Santiago 1:22 - TÄ̧DO Ä̧CUÄ̧ I̧HUȨNȨ

²² Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

Nuevo Testamento Uwotjüja

²² Ja̧'wa̧nü̧ ja̧'a̧nä̧ suro ä̧ju̧ku̧tä̧mä̧ kuä̧ju̧kuä̧; ji̧yȩnä̧tä̧ jȩpü̧ ku̧ja̧ pä'ütä ja̧'a̧, ja̧'wa̧nü̧ jü̧ juiyüttümä̧ kua̧mü̧nä̧tu̧ku̧tä̧ yapareäkuäwätüjä̧.

Santiago 1:22 ပူးပေါင်းရင်းမြစ်များ

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

San Lucas 11:28

Ja̧'hua̧nö̧ päjiyäcu pä'inödo: —Jahuäjuttu'inä abonänö eseunu ttö̧ja̧cuä̧cuo̧tö̧ Dios i̧huȩnȩ ä̧ju̧cu̧ päö ta'anö jȩpä̧tö̧mä̧.

San Juan 13:17

Pi̧yȩ pädö ä̧ju̧cu̧ jȩcu̧'ä̧tu̧cu̧ttu̧mä̧, eseunu cu̧ja̧cuä̧cuo̧tö̧jä̧.

Romanos 2:13

Moisés hueähuä huȩnȩ ä̧ju̧cu̧tä̧ ä̧ju̧cuä̧tö̧mä̧, Diosttömä adihuä isotöcö̧. Moisés hueähuä huȩnȩ jȩpä̧tö̧tä̧, Diosttömä adihuä isotö.

1 Corintios 15:33

Ja̧'hua̧nö̧mä̧ yapareu cuesetätucuä'. “Suronä jȩpö̧ kä̧nö̧, adiu jȩä̧cuä̧huä̧ surojuo'epätö.”

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

1 Corintios 6:9

¿Ucutumä jerupätöjä tä̧ji̧? Suronä jȩpä̧tö̧mä̧ yoröiso toäcua'a Dios ö̧jo̧mȩttö̧. Yapareu cuesetätucuä'. Korotö korotö tti̧rȩcua̧mö̧rö̧ usätö'inä, ttu̧mö̧nä̧ adicuänä esetätö'inä, nä̧tö̧rö̧ jȩpä̧'chä̧tö̧'i̧nä̧, u̧mä̧tö̧ korotö u̧mä̧tö̧rö̧, nä̧tö̧rö̧ jȩttö̧'a̧nö̧ jȩpä̧'chä̧tö̧'i̧nä̧ yoröiso toäcua'a Dios ö̧jo̧mȩttö̧.

Gálatas 6:3

Ya̧tȩ chutä amöcuädäcuäutä ttö̧ja̧ ttucuotattö pä'äumä usurä i̧sa̧ ja̧'a̧nä̧, chutätä yapareu pä'äu.

Gálatas 6:7

Ucututä cuamönätucumä yapareu cuamöcuädäcuähuätucuä'. Diosmä yoröiso ya̧'ä̧huȩ'ä̧cuä̧huo̧cö̧. Ya̧tȩ ku̧nu̧mä̧, u̧ju̧nu̧ u̧huä̧ju̧tä̧ ȩmä̧cua̧.

Filipenses 4:8

Jitämä chö̧jä̧hua̧tö̧, röjinä ji'äusä. Amöcuädätucui o'ca juiyönä iso päi'önä huȩnȩ'i̧nä̧, ttö̧ja̧rö̧ adiu ucuotäcuähuä'inä, adiu jȩä̧cuä̧hua̧'i̧nä̧, surojö juiyönä amöcuädäcuähuä'inä, adiu topö jȩä̧cuä̧huä̧'i̧nä̧, adiu ucuocuäcuähuä'inä. Ja̧'hua̧ta̧nö̧ o'ca juiyönä adihuä juäi'inä, adiu eseäcuähuä'inä amöcuädätucui.

Colosenses 3:17

O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

Santiago 1:26

Ya̧tȩ culto adiu ra̧hua̧'a̧nä̧, ttömä adihuä i̧sa̧sä̧ amöcuädöttömä, koronö'inä ucuocuomenä, adiu huȩnȩtä̧ ucuocu juiyöttömä, amönätä yapareu ucuocu. Diosrö yoröiso esetocö.

Santiago 4:11

Chö̧jä̧hua̧tö̧, suronä cucuocuätucuä' korotörö. Ya̧tȩ ö̧jä̧hua̧rö̧ suronä ucuocumä, ja̧u̧ru̧ suronä jȩpö̧ pä'ömä, hueähuä huȩnȩ suronä ucuocu, hueähuä huȩnȩ suronä päa'a pä'ö. Ja̧'hua̧ ja̧'a̧ hueähuä huȩnȩ suronä päa'a päcuttumä, hueähuä huȩnȩ päö ta'anö jȩpo̧cö̧jä̧. Tä̧bo̧cuä̧ ttö̧ja̧ jö̧'a̧nö̧ jȩpö̧jä̧.

Santiago 4:17

O'ca toi'önä adiu jȩä̧cuä̧huä̧ ttu̧huo̧jua̧'a̧nä̧ jȩpo̧co̧tö̧mä̧, suronätä jȩpä̧tö̧.

2 Pedro 2:13

Korotörö ttutta pä'ö jȩtti̧nö̧'a̧nö̧, ubara ttuttäcuotö jahuätö'inä. Pi̧jä̧ jähuä amöcuädö kä̧cuä̧huä̧mä̧ adiunä ttö̧ja̧ji̧cö̧ pä'ö jȩpä̧tö̧. Ucutucu fiesta jȩtto̧mȩnä̧, korotö ttödäpecuächi'önä jȩpä̧tö̧, yapareu jȩpö̧ kä̧nö̧.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

1 Juan 2:3

Dios hueinö ta'anö jȩtö̧ttö̧mä̧, ujutu huo̧juä̧tö̧jä̧ Diosrö huo̧juä̧tö̧jä̧ pä'ömä.

1 Juan 3:7

Chi̧tti̧mö̧ huotö, yapareu ttucuocumä, cuesetätucuä'. Iso päi'önä adiu jȩpö̧mä̧ adihuä i̧sa̧. Ja̧u̧mä̧ Jesucristo adihuä i̧sa̧ ö̧jö̧ ta'anö kö̧.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

Apocalipsis 22:7

—¡Jurunänö ichösä! Pi̧yȩ cuyäru'tänä huȩyu̧cuä̧, Dios i̧huȩnȩ ä̧ju̧cu̧mä̧, eseunu ö̧jä̧cua̧.