Romanos 9:22 - TÄ̧DO Ä̧CUÄ̧ I̧HUȨNȨ

²² Ja̧'hua̧ta̧nö̧ jȩpi̧nö̧ Dios churutä pä̧huä̧ rö̧jo̧mȩnä̧. Ro̧ȩcuä̧'i̧nä̧ i̧jȩpa̧ pä'inö. Ujuru'inä i̧jȩpa̧ pä'inö. Ja̧'hua̧nö̧ ja̧'a̧ttö̧ ami 'qui'ächi'ö topinö jitö ro̧ȩcuä̧nä̧ jo̧mȩ huotörö'inä, be'epö icuähuänä jo̧mȩ huotörö'inä.

Nuevo Testamento Uwotjüja

²² Ja̧'wa̧nü̧ jü̧ta̧'a̧nü̧ jȩpi̧nü̧ Dio-mä̧. Ro̧ȩkuä̧ tü'kü u̧wo̧juȩta̧ pä'inü̧, Chutä ujuru o'katoi'ünä̧ ttu̧wo̧jui̧pi̧ya̧rü̧ pä'ü. Ja̧'wa̧nü̧ ja̧'a̧ttü̧ rü̧ȩnä̧tä̧ a̧mi̧'ki'ächi'inü̧, jitü ro̧'ȩpü̧ si'epü ttiku'anü̧ wotürü'i̧nä̧.

Romanos 9:22 ပူးပေါင်းရင်းမြစ်များ

Romanos 1:18

Dios mo̧ro̧jä̧ra̧'a̧ kä̧nö̧ ro̧'ȩpö̧ jarode'ätörö'inä, suronä jȩpä̧tö̧rö̧'i̧nä̧. Jahuätömä, suronä jȩtta̧'a̧ttö̧, korotö iso päi'önä huȩnȩ ttesetö juiya pä'ö jȩpä̧tö̧.

Romanos 9:17

Dios Egipto rȩjȩ ru̧hua̧rö̧ päinömä Huȩyu̧cuä̧ Huȩnȩ päa'a: “Ucuru, ru̧hua̧ päi'önä cu̧ja̧ pä'ö hue'inösä, ucu jȩcu̧'u̧ to̧tto̧mȩnä̧, chujuru totta pä'ö. Ja̧'hua̧ta̧nö̧ chi̧mi̧ ttu̧huo̧jua̧ pä'ö pi̧jä̧ jättäja'a hue'inösä ucuru.”

Romanos 9:20

Diosrö ja̧'hua̧nö̧ pä'ömä, ¿di cu'ättö ucumä? Redä'ca uriyumä aditörö: “¿Dä̧bö̧ ja̧'hua̧nö̧ cuaditäjättö?” ¿päa'a tä̧ji̧?

Romanos 9:21

Redä'cattö adicuä i̧sa̧ aditö churutä pä̧huä̧ rö̧jo̧mȩnä̧. Ja̧u̧tä̧ redä'cattö aditö adiu ȩnä̧huä̧yu̧'i̧nä̧, suröjö ȩnä̧huä̧yu̧'i̧nä̧.

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

1 Tesalonicenses 5:9

Dios uhuäbe'ocö pi̧nö̧ ujuturu ö̧tä̧bo̧ta̧tö̧ pä'ö. Ujuturu uhuäbe'inö i̧tti̧mö̧ päti'a pä'ö, Tu̧ru̧hua̧ Jesucristorö tesetomenä.

2 Timoteo 2:20

Yodete isode rö̧odenä ka̧'a̧ orottö adicuo̧'ta̧'i̧nä̧, pärätättö adicuo̧'ta̧'i̧nä̧. Ja̧'hua̧ta̧nö̧ ka̧'a̧ dauttu adicuo̧'ta̧'i̧nä̧, redä'cattö adicuo̧'ta̧'i̧nä̧. Ko̧ro̧'ta̧mä̧ fiesta jȩpö̧ ahuähuo̧'ta̧. Ja̧'hua̧ta̧nö̧ ko̧ro̧'ta̧mä̧ fiesta juiyomenä ahuähuo̧'ta̧.

1 Pedro 2:8

Ja̧'hua̧ta̧nö̧ pi̧yȩ päinö huȩnȩ'i̧nä̧ 'cuäopa'a. Ja̧u̧ inähuä döttäcuähuä jä̧'i̧nö̧'a̧nö̧ kö̧. Juhuähuä inähuänä dö'ö ma̧ttähuä jä̧'i̧nö̧'a̧nö̧ kö̧, päa'a Huȩyu̧cuä̧ Huȩnȩ. Jahuätö Dios i̧huȩnȩ esetocotömä, inähuä dö'ö ma̧'ä̧chä̧tö̧ jä̧'i̧nö̧'a̧nö̧ ka̧cuä̧tö̧. Jahuätö ttuhuäpächäcua'a ä'canä, jahuätörö ja̧'hua̧nö̧ 'cuäopäcua'a pä'ö amöcuädinö Dios.

1 Pedro 3:20

Täbocö Noé ö̧ji̧nö̧, jahuätö Diosrö jarode'inätödo. Noé huoi'ca adita'anä, Dios ami 'qui'ächi'önä tta̧'ä̧ri̧nö̧do. Aje suhuädomenä, ko̧ro̧mö̧ttö̧nö̧ huämetucuänö ttö̧ja̧ Noé aditinä'canä ka̧cui̧pi̧nä̧tö̧do.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

2 Pedro 2:9

Diosrö adiunä esetätörö, suronä 'cuäopa'anä, Tu̧ru̧hua̧ ppä'ädö jahuätörö. Ja̧'hua̧ta̧nö̧ suronä jȩpä̧tö̧rö̧ hua'adö ku̧nu̧ ö̧tä̧bo̧ta̧ pä'ö Dios ttö̧ja̧rö̧ pojocuä mo̧ro̧ päi'omenä.

2 Pedro 3:15

Pi̧yȩmä̧ cunichi'ätucuä'. Tu̧ru̧hua̧ ujuturu ami 'qui'ächi'ö tomenä, ujutu suronä jȩtö̧ jȩpö̧ icua pä'ö tta̧'ä̧rö̧. Ja̧'hua̧ta̧nö̧ tö̧jä̧hua̧ Pablo, Dios huo̧juȩcuä̧nä̧ huȩyu̧ti̧nö̧do ucuturu.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.