Romanos 6:18 - TÄ̧DO Ä̧CUÄ̧ I̧HUȨNȨ

¹⁸ Surojö hueö jȩä̧cuä̧huä̧ isotöttö räcuhuo'ächätucuomenä, adihuä juäi hueö jȩä̧cuä̧huä̧ isotö päi'önä ka̧cuä̧tö̧jä̧.

Nuevo Testamento Uwotjüja

¹⁸ Surojü 'chu̧ä̧ri̧nü̧ttü̧ rä'epü ikuinü̧ o̧'ko̧u̧mä̧, adiwomȩnä̧ jȩpü̧ kkä̧kuä̧wä̧nä̧ ku̧ja̧kuä̧tu̧kua̧ pä'ü dodepinä̧tü̧jä̧.

Romanos 6:18 ပူးပေါင်းရင်းမြစ်များ

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Juan 8:32

Iso päi'önä huȩnȩ cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ja̧u̧ huȩnȩ ucuturu ppädäcua'a surojöttö cuejächi'ätucua pä'ö.

San Juan 8:36

Ja̧'hua̧nö̧ ja̧'a̧ttö̧ Dios I̧tti̧ ucuturu suronä jȩä̧cuä̧huä̧ttö̧ ejädö icua'attö, iso päi'önä ädiunätä cu̧ja̧cuä̧cuo̧tö̧jä̧.

Romanos 6:14

Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.

Romanos 6:22

Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧.

Romanos 6:7

Ya̧tȩ 'corupäi'omenämä, surojö juhua'a yabocu hueoca'a ja̧u̧ru̧.

Romanos 8:2

Espíritu Santo ujurunä Jesucristocu ji̧nä̧ ji̧yȩtȩ huotörö kä̧cuä̧huä̧ iyömä, ttörö ȩmö̧ icuinö surojö ujuruttu'inä, hua'arettö'inä.

Gálatas 5:1

Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

1 Pedro 2:16

Surojöttö ejädö icuähua̧ ö̧jö̧'a̧nö̧, eseunu ka̧cuä̧tu̧cui̧. Ja̧'hua̧nö̧ eseunu cu̧ja̧cuä̧tu̧cua̧'a̧ttö̧, suronämä jȩcu̧'ä̧tu̧cuä̧'. Dios umöhuäyotö ttö̧jö̧'a̧nö̧, ka̧cuä̧tu̧cui̧.