Santiago 1:16 - TÄ̧DO Ä̧CUÄ̧ I̧HUȨNȨ

¹⁶ Chö̧jä̧hua̧tö̧, yapareu cucuocuätucuä' cuamönätucu.

Nuevo Testamento Uwotjüja

¹⁶ Chawaruwä chü̧jä̧wa̧tü̧, kuyapareäkuäwätukuä:

Santiago 1:16 ပူးပေါင်းရင်းမြစ်များ

San Mateo 22:29

Jesús jahuätörö ädätinödo: —Ucutumä Huȩyu̧cuä̧ Huȩnȩ'i̧nä̧, Dios ujuru'inä cuieruhuätucua'attö, jerupö pä'ätöjä.

San Marcos 12:24

Ja̧'hua̧ ja̧'a̧ttö̧ Jesús jahuätörö ädätinödo: —Ucutumä Huȩyu̧cuä̧ Huȩnȩ'i̧nä̧, Dios ujuru'inä cuieruhuätucua'attö, jerupö pä'ätöjä.

San Marcos 12:27

Dios 'corupä'i'ätö Ttä̧do̧ ä̧cua̧ Diosmäcö̧. A'cua̧rä̧tö̧tä̧ Ttä̧do̧ ä̧cua̧ Dios päi'önä kö̧. Ja̧'hua̧nö̧ ja̧'a̧ttö̧ jerupö pä'ätöjä, —pä'inödo Jesús.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

1 Corintios 6:9

¿Ucutumä jerupätöjä tä̧ji̧? Suronä jȩpä̧tö̧mä̧ yoröiso toäcua'a Dios ö̧jo̧mȩttö̧. Yapareu cuesetätucuä'. Korotö korotö tti̧rȩcua̧mö̧rö̧ usätö'inä, ttu̧mö̧nä̧ adicuänä esetätö'inä, nä̧tö̧rö̧ jȩpä̧'chä̧tö̧'i̧nä̧, u̧mä̧tö̧ korotö u̧mä̧tö̧rö̧, nä̧tö̧rö̧ jȩttö̧'a̧nö̧ jȩpä̧'chä̧tö̧'i̧nä̧ yoröiso toäcua'a Dios ö̧jo̧mȩttö̧.

Gálatas 6:7

Ucututä cuamönätucumä yapareu cuamöcuädäcuähuätucuä'. Diosmä yoröiso ya̧'ä̧huȩ'ä̧cuä̧huo̧cö̧. Ya̧tȩ ku̧nu̧mä̧, u̧ju̧nu̧ u̧huä̧ju̧tä̧ ȩmä̧cua̧.

Filipenses 2:12

Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Colosenses 2:4

Pi̧yȩ ji'äusä ucuturu, koronö korotö adihuä huȩnȩ a̧'cua̧rö̧nä̧ jittähuomenä, cuesetätucu juiyäcua'a̧nö̧.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

2 Timoteo 2:18

Jahuätö iso päi'önä huȩnȩ ucuocuocotö. Jahuätö pä'ätö Diosrö esetätö ttoächäcuähuä mo̧ro̧ täcö 'cuäopina'a. Ja̧'hua̧nö̧ pättomenä, korotömä Diosrö jaropi'ätö.

Hebreos 13:1

Ttö̧jä̧hua̧tö̧rö̧ repettö'a̧nö̧ korotö, korotönörö repecuhuätucumä jarocuhui'ätucuä'.

Santiago 1:19

Chö̧jä̧hua̧tö̧, 'coruchi'ö pä̧nö̧ ä̧ju̧cuä̧tu̧cui̧. Adiu cuä̧ju̧cuä̧tu̧cu̧ o'ca'a ucuocuätucui. O'ca päi'önä cu̧ra̧huä̧rä̧tu̧cuä̧'.

Santiago 1:2

Chö̧jä̧hua̧tö̧, eseunu ka̧cuä̧tu̧cui̧ surojö 'cuäopomenä.

Santiago 2:1

Chö̧jä̧hua̧tö̧, adihuä Tu̧ru̧hua̧ Jesucristorö esetätömä, “Ka̧ra̧ ka̧ra̧ttö̧'i̧nä̧ abonänö adihuä i̧sa̧” päcuhuätucu juiyö'a̧nö̧ ja̧'a̧.

Santiago 2:14

Chö̧jä̧hua̧tö̧, ya̧tȩ “Ttö Jesucristorö esetösä” pä'ömä, adiu jȩä̧cuä̧huä̧ jȩö̧ juiyöttömä, ¿adihua'a tä̧ji̧? Ja̧'hua̧nö̧ ttesetomenä, ¿ttö̧ji̧pä̧cuo̧tö̧ tä̧ji̧?

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

Santiago 3:1

Chö̧jä̧hua̧tö̧, ucututtu a̧'u̧cu̧nä̧tä̧ ttu̧huo̧juȩtö̧'a̧nö̧ ja̧'a̧. Ucutu huo̧juä̧tö̧jä̧ ujutu huo̧juȩcuä̧ ttö̧ja̧rö̧mä̧ huo̧jui̧pä̧tö̧ttö̧'i̧nä̧ abonänö pä̧cua̧ Dios.

Santiago 3:10

Jahuäyä ttänä räopa'a adiu ucuocuäcuähuä'inä, suronä ucuocuäcuähuä'inä. Ja̧'hua̧nö̧mä̧ jȩttö̧ juiyö'a̧nö̧ ja̧'a̧, chö̧jä̧hua̧tö̧.

Santiago 4:11

Chö̧jä̧hua̧tö̧, suronä cucuocuätucuä' korotörö. Ya̧tȩ ö̧jä̧hua̧rö̧ suronä ucuocumä, ja̧u̧ru̧ suronä jȩpö̧ pä'ömä, hueähuä huȩnȩ suronä ucuocu, hueähuä huȩnȩ suronä päa'a pä'ö. Ja̧'hua̧ ja̧'a̧ hueähuä huȩnȩ suronä päa'a päcuttumä, hueähuä huȩnȩ päö ta'anö jȩpo̧cö̧jä̧. Tä̧bo̧cuä̧ ttö̧ja̧ jö̧'a̧nö̧ jȩpö̧jä̧.

Santiago 5:12

Chö̧jä̧hua̧tö̧, mo̧ro̧jä̧ i̧mi̧nä̧ pä'ömä päcuhuätucuä'. Pi̧jä̧ i̧mi̧nä̧, koro juäi i̧mi̧nä̧ pä'ömä päcuhuätucuä', Diosttö tä̧bo̧cuä̧ 'cuäcuhuopätucu juiya pä'ö. “A̧” pä'ätömä, jueönätä “A̧” pä'ätucui. “Ja̧'hua̧nö̧cö̧” pä'ätömä, jueönätä “Ja̧'hua̧nö̧cö̧” pä'ätucui.

Santiago 5:19

Chö̧jä̧hua̧tö̧, ucututtu ya̧tȩ iso päi'önä huȩnȩttö̧ 'quȩi̧pä̧chö̧ttö̧mä̧, ka̧ra̧ a̧hua̧ru̧hua̧ ppa̧'ä̧chö̧ ȩmö̧'a̧nö̧ ja̧'a̧.