Romanos 8:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

Nuevo Testamento Uwotjüja

¹ Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Romanos 8:1 ပူးပေါင်းရင်းမြစ်များ

San Juan 14:20

Ja̧u̧nu̧ mo̧ro̧ päi'omenä ttöcu, Chä'ocu ji̧nä̧ ya̧tȩtä̧ ja̧'a̧ pä'ö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ucutucu, ttöcu ji̧nä̧ yotöte ja̧'a̧ pä'ö cu̧huo̧jui̧'ä̧cuo̧tö̧jä̧.

San Juan 15:4

Ucutucu cuedächö ta'anö, ttöcu cue'ächätucui ucutu'inä. Dau ä̧na̧juä̧ ja̧'a̧tä̧ katämä u̧huä̧ju̧ juiya'a. Dau kada'canä todehuomenätä, ja̧u̧ ä̧na̧juä̧nä̧ huȩjä̧cua̧'a̧ u̧huä̧ju̧. Ucutu'inä ttörö todeunä cu̧ja̧cuä̧tu̧cu̧ juiyöttömä, yoröiso u̧huä̧ju̧ juiyäcua'a.

San Juan 5:24

“Iso päi'önä pä'ösä ucuturu, ttö pädö ä̧ju̧cu̧'inä̧, ttörö hue'inörö esetö'inä, kä̧cuä̧huä̧ i'co ku̧nä̧rö̧. Ja̧u̧ru̧ tä̧bo̧cuä̧mä̧ 'cuäopoca'a jä̧cua̧. Ja̧u̧mä̧ 'corupä'i'ätö jä̧'i̧nö̧'a̧nö̧ ja̧'a̧nä̧, jitä 'corupä'i'ocö, kä̧cuä̧huä̧ i'co u̧ju̧nä̧ra̧'a̧ttö̧.

Romanos 16:3

Te'ähuätucui Priscilarö'inä, Aquilarö'inä. Cristo Jesús aditähuänä ttöcu ppä'ädätö jahuätö.

Romanos 16:7

Te'ähuätucui ttötä chahuaruhuä isotö Andrónicorö'inä, Juniasrö'inä. Jahuätö ttöcu cärenä pi̧nä̧tö̧. Jahuätömä Jesús hue'ähuotö'inä ttu̧huo̧juä̧u̧. Jahuätömä ttöttö'inä ä'coji esetinätö Cristorö.

Romanos 5:1

Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.

Romanos 5:16

Kä̧cuä̧huä̧ i'co Dios iyömä, ya̧tȩ suronä jȩö̧'a̧nö̧ jo̧cö̧. Ya'utenätä suronä jȩa̧'a̧nä̧, hua'ä ttö̧ja̧ juo'ähuinätö. Ja̧'hua̧nö̧ ja̧'a̧nä̧ rö̧ȩnä̧, suronä jȩtta̧'a̧nä̧, Dios mippoönä iyö chutäcu ji̧nä̧ ji̧yȩtȩ huotö tta pä'ö.

Romanos 7:17

Ja̧'hua̧nö̧ jȩcho̧mȩnä̧, ttötä chamönämä jȩpo̧cö̧sä̧. Surojötä, chami iso'quinä kö̧tä̧, ja̧'hua̧nö̧ jȩcha̧ pä'ö huea'a.

Romanos 7:20

Ja̧'hua̧ ja̧'a̧ttö̧ chöjö'cö juiyötä jȩchö̧ttö̧mä̧, ttötä chamönämä jȩpo̧cö̧sä̧. Surojötä, chami iso'quinä kö̧tä̧, ja̧'hua̧nö̧ jȩcha̧ pä'ö huea'a.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

Romanos 8:14

O'ca toi'önä Espíritu Santo juȩpä̧rä̧u̧mä̧, jahuätömä Dios i̧tti̧mö̧.

Romanos 8:2

Espíritu Santo ujurunä Jesucristocu ji̧nä̧ ji̧yȩtȩ huotörö kä̧cuä̧huä̧ iyömä, ttörö ȩmö̧ icuinö surojö ujuruttu'inä, hua'arettö'inä.

Romanos 8:34

¿Dijä̧ttö̧ jahuätörö tä̧bo̧tö̧mä̧? Cristo 'corupäi'äji o'ca'a, Dios ttoädinäcu. Ja̧'hua̧ta̧nö̧ Cristo Dios u̧huo̧jua̧'a̧nä̧ pö̧, Diosrö ucuocu ujuturu.

Romanos 8:39

Ja̧'hua̧ta̧nö̧ pi̧jä̧ huäme'inä, pi̧jä̧ dȩa̧'a̧'i̧nä̧, koro juäi Dios aditinö'inä yoröiso 'quȩ'ȩpö̧ icuocö ujuturu Dios repeöttö. Dios ja̧u̧ repeömä iyinö ujuturu, Tu̧ru̧hua̧ Jesucristorö teseta'attö.

Romanos 8:4

Ja̧'hua̧nö̧ jȩpi̧nö̧ Dios, hueähuä huȩnȩ hueö jȩta̧ pä'ö. Ujutu tidepä pä̧huä̧ rö̧jö̧tä̧ ko̧co̧tö̧jä̧. Espíritu Santorö pä̧huä̧ rö̧jö̧tä̧ ka̧cuä̧tö̧jä̧.

Romanos 8:9

Espíritu Santo ucutucu ö̧jö̧ttö̧mä̧, ucutu cuamönä cuidepä pä̧huä̧ rö̧jö̧nä̧tä̧ ko̧co̧tö̧jä̧. Espíritu Santo pä̧huä̧ rö̧jö̧nä̧tä̧ ka̧cuä̧tö̧jä̧. Ja̧'hua̧ta̧nö̧ Espíritu Santo to̧'a̧mä̧, Cristo u̧mö̧huä̧ya̧mä̧cö̧.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

1 Corintios 15:22

Ujutumä Adán ahuaruhuä isotöjä. Ja̧'hua̧nö̧ ja̧'a̧ttö̧ Adán 'corupäi'inö ta'anö 'corupäti'äcuotöjä ujutumä. Ja̧'hua̧ta̧nö̧ o'ca toi'önä Cristo ahuaruhuä, Cristo ö̧jö̧ ta'anö tö̧ja̧cuä̧cuo̧tö̧jä̧.

2 Corintios 12:2

Ttö ya̧tȩ uborö, Cristorö esetörö, huo̧jua̧sä̧. Ja̧u̧mä̧ ttö̧jä̧pö̧ttö̧nö̧ pa̧ja̧cuä̧nö̧ a̧'ȩ ji̧nö̧ o'ca'a, mo̧ro̧jä̧ra̧'a̧, Dios ö̧jo̧mȩ ttȩpi̧nä̧cu̧do. Juhuorö'inä iso päi'önä ttȩpi̧nö̧mä̧ jȩru̧pa̧sä̧. 'Cuo̧ti̧cu̧tä̧ 'cuo̧ti̧cui̧nö̧cö̧. Diostä ja̧'hua̧nö̧ huo̧jua̧.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Gálatas 3:28

Yoröiso yorätehuätöjä Cristo Jesúsru cuesetätucuomenä, judíos ttö̧ja̧'i̧nä̧, griegos ttö̧ja̧'i̧nä̧, ttu̧mö̧huä̧ya̧'i̧nä̧, ttu̧mö̧huä̧ya̧cö̧'i̧nä̧, ubo'inä, isaju'inä.

Gálatas 5:16

Pi̧yȩjä̧ päda pädömä: Espíritu Santorö pä̧huä̧ rö̧jo̧mȩnä̧ ka̧cuä̧tu̧cui̧. Ja̧'hua̧nö̧ cu̧ja̧cuä̧tu̧cuo̧mȩnä̧mä̧, täcö ja̧u̧nu̧mä̧ cuamöcuädätucu pä̧huä̧ rö̧jo̧mȩnä̧mä̧ ka̧cuo̧co̧tö̧jä̧.

Gálatas 5:25

Ja̧'hua̧nö̧ Espíritu Santo ujurunä tö̧ja̧'a̧ttö̧, ja̧'hua̧ta̧nö̧ Espíritu Santo juȩpä̧ra̧tö̧ pätö'a̧nö̧ ja̧'a̧ o'ca juiyönä jȩtö̧mä̧.

Efesios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Pi̧yȩ cuyäru huȩyu̧tu̧sä̧, Dios i̧tti̧mö̧rö̧, Cristo Jesúsru esetätörö, Efeso ötahuiyänä ka̧cuä̧tö̧rö̧.

Filipenses 3:9

Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.