩ adiu cuesetätucuttumä, ja̧'a̧tä̧ amöcuädäcuähuä juiyönä jȩcu̧'ä̧tu̧cuo̧ca̧'a̧nä̧, ucutu suronä jȩcu̧'i̧nä̧tu̧cu̧mä̧ jȩpö̧ icuinä̧u̧jä̧ Dios.

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

Gálatas 2:6

Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

Gálatas 2:9

Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.

Gálatas 3:4

¿Diosrö cuesetätucuei ucuturu 'cuäopinömä micuähuocö jä̧'i̧nö̧'a̧nö̧ jä̧u̧jä̧ tä̧ji̧? Ji̧'qui̧cha̧nö̧tä̧ ppädinä̧u̧jä̧ a̧'cua̧ra̧'a̧.

Gálatas 6:3

Ya̧tȩ chutä amöcuädäcuäutä ttö̧ja̧ ttucuotattö pä'äumä usurä i̧sa̧ ja̧'a̧nä̧, chutätä yapareu pä'äu.

Efesios 4:29

Suronämä cucuocuätucuä' cuänä. Adiunätä ucuocuätucui, korotö ä̧ju̧cu̧ ttesetäcua'a̧nö̧. Ja̧'hua̧ta̧nö̧ korotörö ppäcuhuädätucua pä'ö adiunätä ucuocuätucui.

Efesios 5:4

Dä'ä rö̧jö̧nä̧, päcuhuätucuä'. Amönä yapareu jicuhuähuä'chätucuä'. Suronämä cucuocuätucuä'. Ja̧'hua̧nö̧ jȩcu̧'ä̧tu̧cu̧ttu̧mä̧, yoröiso adihuoca'a. Diosrötä eseunu ucuocuätucui.

Colosenses 4:6

Cucuocuätucuomenä, 'corujuäinä ucuocuätucui huo̧ju̧nä̧, korotö ttö̧ra̧huä̧rö̧ juiyäcua'a̧nö̧. Ja̧'hua̧ta̧nö̧ ädätäcuähuänä'inä huo̧ju̧nä̧ ädätätucui o'ca toi'önärö.

Santiago 1:19

Chö̧jä̧hua̧tö̧, 'coruchi'ö pä̧nö̧ ä̧ju̧cuä̧tu̧cui̧. Adiu cuä̧ju̧cuä̧tu̧cu̧ o'ca'a ucuocuätucui. O'ca päi'önä cu̧ra̧huä̧rä̧tu̧cuä̧'.

Santiago 1:22

Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

Santiago 2:20

Ucu ttö̧'ȩpä̧ro̧cö̧mä̧, esetötä ttesetöttömä adiu jȩä̧cuä̧huä̧ jȩttö̧ juiyöttömä, 'corupäi'äcuähuä jä̧'i̧nö̧'a̧nö̧ jö̧ ¿amöcuädocöjä tä̧ji̧?

1 Pedro 3:10

Huȩyu̧cuä̧ Huȩnȩ päa'a: Ya̧tȩ adiunä eseunu ö̧ja̧ pä'ömä, i̧huȩnȩnä̧ suräjuä huȩnȩ'i̧nä̧, yapareu huȩnȩ'i̧nä̧ ättö amöcuädö ucuocuocö.