Romanos 8:11 - TÄ̧DO Ä̧CUÄ̧ I̧HUȨNȨ

¹¹ Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

Nuevo Testamento Uwotjüja

¹¹ Isopäi'ünä̧ Jesú-ru wa'arettü tto'ädinü̧ Epíritu ukutunä̧ ü̧jo̧mȩnä̧mä̧, ukutu kuidepätuku wa'are jäwä'i̧nä̧ tto̧ä̧dä̧kua̧, chutä a̧'kua̧rü̧ i̧sa̧ Epíritu ukutunä̧ ü̧ja̧'a̧ttü̧.

Romanos 8:11 ပူးပေါင်းရင်းမြစ်များ

San Juan 14:17

Ja̧u̧tä̧ Espíritu Santo iso päi'önä ji'äudo. Pi̧jä̧ ttö̧ja̧ ja̧u̧ru̧ ȩmo̧co̧tö̧. Jahuätö ja̧u̧ru̧ tottoca'attö, ttieruhuäcu. Ja̧'hua̧nö̧ ja̧'a̧nä̧ ucutucu ö̧ja̧'a̧ttö̧, täcö huo̧juä̧tö̧jä̧ ja̧u̧ru̧. Ucutucu 'cuäopönä ö̧jä̧cua̧.

San Juan 5:21

Jä'o'inä 'corupätti'omettö kä̧cuä̧huä̧ iyö ttoädö'a̧nö̧, I̧tti̧'i̧nä̧ churutä pä̧huä̧ rö̧jä̧u̧ru̧ kä̧cuä̧huä̧ i'co iyö.

Hechos 2:24

Ja̧'hua̧nö̧ ja̧'a̧ Dios ja̧u̧ru̧ tto'ädinö. Hua'arettö rä'epö icuinö, hua'are ja̧u̧ru̧ juruhuoca'attö.

Romanos 16:10

Te'ähuätucui Apelesrö, Cristo ka̧cuä̧mö̧ toinäcuru. Ja̧'hua̧ta̧nö̧ Aristóbulo ahuaruhuärö'inä te'ähuätucui.

Romanos 16:3

Te'ähuätucui Priscilarö'inä, Aquilarö'inä. Cristo Jesús aditähuänä ttöcu ppä'ädätö jahuätö.

Romanos 16:7

Te'ähuätucui ttötä chahuaruhuä isotö Andrónicorö'inä, Juniasrö'inä. Jahuätö ttöcu cärenä pi̧nä̧tö̧. Jahuätömä Jesús hue'ähuotö'inä ttu̧huo̧juä̧u̧. Jahuätömä ttöttö'inä ä'coji esetinätö Cristorö.

Romanos 16:9

Te'ähuätucui Urbanorö, Cristo Jesús aditähuänä ttöcu ppä'ädörö. Ja̧'hua̧ta̧nö̧ adihuä cha̧hua̧ru̧hua̧ Estaquisrö'inä te'ähuätucui.

Romanos 6:12

Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö.

Romanos 8:1

Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

Romanos 8:12

Ja̧'hua̧nö̧ ja̧'a̧ttö̧ chö̧jä̧hua̧tö̧, Espíritu Santo hueö jȩtö̧'a̧nö̧ ja̧'a̧. Tamönä tidepä hueö jȩtö̧ juiyö'a̧nö̧ ja̧'a̧.

Romanos 8:2

Espíritu Santo ujurunä Jesucristocu ji̧nä̧ ji̧yȩtȩ huotörö kä̧cuä̧huä̧ iyömä, ttörö ȩmö̧ icuinö surojö ujuruttu'inä, hua'arettö'inä.

Romanos 8:9

Espíritu Santo ucutucu ö̧jö̧ttö̧mä̧, ucutu cuamönä cuidepä pä̧huä̧ rö̧jö̧nä̧tä̧ ko̧co̧tö̧jä̧. Espíritu Santo pä̧huä̧ rö̧jö̧nä̧tä̧ ka̧cuä̧tö̧jä̧. Ja̧'hua̧ta̧nö̧ Espíritu Santo to̧'a̧mä̧, Cristo u̧mö̧huä̧ya̧mä̧cö̧.

1 Corintios 15:16

Ja̧'hua̧nö̧ ja̧'a̧ttö̧ 'corupä'i'ö'cotö ttottächäcua'a juiyöttömä, chutämä, Cristomä tto'ächocö pi̧na̧ji̧do.

1 Corintios 6:14

Ja̧'hua̧ta̧nö̧ Dios Tu̧ru̧hua̧rö̧ ttoädinö ta'anö, ujuturu'inä ujurunä tto̧ä̧dä̧cua̧.

2 Corintios 4:11

'Cuäopönä ujuturu cuä'ö tticua pä'ö ka̧cuä̧tö̧ korotömä, Jesúsru teseta'attö. Ja̧'hua̧nö̧ ja̧'a̧nä̧ pi̧jä̧ jähuä jättäpäyotönä kä̧nö̧ cuetächomenä, Jesús ö̧ji̧nö̧ ta'anö tö̧ja̧'a̧ tottäcuotö.

2 Corintios 4:14

Iso päi'önä huo̧juä̧tö̧jä̧ pi̧yȩmä̧. Dios, Tu̧ru̧hua̧ Jesúsru 'corupätti'inomettö tto'ädinömä, ujuturu'inä Jesúscu tto̧ä̧dä̧cua̧. Ja̧'hua̧ta̧nö̧ ucutucu ji̧nä̧ yo̧mȩtȩnä̧ ȩpä̧cuo̧tö̧jä̧ chutäcu tö̧ja̧cua̧ pä'ö.

2 Corintios 5:4

Pi̧jä̧nä̧ tidepänä kä̧nö̧, 'cuäopönä eseunu ka̧cuo̧co̧tö̧jä̧. Ja̧'hua̧ta̧nö̧ 'cuäopönä suronä 'cuäopa'a ujuturu. Iso päi'önä tidepämä täbo jähuä do'opö ticua pätoca'anä, jareö kä̧cuä̧huä̧ ȩmö̧, tidepä jareö ȩmö̧, pi̧jä̧ttö̧ 'corupäi'äcuähuämä be'epö ticua pä'ätöjä.

Gálatas 6:8

Ya̧tȩ churutä pä̧huä̧ rö̧jö̧ amöcuädötä ku̧nu̧mä̧, ja̧u̧ chutä amöcuädö hua'aretä ȩmä̧cua̧. Ja̧'hua̧nö̧ ja̧'a̧nä̧ Espíritu Santorötä pä̧huä̧ rö̧jo̧mȩnä̧ u̧ju̧nu̧ttu̧mä̧, ja̧u̧ru̧ Espíritu Santo kä̧cuä̧huä̧ i'co i̧yä̧cua̧.

Efesios 2:5

Ujutu suronä jȩpö̧ kä̧nö̧, 'cörupä'i'ätö jä̧'i̧nö̧'a̧nö̧ cue'ächö, Cristorö tesetomenä ta̧'cua̧rö̧ iyinä̧u̧jä̧. Ja̧'hua̧nö̧ ja̧'a̧ ucuturu Diosrö pä̧huä̧ rö̧jo̧mȩnä̧ suronä jȩcu̧'i̧nä̧tu̧cu̧ jȩpö̧ icuinödo.

Filipenses 3:21

Ja̧u̧ ichomenä, ujutu hua'ä tidepä jättäpäyotörö ö̧'ä̧ro̧tä̧cua̧, chutä jä̧ttä̧pä̧ya̧ öadihuä jö̧ ta'anö tö̧ja̧cua̧ pä'ö. Chutä ujurunä koro juäi o'ca juiyönä hueö 'cuäopä̧cuȩ ujurunä jȩä̧cua̧.

Hebreos 13:20

Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

Apocalipsis 1:18

Ttömä ihueye kö̧sä̧. 'Corupä'i'inösä. Ja̧'hua̧nö̧ ja̧'a̧nä̧ jitämä kö̧sä̧ 'cuäopönä. Ttömä 'corupä'i'inätöttö'inä abonänö ju̧ru̧hua̧sä̧. Ja̧'hua̧ta̧nö̧ hua'are huattomettö'inä abonänö ju̧ru̧hua̧sä̧.

Apocalipsis 11:11

Ja̧'hua̧nö̧ ja̧'a̧nä̧ huäbodäcuä mo̧ro̧ o'ca'a, koro mo̧ro̧ kä̧hua̧ jueö kö̧rö̧ päi'omenä, Dios pä'äji ta'anö ttöädinä̧u̧, pä'äji ta'anö ttö̧ja̧cua̧ pä'ö. O'ca toi'önä ja̧'hua̧nö̧ tottomenä, juiyo rö̧ȩnä̧ ye'ecuinätö.