Romanos 8:32 - TÄ̧DO Ä̧CUÄ̧ I̧HUȨNȨ

³² Dios chutä amönä I̧tti̧ pi̧jä̧ra̧'a̧ icha pä'ö pä̧huä̧ rö̧ji̧nä̧cu̧. Ja̧'hua̧nö̧mä̧ jarodocö pi̧nö̧ Dios. Hue'inö 'corupäi'a pä'ö, ujutu suronä jȩtö̧ imitähua pä'ö. I̧tti̧rö̧ ja̧'hua̧nö̧ huea'anä'inä, ¿ja̧u̧cu̧ yo̧mȩtȩnä̧ o'ca juiyönä mippoönä iyocö tä̧ji̧ ujuturu?

Nuevo Testamento Uwotjüja

³² Dio-mä̧, ja̧'wa̧nü̧ jo̧ka̧'a̧ Chutä I̧tti̧rü̧'i̧nä̧ repeoka'a ujutu o'katoi'ünä̧ jäwänä̧ wa'ü ikunä̧ iyina̧'a̧mä̧ ¿Toku pä'ü kkorojuei o'kajuiyünä̧, chutäku yo̧mȩtȩnä̧ i̧yo̧ko̧u̧ täkua'ajä̧ttü̧?

Romanos 8:32 ပူးပေါင်းရင်းမြစ်များ

San Mateo 3:17

Ja̧'hua̧nö̧ ja̧'a̧ttö̧ mo̧ro̧jä̧ra̧'a̧ttö̧ ya̧tȩ i̧huȩnȩ rä̧mi̧pa̧'a̧ ä̧ju̧cui̧nä̧tö̧do. Ja̧u̧ huȩnȩ päina'ado: —Pidemä ttö Chi̧tti̧ rȩni̧'a̧. Ja̧u̧ru̧ juiyo eseusä, —päina'ado.

San Mateo 7:11

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, adihuä juäi i̧yä̧cua̧ churutä jä'epätörömä.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

Romanos 11:21

Dios judíos ttö̧ja̧ suronä jȩttö̧ unichi'oca'a ji̧na̧'a̧ttö̧mä̧ ¿ucu suronä jȩcu̧'u̧ u̧ni̧chi̧'ä̧cua̧ tä̧ji̧?

Romanos 4:25

Dios hue'inö Jesúsru 'corupäi'a pä'ö, ujutu suronä jȩtö̧ imitähua pä'ö. Ja̧'hua̧ta̧nö̧ Dios Jesúsru tto'ädinö, ujuturu jȩa̧ pä'ö chutäcu ji̧nä̧ ji̧yȩtȩ huotö ta pä'ö.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

1 Corintios 2:12

Ja̧'hua̧nö̧ ja̧'a̧ttö̧ ujutumä pi̧jä̧ jähuättö espírituru ȩmo̧co̧tö̧ pi̧nä̧tö̧jä̧. Ujutumä Diosttö ȩmi̧nä̧tö̧jä̧ Espíritu Santorö, o'ca juiyönä Dios adihuä juäi iyinömä adiu tu̧huo̧jua̧ pä'ö.

2 Corintios 4:15

Pi̧yȩ o'ca juiyönä 'cuäopa'ado, adiu cuesehuätucuäcua'a̧nö̧. Iso päi'önä recuätö Diosrö ttesetomenä, ja̧'hua̧ta̧nö̧ recuätö eseunu ttucuocuäcuotö Diosrö, chutä rö̧ȩnä̧ esehuäcua'a̧nö̧.

2 Corintios 5:21

Cristomä yoröiso suronä jȩpo̧cö̧ pi̧nö̧. Juhuorö'inä ujuturu repe'ö, ya̧tȩ suronä jȩpö̧rö̧ jȩtta̧'a̧ jä̧'i̧nö̧'a̧nö̧ jȩpi̧nö̧do Dios Cristorö, ujutu tesetiyarö pä'ö. Ja̧'hua̧ta̧nö̧ ja̧u̧ru̧ esetö, Diosrö pä̧huä̧ rö̧jo̧mȩnä̧ adiunä tö̧ja̧cua̧ pä'ö jȩpi̧nö̧do.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

1 Juan 4:10

Pi̧yȩmä̧ iso päi'önä repeähuämä: Ujutu ä'canä Diosrö repe'ocotö pi̧nä̧tö̧jä̧. Chutä ä'canä ujuturu repeömä rö̧ȩnä̧ repea'attö, I̧tti̧rö̧ hue'inö suronä jȩti̧nö̧ töcö icua pä'ö.

Apocalipsis 21:7

Pi̧jä̧ttö̧'i̧nä̧ abonänö ju̧ru̧hua̧mä̧, pi̧yȩ o'ca juiyönä ȩmä̧cua̧. Ttö Jä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ ja̧u̧ ttö chi̧tti̧ päi'önä ö̧jä̧cua̧.