Romanos 8:23 - TÄ̧DO Ä̧CUÄ̧ I̧HUȨNȨ

²³ Ji̧yȩä̧cuȩtä̧mä̧cö̧. Ujutu, Espíritu Santorö, Dios iyäcua'attö äcuomenä iyinäcuru, tu̧ju̧nä̧ra̧'a̧nä̧'i̧nä̧ ubara ttu'ätöjä. Ubara ttu'u kä̧nö̧, tta̧'ä̧rä̧tö̧jä̧ Dios pärotö icuatö pä'ö i̧tti̧mö̧ päi'önä.

Nuevo Testamento Uwotjüja

²³ Suro, pi̧jä̧ jäwätämä̧ usurä ȩmä̧wo̧ka̧'a̧, ujutu Epíritu Sa̧tu̧rü̧ kku̧nä̧rä̧tü̧mä̧ usurä ȩmä̧wä̧tü̧jä̧, Dio i̧yä̧kuȩmä̧ tȩmä̧kuo̧tü̧ ta'anä̧. Jakuänä̧mä̧ amükuä̧rä̧tü̧jä̧ Dio i̧tti̧mü̧ päi'ünä̧ jo̧mȩnü̧ ȩmä̧kuȩ mo̧ro̧.

Romanos 8:23 ပူးပေါင်းရင်းမြစ်များ

San Lucas 20:36

Juhua'attö yoröiso 'corupä'i'ocotö ttäcuotö. Angeles ta'anö ttäcuotö. 'Corupätti'omettö ttottächa'attö, Dios i̧tti̧mö̧ ttäcuotö.

San Lucas 21:28

Pi̧yȩ juäi pä'ötä 'cuäopäcua'a tocu'ätucuomenä, ka̧ra̧'i̧nä̧, ka̧ra̧'i̧nä̧ ppä'ädö cupiyä cä'epätucui. Täcö adiunä cu̧ja̧cuä̧tu̧cua̧ pä'ö tö'cöhuächa'a.

Romanos 5:11

Ja̧u̧ ji̧yȩtȩtä̧mä̧ amöcuädocotöjä. Ja̧'hua̧ta̧nö̧ Tu̧ru̧hua̧ Jesucristorö teseta'attö, Diosrö esehuätöjä. Chutä Jesucristo ppä'ädinö ujuturu, Dios ahuaruhuä päti'a pä'ö.

Romanos 5:3

Ja̧'hua̧ta̧nö̧ ubara ttutomenä'inä, esehuätöjä. Huo̧juä̧tö̧jä̧ ubara ttutomenä, tami 'quitächi'a pä'ö ppä'ädö.

Romanos 5:5

Ja̧'hua̧nö̧ eseunu tta̧tä̧ro̧mȩnä̧, ta̧'cua̧ tta̧'ȩcuo̧co̧tö̧jä̧. Dios ujuturu repe'ö, tami iso'qui suhuädi'önä Espíritu Santorö iyinä̧u̧jä̧.

Romanos 7:24

Ttömä cha̧'cua̧ tta̧'ȩcu̧sä̧. Ttö chidepämä ttörö ȩpa̧'a̧ hua'arera̧'a̧. Ja̧'hua̧ ja̧'a̧ttö̧ ¿dijä̧ttö̧ ttörö ppä̧dä̧cua̧mä̧?

Romanos 8:19

O'ca juiyönä pi̧jä̧nä̧ ka̧cua̧'a̧ pä'ö Dios jȩi̧nö̧mä̧, rö̧ȩnä̧ amöcuädö tta̧huä̧ra̧'a̧ Dios i̧tti̧mö̧rö̧ i̧jȩpä̧cuȩ mo̧ro̧.

1 Corintios 1:7

Ucutu Tu̧ru̧hua̧ Jesucristo ichö mo̧ro̧ päi'önä tta̧cu̧huä̧rä̧tu̧cuo̧mȩnä̧, Dios iyömä o'ca juiyönä ku̧nä̧rä̧tö̧jä̧ ucutumä.

2 Corintios 1:22

Ja̧u̧mä̧ ujuturu hue'inödo i̧tti̧mö̧ päti'a pä'ö. Ja̧'hua̧ta̧nö̧ iyinödo Espíritu Santorö tami iso'quinä. Ja̧'hua̧nö̧ jȩpö̧ huo̧juä̧tö̧jä̧, iso päi'önä iyömä tȩmä̧cuo̧tö̧jä̧.

2 Corintios 7:5

Macedonia rȩjȩra̧'a̧ rȩbȩhuä̧jä̧tö̧'co̧tö̧ 'cuätächi'ö'a̧nö̧ ja̧'a̧nä̧, ji̧nä̧ isocu aditäjätöjä. Rö̧ȩnä̧ rohuäcuähuä 'cuäopäja'a ujutu tö̧ja̧cuo̧mȩttö̧. Ja̧'hua̧ta̧nö̧ tami iso'quinä'inä ye'ecu ka̧cuä̧jä̧tö̧jä̧.

Gálatas 5:5

Ujutumä Espíritu Santo ppäda'anä, Cristorö esetö tta̧'ä̧rä̧tö̧jä̧ Dios jȩa̧ pä'ö ja̧u̧cu̧ ji̧nä̧ ji̧yȩtȩ huotö ta pä'ö.

Efesios 1:14

Espíritu Santorö iyinödo ujuturu, iso päi'önä yodoji iyä̧cuȩ'i̧nä̧, i̧yä̧cua̧ ujuturu tu̧huo̧jua̧ pä'ö. Ja̧u̧ iya pä'inö Dios, chutä i̧tti̧mö̧rö̧ surojöttö ejädö icu cädö o'ca'a. Ja̧'hua̧ta̧nö̧ Dios adihuä i̧sa̧ ja̧'a̧ttö̧ ja̧u̧ru̧ tesehuäcua'a̧nö̧.

Efesios 4:30

Espíritu Santo a̧'cua̧ tta̧huȩcu̧ juiyönä ka̧cuä̧tu̧cui̧. Ja̧u̧ Espíritu Santo ucuturu ppädomenä, korotö ucuturu topö huo̧juä̧tö̧ iso päi'önä Dios i̧tti̧mö̧jä̧ pä'ö. Ja̧u̧ Espíritu Santo ucuturu tta̧'ä̧rö̧, Tu̧ru̧hua̧ ucuturu ȩmö̧ ichome jubö päi'önä.

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

1 Pedro 1:7

Ucutu cuami 'quicuhuächi'ätucumä oro jä̧'i̧nö̧'a̧nö̧ jö̧. Ocuränä ku icu totta'a jä̧'i̧nö̧'a̧nö̧, 'cuäopä̧cuȩ ucuturu. Ja̧'hua̧nö̧ 'cuäopomenä, ttami 'quiächi'äcuähuämä orottö'inä abonänö adiu. Oromä beipächö. Ja̧'hua̧nö̧ cuami 'quicuhuächi'ätucuttumä, Jesucristo ichomenä, Dios rö̧ȩnä̧ ȩsȩhuä̧cua̧ ucuturu. Ja̧'hua̧ta̧nö̧ “Adiu jȩpä̧tö̧jä̧” pä̧cua̧ ucuturu.

1 Juan 3:2

Chö̧jä̧hua̧tö̧, jitä ujutu Dios i̧tti̧mö̧jä̧. Ja̧'hua̧nö̧ ja̧'a̧ päti'äcua'amä Dios ji̧nä̧ ji'ähuocö pi̧nö̧ ujuturu. Ujutu huo̧juä̧tö̧jä̧ Jesucristo i̧jȩcua̧'a̧ totomenä, chutä jö̧ ta'anö päti'äcuotöjä, ja̧u̧ru̧ totomenätä.