Romanos 7:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧nä̧ jitä täcö hua'ö icuinätöjä ja̧u̧ hueähuä huȩnȩttö̧mä̧, ujuturu hueinöttömä. Jitämä Dioscu eseunu aditö ka̧cuä̧tö̧jä̧, ta̧'cua̧rö̧ jareö Espíritu Santo iyö amöcuädö. Täbocö hueähuä huȩnȩ huȩyu̧cu̧'a̧nö̧mä̧ jȩpo̧co̧tö̧jä̧.

Nuevo Testamento Uwotjüja

⁶ Ja̧'wa̧nü̧ ja̧'a̧nä̧, jitämä̧ weäwä wȩnȩmä̧ wȩo̧ko̧u̧jä̧, jua̧u̧ttü̧mä̧ wa'ü ikuinä̧tü̧jä̧, pärokuä jareünä̧ kkä̧kuä̧wä̧, Epíritu jäwänä̧ Dio-rü ukuotü tü̧ja̧kua̧ pä'ü.

Romanos 7:6 ပူးပေါင်းရင်းမြစ်များ

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Romanos 6:11

Ucutu'inä suronä jȩcu̧'i̧nä̧tu̧cu̧ttu̧mä̧ hua'ö icuätö jä̧'i̧nö̧'a̧nö̧ ka̧cuä̧tö̧jä̧ amöcuädätucui. Ja̧'hua̧ta̧nö̧ Cristo Jesúsru teseta'attö, Diosrö eseu ka̧cuä̧tö̧jä̧ pä'ö amöcuädätucui.

Romanos 6:19

Ja̧'hua̧nö̧ chucuocuomenä, pi̧jä̧ ttö̧ja̧ ttamöcuädö'a̧nö̧ ucuocusä, adiu cuä̧ju̧cuä̧tu̧cuo̧ca̧'a̧ttö̧. Ä'coji cuamönä iyäcuähuinätöjä suronä jȩä̧cuä̧huä̧nä̧, pi̧jä̧ttö̧ surojö jȩcu̧'ä̧tu̧cua̧ pä'ö. Ja̧'hua̧nö̧ ja̧'a̧nä̧ ucutu cuamönä iyäcuähuätucui cua̧'cua̧ adiu jȩpö̧ cu̧ja̧cuä̧tu̧cua̧ pä'ö, Diosrö pä̧huä̧ rö̧jö̧nä̧tä̧ cu̧ja̧cuä̧tu̧cuä̧cua̧'a̧nö̧.

Romanos 6:2

Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Romanos 6:22

Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧.

Romanos 6:4

Ja̧'hua̧nö̧ ja̧'a̧ttö̧ bautizado päti'omenä, Cristocu 'turu icuähuotö jä̧'i̧nö̧'a̧nö̧ huotöjä. Ja̧'hua̧ta̧nö̧ Jä'o adihuä ujurunä Cristorö hua'arettö ttoädinö ta'anö, ujutu'inä ttoädäcuähuotö jä̧'i̧nö̧'a̧nö̧ huotöjä, ta̧'cua̧rö̧ jareönä tö̧ja̧cua̧ pä'ö.

Romanos 7:1

Chö̧jä̧hua̧tö̧, ucutu hueähuä huȩnȩ huo̧juä̧tö̧mä̧, huo̧juä̧tö̧jä̧ hueähuä huȩnȩ tta̧'cua̧rä̧i̧tä̧ hueö.

Romanos 7:2

Ja̧'hua̧nö̧ jä̧'i̧nö̧'a̧nö̧ yajute isaju kirecuorö ku̧nä̧rä̧ju̧mä̧, hueähuä huȩnȩnä̧ todepaju kirecuottö, ji̧nä̧ a̧'cua̧rä̧i̧tä̧ kirecuo. Kirecuo hua'ö icuomenä, ja̧u̧ hueähuä huȩnȩttö̧mä̧ täcö 'quȩ'ȩcuä̧chä̧ju̧.

Romanos 7:4

Ja̧'hua̧ta̧nö̧ ttö chö̧jä̧hua̧tö̧, ucutu'inä Jesucristorö esetätömä, hueähuä huȩnȩttö̧mä̧ hua'ö icuinätöjä, ka̧ra̧ hue'ähuotö cu'ätucua pä'ö. Jitä Cristo, Dios hua'arettö ttoädinäcu umöhuäyotöjä. Dios ja̧u̧ru̧ ja̧'hua̧nö̧ tto'ädinö, ujutu Dios ä'ca jo̧mȩttö̧ adiu tö̧ja̧cua̧ pä'ö.

2 Corintios 3:6

Ja̧u̧mä̧ jareö huȩnȩ iyö, ujuturu ppä'ädö ja̧u̧ huȩnȩ päö'a̧nö̧ jȩta̧ pä'ö. Ja̧u̧ jareö huȩnȩmä̧ huȩyu̧cuo̧ca̧'a̧do. Ja̧u̧mä̧ Espíritu Santottö ȩmä̧huä̧ ja̧'a̧do. Pi̧jä̧ hueähuä huȩnȩ ttö̧ja̧rö̧ cuä'ö icuähuä huȩnȩ. Ja̧'hua̧nö̧ ja̧'a̧nä̧'i̧nä̧ ja̧u̧ Espíritu Santo kä̧cuä̧huä̧ iyö.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Gálatas 6:15

Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

Efesios 4:24

Ttö̧'ca̧tä̧huä̧ta̧ ja̧rȩä̧ta̧ ttö̧'ca̧tä̧hua̧'a̧ jä̧'i̧nö̧'a̧nö̧, Diosrö pä̧huä̧ rö̧jo̧mȩnä̧ aditinömä jareö cu̧'ca̧tä̧huä̧tu̧cu̧'a̧nö̧ ja̧'a̧, adiunä cua̧'cua̧ pö̧nö̧ kä̧nö̧ korotö tottäcua'a̧nö̧.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

Colosenses 3:10

Jitämä ucutu jareönä amöcuädätöjä. Ja̧'hua̧nö̧ amöcuädö, Dios, ucuturu aditinömä juhua'a yabo rö̧ȩnä̧ u̧huo̧juȩtä̧cuo̧tö̧jä̧ chutä jö̧ ta'anö cu'ätucua pä'ö, ja̧u̧ru̧tä̧ adiunä cu̧huo̧juä̧tu̧cua̧rö̧ pä'ö.