Romanos 7:1 - TÄ̧DO Ä̧CUÄ̧ I̧HUȨNȨ

¹ Chö̧jä̧hua̧tö̧, ucutu hueähuä huȩnȩ huo̧juä̧tö̧mä̧, huo̧juä̧tö̧jä̧ hueähuä huȩnȩ tta̧'cua̧rä̧i̧tä̧ hueö.

Nuevo Testamento Uwotjüja

¹ Chawaruwä chü̧jä̧wa̧tü̧, ukutumä̧ weäwä wȩnȩmä̧ wo̧juä̧tü̧jä̧, jua̧u̧ weäwä wȩnȩmä̧ mikuäwa'a, ji̧nä̧ tta̧'kua̧rä̧i̧tä̧ jȩpü̧ tü̧ja̧kuo̧mȩnä̧tä̧.

Romanos 7:1 ပူးပေါင်းရင်းမြစ်များ

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

Romanos 10:1

Chö̧jä̧hua̧tö̧, ttö pä̧huä̧ rö̧jä̧cu̧sä̧ Israel ttö̧ja̧ Jesucristorö tteseta pä'ö. Ja̧'hua̧ta̧nö̧ Diosrö ucuocusä jahuätö suronä jȩttö̧ jȩpö̧ icuatö pä'ö.

Romanos 10:4

Cristo be'epäjipö icuinö Moisés hueähuä huȩnȩ. O'ca toi'önä churutä esetätörömä, Dios jȩpö̧ chutäcu ji̧nä̧ ji̧yȩtȩ huotö tta pä'ö.

Romanos 6:14

Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.

Romanos 6:3

¿Ucutu jȩru̧pä̧tö̧jä̧ tä̧ji̧? Ujutu bautizado pä'i'inätöjä Jesucristocu ji̧nä̧ ji̧yȩtȩ ta pä'ö. Ja̧'hua̧ta̧nö̧ ja̧u̧nu̧tä̧ bautizado päti'omenä, yo̧mȩtȩnä̧ Jesucristo uhuaparecu ji̧nä̧ ji̧yȩtȩ pä'i'inätöjä.

Romanos 7:6

Ja̧'hua̧nö̧ ja̧'a̧nä̧ jitä täcö hua'ö icuinätöjä ja̧u̧ hueähuä huȩnȩttö̧mä̧, ujuturu hueinöttömä. Jitämä Dioscu eseunu aditö ka̧cuä̧tö̧jä̧, ta̧'cua̧rö̧ jareö Espíritu Santo iyö amöcuädö. Täbocö hueähuä huȩnȩ huȩyu̧cu̧'a̧nö̧mä̧ jȩpo̧co̧tö̧jä̧.

1 Corintios 9:8

Jitä pädäjimä pi̧jä̧ ttö̧ja̧ ttamöcuädö ji'ähuäji pä'ö cuamöcuädätucuä'. Moisés hueähuä huȩnȩ ja̧'hua̧ta̧nö̧ päa'a.

Gálatas 4:21

Ucutu iso päi'önä Moisés hueähuä huȩnȩ jȩcu̧'ä̧tu̧cua̧ pä'ätömä, chä̧ju̧cua̧ ji'ähuätucuittö pi̧yȩ: ¿Ä̧ju̧cuo̧co̧tö̧ pi̧nä̧tö̧jä̧ tä̧ji̧ ja̧u̧ hueähuä huȩnȩ päa'a?