Romanos 8:26 - TÄ̧DO Ä̧CUÄ̧ I̧HUȨNȨ

²⁶ Ja̧'hua̧ta̧nö̧ ujutu tijuiyuhuomenä, Espíritu Santo ujuturu ppä'ädö. Ujutu Diosrö ucuocuäcuähuänä jerupätöjä. Ja̧'hua̧nö̧ ja̧'a̧nä̧ Espíritu Santo ujuturu rö̧ȩnä̧ repe'önö, ajuäunu ucuocu Diosrö, ujuturu ppä'ädö.

Nuevo Testamento Uwotjüja

²⁶ Ja̧'wa̧nü̧ jü̧ta̧'a̧nü̧, Epíritumä̧ ta̧mi̧ 'kuäta'amä̧ ppä̧dä̧u̧jä̧; Dio-rü jätepomȩnä̧, ttukuokuäkuȩmä̧ tieruwa'a'i̧nä̧; Epíritumä̧ chutä jä'epü, rü̧ȩnä̧ ajuäunü̧.

Romanos 8:26 ပူးပေါင်းရင်းမြစ်များ

San Mateo 10:20

Ja̧u̧nu̧mä̧ ucutu cuamönätucumä ucuocuocotöjä. Espíritu Santotä ucutu cui̧huȩnȩtu̧cu̧nä̧ u̧cuo̧cuä̧cua̧.

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

San Juan 14:16

Ja̧'hua̧nö̧ ja̧'a̧ttö̧ Chä'orö jä̧dȩpä̧cua̧sä̧ ucuturu huea pä'ö ka̧ra̧ Ppädäcuähuä I̧sa̧rö̧. Ja̧u̧ ö̧jä̧cua̧'a̧nö̧ ucutucu 'cuäopönä.

Efesios 2:18

Iso päi'önä Cristorö esetö, o'ca toi'önä judíos huotö'inä, judíos huocotö'inä Tä'o Diosrö tö'cöpächätöjä Espíritu Santonä ya̧tȩnä̧tä̧.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

Santiago 4:3

Ja̧'hua̧ta̧nö̧ jäcuhue'ätucumä ȩmo̧co̧tö̧jä̧, suronä amöcuädö jäcuhue'ätucua'attö, suronä jȩä̧cuä̧huä̧nä̧ be'epäjipö cuicuätucu'a̧nö̧ ji̧yä̧cu̧.

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

San Lucas 22:44

Ja̧'hua̧ta̧nö̧ rö̧ȩnä̧ ubara ttuhuäcua'attö, ji̧nä̧ isocu juruhuächi'ö ucuocuinödo. Ja̧'hua̧nö̧ ucuocuomenä, ajireja ttucuoja rö̧ȩnä̧ rȩjȩ eri'a'a jä̧'i̧nö̧'a̧nö̧ ji̧na̧'a̧do.

2 Corintios 5:4

Pi̧jä̧nä̧ tidepänä kä̧nö̧, 'cuäopönä eseunu ka̧cuo̧co̧tö̧jä̧. Ja̧'hua̧ta̧nö̧ 'cuäopönä suronä 'cuäopa'a ujuturu. Iso päi'önä tidepämä täbo jähuä do'opö ticua pätoca'anä, jareö kä̧cuä̧huä̧ ȩmö̧, tidepä jareö ȩmö̧, pi̧jä̧ttö̧ 'corupäi'äcuähuämä be'epö ticua pä'ätöjä.

2 Corintios 5:2

Pi̧jä̧ jähuä tidepänä kä̧nö̧, 'cuäopönä eseunu ka̧cuo̧co̧tö̧jä̧. Tojusode mo̧ro̧jä̧ra̧'a̧ kode amöcuädö, pä̧huä̧ rö̧jä̧u̧jä̧ juhuodenä tö̧ja̧cua̧ pä'ö.

San Mateo 20:22

Ja̧'hua̧ ja̧'a̧ Jesús ädätinödo: —Jäcuhue'ätucumä yoröiso jerupätöjä. Ttö ubara ttudu ta'anö, ¿ubara ttucuhuäcuotöjä tä̧ji̧ ucutumä? Ja̧'hua̧nö̧ päomenä, ädätinätödo: —A̧, jȩtä̧cuo̧tö̧jä̧.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.

Romanos 7:24

Ttömä cha̧'cua̧ tta̧'ȩcu̧sä̧. Ttö chidepämä ttörö ȩpa̧'a̧ hua'arera̧'a̧. Ja̧'hua̧ ja̧'a̧ttö̧ ¿dijä̧ttö̧ ttörö ppä̧dä̧cua̧mä̧?