Romanos 8:3 - TÄ̧DO Ä̧CUÄ̧ I̧HUȨNȨ

³ Moisés hueähuä huȩnȩ, ttö̧ja̧ ttidepä juiyuhua'attö jȩo̧cö̧'i̧nä̧, jȩpi̧nö̧ Dios. Chutä hue'inö I̧tti̧rö̧, pi̧jä̧ ttö̧ja̧ suronä jȩpä̧tö̧ a̧'cua̧rö̧nä̧ hua̧rö̧, surojö jȩpö̧ icua pä'ö. Ja̧'hua̧nö̧ jȩo̧mȩnä̧, surojö be'epö icua pä'ö amöcuädinö.

Nuevo Testamento Uwotjüja

³ Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Romanos 8:3 ပူးပေါင်းရင်းမြစ်များ

San Marcos 15:27

Ja̧'hua̧ta̧nö̧ ja̧u̧cu̧ nä̧u̧cuä̧rä̧tö̧ ttö̧ja̧rö̧ ta̧ju̧ru̧ pȩ'o̧pö̧ ku̧ni̧nä̧tö̧do ippeyänä. Ya̧tȩrö̧ Jesús u̧huo̧jua̧'a̧nä̧, ka̧ra̧rö̧ ieruhua'anä ku̧ni̧nä̧tö̧do.

San Juan 1:14

Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

San Juan 9:24

Ja̧'hua̧ ja̧'a̧ttö̧ judíos ttö̧ja̧ ja̧u̧ru̧ pä'äji ä̧to̧qui̧nö̧rö̧ huopö, pä'inätödo: —Dios ä'ca jo̧mȩttö̧ iso päi'önä ji'ähuitö. Ja̧u̧ ubomä suronä jȩpö̧ huo̧juä̧tö̧jä̧.

Hechos 13:39

O'ca toi'önä Jesucristorötä esetätömä, Dios o'ca juiyönä suronä jȩttö̧ jȩpö̧ icu. Moisés hueähuä huȩnȩ päö ta'anö jȩcu̧'ä̧tu̧cua̧'a̧nä̧, suronä jȩcu̧'ä̧tu̧cu̧mä̧ jȩpö̧ icuoco̧u̧jä̧.

Romanos 3:20

Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.

Romanos 6:6

Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧.

Romanos 7:18

Ttö huo̧jua̧sä̧ ttö chidepänämä adihuä juäi juiya'a. Adiu jȩcha̧ päda'anä, yoröiso adiu jȩpo̧cö̧sä̧.

Romanos 8:32

Dios chutä amönä I̧tti̧ pi̧jä̧ra̧'a̧ icha pä'ö pä̧huä̧ rö̧ji̧nä̧cu̧. Ja̧'hua̧nö̧mä̧ jarodocö pi̧nö̧ Dios. Hue'inö 'corupäi'a pä'ö, ujutu suronä jȩtö̧ imitähua pä'ö. I̧tti̧rö̧ ja̧'hua̧nö̧ huea'anä'inä, ¿ja̧u̧cu̧ yo̧mȩtȩnä̧ o'ca juiyönä mippoönä iyocö tä̧ji̧ ujuturu?

2 Corintios 5:21

Cristomä yoröiso suronä jȩpo̧cö̧ pi̧nö̧. Juhuorö'inä ujuturu repe'ö, ya̧tȩ suronä jȩpö̧rö̧ jȩtta̧'a̧ jä̧'i̧nö̧'a̧nö̧ jȩpi̧nö̧do Dios Cristorö, ujutu tesetiyarö pä'ö. Ja̧'hua̧ta̧nö̧ ja̧u̧ru̧ esetö, Diosrö pä̧huä̧ rö̧jo̧mȩnä̧ adiunä tö̧ja̧cua̧ pä'ö jȩpi̧nö̧do.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Gálatas 3:21

¿Moisés hueähuä huȩnȩmä̧ Dios iya päinö huȩnȩttö̧'i̧nä̧ i̧mi̧cu̧nä̧ päa'a tä̧ji̧? Juhua'acumäcö̧. Ja̧u̧ hueähuä huȩnȩ kä̧cuä̧huä̧ i'co ttu̧ju̧nä̧ra̧ pä'ö iyinö jö̧ttö̧mä̧, ja̧u̧nu̧mä̧ Diosmä jȩpa̧ji̧ ja̧u̧cu̧ ji̧nä̧ ji̧yȩtȩ huotö tta pä'ö hueähuä huȩnȩ esetö jȩpä̧tö̧rö̧.

Filipenses 2:7

Ja̧u̧ juäi, Dioscu yoräteunä ö̧jö̧'a̧nö̧ jaropi'ö, pi̧jä̧ttö̧ korotöcu aditö'a̧nö̧ hua̧ ki̧nö̧do. Ja̧u̧mä̧ ttö̧ja̧ i̧sa̧ ta'anö uhuäpächinödo.

Hebreos 10:12

Ja̧'hua̧nö̧ ja̧'a̧nä̧ Jesucristo ya'utenätä iyähuinödo, suronä jȩttö̧ 'cuäopönä jȩpö̧ icua pä'ö. Ja̧u̧nu̧ o'ca'a Dios u̧huo̧jua̧'a̧nä̧ pä̧mä̧di̧nö̧do.

Hebreos 10:14

Iso päi'önä chutä ya'utenä ofrenda jȩpö̧ o'ca toi'önärö aditö icuä̧u̧ru̧ adihuä isotö pätti'önä jȩi̧nä̧u̧do.

Hebreos 2:14

Tti̧tti̧mö̧mä̧ ttidepä'inä, ttucuoja'inä ji̧nä̧ ji̧yȩtȩtä̧ ja̧'a̧. Ja̧'hua̧ta̧nö̧ hui̧nö̧do Jesucristo. Pi̧jä̧ttö̧ idepä'inä, ucuoja'inä ku̧nä̧ri̧nö̧do 'corupäi'a pä'ö. Ja̧u̧ 'corupä'i'inödo, 'corupäi'äcuähuänä ju̧ru̧hua̧rö̧, ähuettärö be'epäjipö icua pä'ö.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.