Romanos 9:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧ta̧nö̧ Abrahamttö isotömä, o'ca toi'önä iso päi'önä Abraham i̧tti̧mö̧mä̧cö̧. Dios pä'inö Abrahamrö: “Isaac i̧tti̧mö̧ isotö, iso päi'önä cui̧tti̧mö̧ isotö ttäcuotö.”

Nuevo Testamento Uwotjüja

⁷ Abraha̧ i̧tti̧mü̧ ji̧na̧'a̧nä̧'i̧nä̧, o'katoi'ünä̧tä̧mä̧ i̧tti̧mü̧ wokotü pinä̧tü̧ ja̧'wa̧nü̧ ja̧jü̧ jueimä̧: «Isaac i̧tti̧mü̧nä̧tä̧ kui̧tti̧mü̧ jä̧kua̧'a̧, päwi'inä̧ku̧.»

Romanos 9:7 ပူးပေါင်းရင်းမြစ်များ

San Mateo 3:9

Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Lucas 16:30

Järe ru̧hua̧ ädätinödo: “Iso päi'önä pä'öjä, chä'o Abraham. Ja̧'hua̧nö̧ ja̧'a̧nä̧ ya̧tȩ 'corupä'i'inö ji'äu i̧'chö̧ttö̧mä̧, pärocuäcutä ttamöcuädäcuotö.”

San Lucas 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧. Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Juan 8:33

Ja̧'hua̧ ja̧'a̧ttö̧ jahuätö ädätinätödo: —Ujutumä Abraham ahuaruhuä o'cotöjä. Korotö ttumöhuäyotö päi'önä ka̧cuo̧co̧tö̧ pi̧nä̧tö̧jä̧. ¿Tta̧'a̧nö̧ pä'ö päcuhuäjättö, surojöttö tejächi'a pä'ö?

Gálatas 4:23

Umöhuäyaju ki̧tti̧ o'ca toi'önä ppo̧'ä̧tö̧ ttuhuäpächö'a̧nö̧ kuhuäbecuinäcu. Ja̧'hua̧nö̧ ja̧'a̧nä̧ chutä amönä irecua ki̧tti̧tä̧ Dios päinö 'cuäopa pä'ö uhuäpächinömä.

Gálatas 4:28

Chö̧jä̧hua̧tö̧, ujutumä Isaac ji̧nö̧'a̧nö̧ huotöjä. Ujutumä Dios iya päinö i̧tti̧mö̧jä̧.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.