Romanos 8:30 - TÄ̧DO Ä̧CUÄ̧ I̧HUȨNȨ

³⁰ Ja̧'hua̧ta̧nö̧ äcuomenä päi'önä Dios 'quȩpi̧nä̧u̧ru̧mä̧ huopinödo. Huoinä̧u̧ru̧mä̧ jȩpi̧nö̧do chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ chutäcu ji̧nä̧ ji̧yȩtȩ huotörö iyinö doächäcuähuä mo̧ro̧jä̧ra̧'a̧.

Nuevo Testamento Uwotjüja

³⁰ Ja̧'wa̧nü̧ ä'kanä̧ jo̧mȩnü̧ jȩi̧nä̧u̧ru̧mä̧, juätürütä wopinü̧; juätü woinä̧u̧ru̧mä̧, adiwä isotütä päi'ünä̧ pärotü ikuinä̧u̧; ja̧'wa̧ta̧nü̧ adiwä isotütä päi'ünä̧ ü'ärotinä̧u̧ru̧mä̧ chutä üadiwä iyinä̧u̧.

Romanos 8:30 ပူးပေါင်းရင်းမြစ်များ

San Juan 17:22

Ucucu, ttöcu ji̧nä̧ ji̧yȩtȩ jö̧ ta'anö, jahuätö'inä ji̧nä̧ ji̧yȩtȩ pätti'a pä'ö ttörö adiu cuiyinömä, iyinösä jahuätörö.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

San Juan 5:24

“Iso päi'önä pä'ösä ucuturu, ttö pädö ä̧ju̧cu̧'inä̧, ttörö hue'inörö esetö'inä, kä̧cuä̧huä̧ i'co ku̧nä̧rö̧. Ja̧u̧ru̧ tä̧bo̧cuä̧mä̧ 'cuäopoca'a jä̧cua̧. Ja̧u̧mä̧ 'corupä'i'ätö jä̧'i̧nö̧'a̧nö̧ ja̧'a̧nä̧, jitä 'corupä'i'ocö, kä̧cuä̧huä̧ i'co u̧ju̧nä̧ra̧'a̧ttö̧.

Romanos 1:6

Ucutu'inä Roma ötahuiyä ttö̧ja̧, Dios huoinä̧u̧jä̧ Jesucristo umöhuäyotö cu'ätucua pä'ö.

Romanos 11:29

Dios iyömä ppa̧'ä̧dö̧mä̧ icuocö. Ja̧'hua̧ta̧nö̧ huoä̧u̧ru̧ rä'epö icu'inä, rä'epö icuocö.

Romanos 8:1

Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

1 Corintios 1:9

Diosmä 'cuäopönä jȩpö̧ chutä päömä. Ja̧u̧ ucuturu huoinä̧u̧jä̧ ji̧nä̧ yo̧mȩtȩ cu̧ja̧cuä̧tu̧cua̧ pä'ö chutä I̧tti̧ Tu̧ru̧hua̧ Jesucristocu.

1 Corintios 2:7

Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

2 Corintios 4:17

Pi̧jä̧nä̧ kä̧nö̧ ubara ttutomenä, recuomä barahuocö. O'ca päi'önätä 'cuäopa'ado. Ja̧'hua̧nö̧ ja̧'a̧nä̧ jitä ja̧'hua̧nö̧ ubara ttu'u, ji̧nä̧ isocu rö̧ä̧chö̧nä̧ 'cuäopönä tesehuäcuotöjä.

Gálatas 1:15

Ja̧'hua̧nö̧ ja̧'a̧nä̧ chuhuäpächö juiyäi Dios ȩmi̧nä̧cu̧sä̧. Ja̧'hua̧ta̧nö̧ ttörö rö̧ȩnä̧ pä̧huä̧ rö̧jä̧cu̧ huoinäcusä. Juhuorö'inä churutä pä̧huä̧ rö̧jo̧mȩnä̧, I̧tti̧rö̧ chu̧huo̧jua̧ pä'ö hueinäcusä, judíos huocotö ttö̧'quȩtȩ suronä jȩttö̧ jȩpö̧ icu huȩnȩ jidähuiyatö pä'ö. Dios ttörö ja̧'hua̧nö̧ hueomenä, korotöcu ucuocuäcuähuocö pi̧nö̧sä̧.

Gálatas 1:6

Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.

Gálatas 5:8

Dios ucuturu huoinö jähuämäcö̧ ja̧u̧mä̧.

Efesios 1:11

Ja̧'hua̧ta̧nö̧ ujutu Cristorö tesetomenä, Dios ȩmi̧nä̧u̧jä̧ pi̧jä̧ juiyäi'inä, ujutu'inä iyä̧cuȩ tȩma̧ pä'ö. Ja̧u̧ o'ca juiyönä 'cuäopa'a chutä amöcuädö pä̧huä̧ rö̧jo̧mȩnä̧.

Efesios 1:5

Ja̧'hua̧ta̧nö̧ ujuturu repe'ö, Jesucristorö tesetomenä, i̧tti̧mö̧ päti'a pä'ö hue'inö täbocö päi'önä. Ja̧'hua̧nö̧ churutä pä̧huä̧ rö̧jo̧mȩnä̧ hue'inödo.

Efesios 2:6

Ja̧'hua̧ta̧nö̧ Cristorö teseta'attö, Dios Cristo Jesúscu ji̧nä̧ yo̧mȩtȩnä̧ ttoädinä̧u̧jä̧. Ja̧'hua̧ta̧nö̧ chutäcu tö̧'ä̧mä̧da̧ pä'ö hue'inödo mo̧ro̧jä̧ra̧'a̧.

Efesios 3:11

Dios ja̧'hua̧nö̧ jȩpi̧nö̧do chutä päinö ta'anö, Tu̧ru̧hua̧ Jesucristo ichomenä.

Efesios 4:4

Ya̧tȩtä̧ ja̧'a̧do. Ja̧'hua̧ta̧nö̧ ya̧tȩtä̧ Espíritu Santo ja̧'a̧do. Ja̧'hua̧ta̧nö̧ ji̧yȩtȩtä̧ ka̧'a̧do Diosrö eseunu tta̧huä̧rä̧cuä̧huä̧. Ja̧u̧ tta̧cu̧huä̧rä̧tu̧cua̧ pä'ö, Dios huoinä̧u̧jä̧.

Colosenses 3:4

Iso päi'önä Cristotä ta̧'cua̧rö̧mä̧. Ja̧'hua̧nö̧ ja̧'a̧ttö̧ ja̧u̧ ichö uhuäpomenä, ucutu'inä ja̧u̧tä̧cu̧ cuhuäpäcuotöjä. Ja̧'hua̧ta̧nö̧ ja̧u̧cu̧ eseunu cu̧ja̧cuä̧cuo̧tö̧jä̧.

1 Tesalonicenses 2:12

Dios ucuturu ȩmi̧nö̧ chutäcu eseunu cu̧ja̧cuä̧tu̧cua̧ pä'ö. Ja̧'hua̧nö̧ ja̧'a̧ttö̧ Dios i̧tti̧mö̧ ttö̧ja̧cu̧'a̧nö̧, cu̧ja̧cuä̧tu̧cua̧ pä'ö huo̧juȩtö̧ hue'inätöjä ucuturu.

2 Timoteo 2:11

Pi̧yȩmä̧ iso päi'önä huȩnȩ: Chutäcu 'corupäti'öttömä, chutäcu tö̧ja̧cuä̧cuo̧tö̧jä̧.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

1 Pedro 3:9

Ucuturu suronä jȩtto̧mȩnä̧, ppa̧'ä̧dö̧ jȩcu̧'ä̧tu̧cuä̧'. Ja̧'hua̧ta̧nö̧ ucuturu ra̧huä̧rä̧'chö̧ huottomenä, ppa̧'ä̧dö̧ huocu'ätucuä'. Pärocua'acu ttö̧ra̧huä̧ro̧mȩnä̧, adiunätä jȩpä̧tu̧cui̧tö̧. Dios ucuturu ppäda pä'ö huoinä̧u̧jä̧.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

2 Pedro 1:10

Ja̧'hua̧nö̧ ja̧'a̧ttö̧ chö̧jä̧hua̧tö̧, iso päi'önä Dios ȩmi̧nä̧u̧jä̧ cu̧huo̧juä̧tu̧cua̧ pä'ö, adiunä jȩpö̧ kä̧nö̧, cuesetätucuaja. Pi̧yȩ huȩnȩ jȩcu̧'ä̧tu̧cu̧ttu̧mä̧, yoröiso suronä jȩpö̧ ma̧'ä̧cho̧co̧tö̧jä̧.

Apocalipsis 17:14

Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Apocalipsis 19:9

Ja̧'hua̧ ja̧'a̧ttö̧ ya̧tȩ ángel ttörö pä'inö: —Huȩyu̧ti̧: “Cordero irecuarö ȩmä̧cua̧'a̧ fiesta jȩtta̧ pä'ö huottinä̧u̧mä̧, eseunu ttö̧ja̧cuä̧cuo̧tö̧.” Ja̧'hua̧ta̧nö̧ ttörö pä'inö: —Pi̧yȩ huȩnȩ, Dios iso päi'önä päinö huȩnȩ.