Santiago 1:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ järe ru̧hua̧'i̧nä̧ Jesucristorö esetömä eseunu ö̧jö̧'a̧nö̧ ja̧'a̧, öärenätämä eseunu ö̧jö̧ juiyönä. Järe ru̧hua̧'i̧nä̧ hua'ö i̧cuä̧cua̧, ȩ'u̧ joi'ö hua'ö icu'a̧nö̧.

Nuevo Testamento Uwotjüja

¹⁰ Ja̧'wa̧ta̧nü̧ pärätä ru̧wa̧rü̧ Dio jui'ädü ikuttümä̧ esewi, jua'amä̧ pärätä ru̧wa̧ isä'kua u̧wä̧ju̧ jä̧'i̧nü̧'a̧nü̧ rekuomä̧ kko̧ko̧tü̧ ttäkuotü.

Santiago 1:10 ပူးပေါင်းရင်းမြစ်များ

San Mateo 5:3

—Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Mateo 6:30

Ja̧'hua̧nö̧ ja̧'a̧ttö̧, ja̧u̧ ȩ'u̧mä̧ jitä mo̧ro̧ de'a ka̧cu̧, yo̧ȩi̧ mo̧ro̧ ocuränä cuo'ö icuä̧cuȩ. Ja̧'hua̧ta̧nö̧ ja̧'a̧nä̧ Dios adiu tta̧'ä̧rö̧ ja̧u̧ ȩ'u̧mä̧. ¡Ucutumä adiunämä esetocotöjä! Ucuturu ja̧u̧ ȩ'u̧ttu̧'i̧nä̧ abonänö adiunä tta̧'ä̧rö̧ Diosmä.

1 Corintios 7:31

Pi̧jä̧nä̧ aditö ȩmä̧tö̧'i̧nä̧, ttȩmö̧ juiyönä jȩttä̧cua̧'a̧nö̧. Pi̧jä̧mä̧ totömä beipächä̧ra̧'a̧.

Filipenses 3:8

Ja̧'hua̧ta̧nö̧ koro'inä ttörö ppädö chesetinömä, yoröiso micuähuocö jä̧'i̧nö̧'a̧nö̧ jä̧cu̧sä̧. Koro, Chu̧ru̧hua̧ Jesucristorö huo̧jui̧cuä̧, iso päi'önä ttörö ppädötä amöcuädösä. Ja̧u̧ru̧ repe'ö, o'ca juiyönä pä'äji chesetinö, koro juäi icuicuä tticuipö'a̧nö̧ icuipinösä, Cristorö rö̧ȩnä̧ cheseta pä'ö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

Santiago 4:14

Ja̧'hua̧nö̧ päcuhuätucua'anä, jerupätöjä yo̧ȩi̧ mo̧ro̧ 'cuäopä̧cuȩmä̧. Ja̧'hua̧ ja̧'a̧ cu̧jä̧tu̧cu̧mä̧, ¿tta̧'a̧nö̧ jö̧jä̧ttö̧? Isoppa jä̧'i̧nö̧'a̧nö̧ jö̧ cu̧jä̧tu̧cu̧mä̧. Isoppamä jurunätä rä̧cua̧'a̧. Ju̧huȩnȩ o'comenä, täcö toepo'ö.

1 Pedro 1:24

Huȩyu̧cuä̧ Huȩnȩ päa'a: O'ca toi'önä pi̧jä̧ ttö̧ja̧, isade kö̧'a̧nö̧ ka̧cuä̧tö̧. Ttamönä adiu ttöadihuä, isade ȩ'u̧cuade jä̧'i̧nö̧'a̧nö̧ ka̧cuä̧tö̧. Isade joi'omenä, ȩ'u̧mä̧ ttahuähuächö.

1 Juan 2:17

Pi̧jä̧ beipächa'a. Pi̧jä̧ jähuä pä̧huä̧ rö̧jö̧ toäcuähuä'inä beipächa'a. Ja̧'hua̧nö̧ ja̧'a̧nä̧ Diosrö pä̧huä̧ rö̧jö̧ jȩpä̧tö̧mä̧ 'cuäopönä ttö̧ja̧cuä̧cuo̧tö̧.