Romanos 8:7 - TÄ̧DO Ä̧CUÄ̧ I̧HUȨNȨ

⁷ Ttidepä jähuä amöcuädätömä, Dios aboiyotö. Jahuätömä Diosttö hueähuä hueö jȩtta̧ pä'ocotö. Ja̧'hua̧ta̧nö̧ jȩpo̧co̧tö̧ Dios hueömä.

Nuevo Testamento Uwotjüja

⁷ Isopäi'ünä̧ ttidepä wea'anä̧ kkä̧kuä̧wä̧mä̧, Dio aboiyotü päi'ünä̧tä̧ päroächäkuäwä; jua'amä̧, Jua̧u̧ weäwä wȩnȩ kkü'kü jui'ü jȩtta̧ pättoka'attü̧.

Romanos 8:7 ပူးပေါင်းရင်းမြစ်များ

San Mateo 12:34

¡Ucutumä ä̧ca̧tö̧ jä̧'i̧nö̧'a̧nö̧ huotöjä! Suropätö cuätucua'anä, ¿tta̧'a̧nö̧ pä'ö adiunä cucuocuätuca'ajä̧ttö̧? Iso päi'önä o'ca juiyönä cui̧huȩnȩ cuättö räopömä, cuami iso'quittö räopa'a.

San Mateo 5:19

Ja̧'hua̧nö̧ ja̧'a̧ttö̧ ya̧tȩ ja̧u̧ hueähuä huȩnȩ ji̧'qui̧cha̧nö̧'i̧nä̧ päö'a̧nö̧ jȩpo̧cö̧mä̧, korotö'inä ja̧'hua̧ta̧nö̧ jȩttö̧ juiya pä'ö huo̧juȩtö̧mä̧, Diosrö esetätöttömä o'ca toi'önä ja̧u̧ttu̧'i̧nä̧ abonänö adihuä isotö ttäcuotö. Ja̧'hua̧ta̧nö̧ ja̧u̧ huȩnȩ o'ca juiyönä jȩpö̧mä̧, korotö'inä ja̧'hua̧ta̧nö̧ jȩtta̧ pä'ö huo̧juȩtö̧mä̧, ji̧nä̧ isocu adiunä ö̧jä̧cua̧ Diosrö esetätöcu.

San Juan 7:7

Pi̧jä̧ ttö̧ja̧ ucuturu ttaboiyotö päi'önä topocotö. Ttörötä yoröiso kö'cocotö, suronä jȩttö̧ jidähua'attö.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

Romanos 1:30

Korotörö suronä ucuocuätö. Diosrö kö'cocotö. Jerusehuä'chätö. Ttösä adihuä i̧sa̧ pä'ätö. Ja̧'hua̧ta̧nö̧ a'cuoyäunu ucuocuätö. Suronä jȩtta̧ pä'ö usätö. Ttä'o'inä, tta̧ju̧'i̧nä̧ huettö jarodö jȩpo̧co̧tö̧.

Romanos 3:31

Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.

Romanos 5:10

Ujutu Dios aboiyotö pi̧nä̧tö̧jä̧. Ujutu ja̧'hua̧nö̧ jȩta̧'a̧nä̧'i̧nä̧, Diosmä hue'inö I̧tti̧rö̧ 'corupäi'a pä'ö, ahuaruhuä päti'a pä'ö. Ja̧'hua̧ ja̧'a̧nä̧ ujutu ahuaruhuä tö̧ja̧cua̧'a̧ttö̧, Dios I̧tti̧ ö̧ja̧'a̧ttö̧, juhua'a yabocutä tta̧huä̧rä̧cua̧ ujuturu.

Romanos 7:22

Ttö cha̧'cua̧nä̧ chamöcuädömä, Dios hueähuä pä̧huä̧ rö̧jä̧cu̧sä̧.

Romanos 8:4

Ja̧'hua̧nö̧ jȩpi̧nö̧ Dios, hueähuä huȩnȩ hueö jȩta̧ pä'ö. Ujutu tidepä pä̧huä̧ rö̧jö̧tä̧ ko̧co̧tö̧jä̧. Espíritu Santorö pä̧huä̧ rö̧jö̧tä̧ ka̧cuä̧tö̧jä̧.

1 Corintios 2:14

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

1 Corintios 9:21

Ja̧'hua̧ta̧nö̧ korotö Moisés hueähuä huȩnȩ jȩpo̧co̧tö̧cu̧ cuedächomenä, jahuätö cuettächö'a̧nö̧ cue'ächösä Diosrö ttesetäcua'a̧nö̧. Juhuorö'inä ttötä Dios hueähuä huȩnȩ jȩpö̧sä̧, Cristo ttörö huea'attö.

Colosenses 1:21

Pä'äjimä ucutu Diosrö cuamöcuädätucumä oto huinätöjä. Yoröiso suronä amöcuädö jȩcu̧'ä̧tu̧cua̧'a̧ttö̧, Dios aboiyotö pi̧nä̧tö̧jä̧. Ja̧'hua̧nö̧ ja̧'a̧ttö̧ ucutu'inä cuesehuätucuarö pä'ö hue'inö, Cristo ubara ttu'u 'corupäi'omenä. Ja̧u̧ ja̧'hua̧nö̧ jȩpi̧nö̧, ucuturu chutä ä'ca jo̧mȩ adiu cu̧ja̧cuä̧tu̧cua̧ pä'ö, yoröiso surojö juiyönä.

Colosenses 2:18

Ja̧'hua̧ta̧nö̧ korotö usurä isotö jö̧ ta'anö kä̧nö̧, ángelesrö'inä esetö ttucuocuomenä, cuesetätucuä', Cristorö esetö cuȩmä̧tu̧cuä̧cuȩ 'chottipö juiyäcua'a̧nö̧. Jahuätömä jitötä tottocö'inä jȩpä̧tö̧. Ja̧'hua̧ta̧nö̧ jitöätä ttamöcuädöätä a'cuoyäu jȩpä̧tö̧.

2 Timoteo 3:4

Jitötä ttahuaruhuärö iyö tticuäcuotö. Ja̧'a̧tä̧ repeähuä juiyönä ttö̧ja̧cuä̧cuo̧tö̧. Jitötä ttamönätä repettäcuähuäcuotö. Pi̧jä̧ jähuä Dios i̧huȩnȩttö̧'i̧nä̧ abonänö ttamöcuädäcuotö.

Hebreos 8:10

Ja̧u̧nu̧ pä̧nä̧ o'ca'a, Israel ttö̧ja̧rö̧ pi̧yȩ huȩnȩ chiyäcuotö, pä'ödo Tu̧ru̧hua̧. Ttö huedömä, ttamöcuädönä chiyäcuotö. Ttami iso'quinä'inä ttö huedömä chi̧huȩyu̧tä̧cua̧sä̧. Ja̧'hua̧ ja̧'a̧ttö̧ ttö jitötä Dios pä̧di̧'ä̧cua̧sä̧. Jahuätö'inä chumöhuäyotö pätti'äcuotö.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

2 Pedro 2:14

Isajuru tottö juiyö'a̧nö̧ huotö. 'Cuä'ächi'ocotö suronä jȩpä̧'chö̧. Juiyupätörö yapareu jȩpä̧tö̧. O'ca juiyönä ttȩma̧ pä'ätö jitötä ttöäre päi'önä. Jahuätömä suropätö.