Romanos 7:14 - TÄ̧DO Ä̧CUÄ̧ I̧HUȨNȨ

¹⁴ Ujutu huo̧juä̧tö̧jä̧ hueähuä huȩnȩ Diosttö icha'a pä'ö. Ja̧'hua̧nö̧ ja̧'a̧nä̧ ttömä chidepä hueötä jȩpö̧sä̧, surojö hueö jȩä̧cuä̧huä̧ i̧sa̧ cha'attö.

Nuevo Testamento Uwotjüja

¹⁴ Isopäi'ünä̧ weäwä wȩnȩmä̧ Epíritu jäwä ja̧'a̧ pä'ümä̧ wo̧juä̧tü̧jä̧ ja̧'wa̧nü̧ ja̧'a̧nä̧ ttümä̧ pi̧jä̧ ttü̧ja̧sa̧sä̧, surojü ujuru wea'anä̧tä̧ kkä̧kuä̧wä̧ i̧sa̧sä̧.

Romanos 7:14 ပူးပေါင်းရင်းမြစ်များ

San Mateo 16:23

Ja̧'hua̧ ja̧'a̧ Jesús kärächi'ö pä'inödo Pedrorö: —¡Ttöttö 'quȩ'i̧pä̧chi̧, Satanás! Ttörö suronä pä'öjä. Dios amöcuädö ta'anö, yoröiso amöcuädocöjä. Pi̧jä̧ ttö̧ja̧ ttamöcuädö ta'anötä amöcuädöjä.

San Mateo 18:25

Ja̧u̧ usurä i̧sa̧ pi̧nö̧do. Yoröiso ru̧hua̧rö̧ imita pä'ö jui'inödo. Ja̧'hua̧nö̧ ja̧'a̧ttö̧ ja̧u̧ ru̧hua̧ hue'inödo ja̧u̧ru̧ mippotörö'inä, irecuarö'inä, i̧tti̧mö̧rö̧'i̧nä̧, o'ca juiyönä ttu̧ju̧nä̧rö̧'i̧nä̧ korotö ttumöhuäyotö päi'önä iyö tticua pä'ö. Ja̧'hua̧nö̧ iyö tticuomenä, pärätä ȩmö̧, chutä öäre pärätä päi'önä ȩma̧ pä'inödo.

San Mateo 5:22

Jitämä ttö pä'ösä ucuturu, ya̧tȩ ö̧jä̧hua̧rö̧ ö̧ra̧huä̧rö̧ttö̧mä̧, ja̧u̧ru̧'i̧nä̧ ttö̧tä̧bo̧tö̧'a̧nö̧ ja̧'a̧. Ja̧'hua̧ta̧nö̧ ya̧tȩ suronä ädätö ucuocuttumä ö̧jä̧hua̧rö̧, ruhuotö ttö̧tä̧bo̧tö̧'a̧nö̧ ja̧'a̧ ja̧u̧ru̧. Ja̧'hua̧ta̧nö̧ ya̧tȩ ö̧jä̧hua̧rö̧ “suripächöjä” päöttömä, ja̧u̧mä̧ ocurä beipocaränä cuo'ö icu'a̧nö̧ ja̧'a̧.

San Mateo 5:28

“Jitämä ttö pä'ösä ucuturu, ya̧tȩ karajuru suronä amöcuädö pä̧huä̧ rö̧jö̧nä̧ tomenä, ami iso'quinä suronä jȩpö̧ jahuäjuru.

San Lucas 5:8

Ja̧u̧ topö, Simón Pedro Jesús ä'ca jo̧mȩ ihue'quiyunä kä̧mä̧dö̧ pä'inödo: —'Quȩ'i̧pä̧chi̧ttö̧, Chu̧ru̧hua̧. Ttömä iso päi'önä suronä jȩpä̧'i̧jö̧sä̧.

San Lucas 7:6

Ja̧'hua̧ ja̧'a̧ttö̧ Jesús jahuätötäcu 'chi̧nö̧do. Ja̧'hua̧nö̧ ja̧'a̧nä̧ isode ttötö'cöhuächi'omettö, romanos ttö̧ja̧ su̧ro̧da̧u̧ ttu̧ru̧hua̧ hue'inödo yotöte ahuaruhuärö Jesúsru jittähua pä'ö. Pa̧'a̧nö̧ pä'inätödo: —“Chu̧ru̧hua̧, ucuru pä̧huä̧ juiyöttömä, chojusodera̧'a̧ cuichö juiyö'a̧nö̧ ja̧'a̧. Ttömäsä yoröiso adihuocösä chojusodenä docuhuächaja pä'ö'inä.

Romanos 3:9

Ja̧'hua̧ ja̧'a̧ttö̧, ujutu judíos ttö̧ja̧ ¿korotöttö'inä abonänö adihuä isotöjä tä̧ji̧? Tta̧'a̧huä̧jä̧. Täcö ji'ähuäjisä o'ca toi'önä judíos ttö̧ja̧'i̧nä̧, judíos huocotö'inä suronä jȩtta̧'a̧nä̧, yoröiso adiunämä jȩpo̧co̧tö̧.

Romanos 6:6

Ujutu huo̧juä̧tö̧jä̧ täbocö tö̧ji̧nö̧mä̧ Cristocu daunä pȩ'o̧pö̧ u̧ju̧ni̧na̧'a̧, suronä jȩä̧cuä̧huä̧ be'epö icua pä'ö, suronä hueö jȩä̧cuä̧huä̧ isotö tö juiyäcua'a̧nö̧.

Romanos 7:18

Ttö huo̧jua̧sä̧ ttö chidepänämä adihuä juäi juiya'a. Adiu jȩcha̧ päda'anä, yoröiso adiu jȩpo̧cö̧sä̧.

Gálatas 4:3

Ja̧'hua̧nö̧ jä̧'i̧nö̧'a̧nö̧ 'cuäopa'a ujuturu. Ujutu Diosrö tieruhuei o'ca juiyönä pi̧jä̧ ttö̧ja̧ ttamöcuädönä jȩpö̧ ka̧cui̧nä̧tö̧jä̧.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

Hebreos 4:12

Dios i̧huȩnȩmä̧ 'cuäopönä kö̧do. Ja̧'hua̧ta̧nö̧ 'cuäopönä juruhua'ado. Curodä pätecu sa̧huȩcuodättö'inä abonänö so̧a̧'a̧do Dios i̧huȩnȩ. Dios i̧huȩnȩmä̧ curodä so̧odänä idepä ttihue'cattö quichö tticua'a jä̧'i̧nö̧'a̧nö̧ jö̧. Dios i̧huȩnȩ ja̧'hua̧nö̧ jä̧'i̧nö̧'a̧nö̧ ja̧'a̧nä̧, jiähua'a ujutu ta̧'cua̧nä̧ tamöcuädömä.