Romanos 8:5 - TÄ̧DO Ä̧CUÄ̧ I̧HUȨNȨ

⁵ Ttidepä hueönätä ka̧cuä̧tö̧mä̧, ttidepä jähuä amöcuädätö. Ja̧'hua̧nö̧ ja̧'a̧nä̧ Espíritu Santo hueönätä ka̧cuä̧tö̧mä̧, Espíritu Santo jähuä amöcuädätö.

Nuevo Testamento Uwotjüja

⁵ Isopäi'ünä̧ ttidepä pä̧wä̧rü̧jo̧mȩnä̧ kka̧kuä̧tü̧mä̧, ttidepä jäwätä amükuädätü; ja̧'wa̧nü̧ ja̧'a̧nä̧ Epíritu-ru pä̧wä̧rü̧jo̧mȩnä̧ kka̧kuä̧tü̧mä̧, Epíritu jäwätä amükuädätü.

Romanos 8:5 ပူးပေါင်းရင်းမြစ်များ

San Marcos 8:33

Ja̧'hua̧ ja̧'a̧ Jesús kärächi'ö, u̧huo̧juȩtä̧u̧ru̧ topö, Pedrorö pä'inödo: —Ttöttö 'quȩ'i̧pä̧chi̧, Satanás. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä, amöcuädöjä.

San Juan 3:6

Pi̧jä̧ ttö̧ja̧ttö̧ uhuäpächätömä, pi̧jä̧ ttö̧ja̧jä̧. Espíritu Santottö uhuäpächätömä, Espíritu huotöjä.

Romanos 8:9

Espíritu Santo ucutucu ö̧jö̧ttö̧mä̧, ucutu cuamönä cuidepä pä̧huä̧ rö̧jö̧nä̧tä̧ ko̧co̧tö̧jä̧. Espíritu Santo pä̧huä̧ rö̧jö̧nä̧tä̧ ka̧cuä̧tö̧jä̧. Ja̧'hua̧ta̧nö̧ Espíritu Santo to̧'a̧mä̧, Cristo u̧mö̧huä̧ya̧mä̧cö̧.

1 Corintios 15:48

Pi̧jä̧ ttö̧ja̧ jättäpäyotömä, redä'ca i̧sa̧ppȩttö̧ adicua'a. Ja̧'hua̧ta̧nö̧ mo̧ro̧jä̧ ttö̧ja̧, mo̧ro̧jä̧ jähuättö adicua'a.

1 Corintios 2:14

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

2 Corintios 10:3

Ujutumä pi̧jä̧ ttö̧ja̧ ta'anä, pi̧jä̧ ttö̧ja̧ ttörohuäu ta'anö, rohuähuocotöjä ujutumä.

Gálatas 5:17

Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

2 Pedro 2:10

Ttu̧ru̧hua̧rö̧ jarode'ö jitötä ttamönä suronä ttamöcuädäu jȩpä̧tö̧rö̧, ji̧nä̧ isocu ö̧tä̧bo̧tä̧cua̧ Dios. Jahuätö yettecuoca'anä jarode'ätödo. Mo̧ro̧jä̧ ruhuärö yecuäcuähuä juiyönä suronä huopätödo.