Romanos 6:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö.

Nuevo Testamento Uwotjüja

¹² Ja̧'wa̧nü̧ ja̧'a̧ttü̧, surojü ukuotäkuäwokü kuidepätukunä̧ wea'anä̧mä̧ ku̧ja̧kuä̧tu̧kuä̧ ja̧'wa̧ta̧nü̧ ji̧yȩtä̧ pä̧wä̧rü̧ja̧'a̧ku̧ oipa'anä̧mä̧.

Romanos 6:12 ပူးပေါင်းရင်းမြစ်များ

Romanos 13:14

Pärocua'acu Cu̧ru̧hua̧ Jesucristorö adiu esetö ka̧cuä̧tu̧cui̧. Cuidepä pä̧huä̧ rö̧jö̧ jȩö̧tä̧mä̧ cuamöcuädätucuä'.

Romanos 2:8

Ja̧'hua̧ta̧nö̧ korotö ttamönä jähuä amöcuädätörö, iso päi'önä huȩnȩ esetocotörö, surojö kö'cätörö, jahuätörö Dios ra̧huä̧rö̧ ro̧ȩpä̧cua̧.

Romanos 5:21

Ja̧'hua̧nö̧ ja̧'a̧ttö̧ suronä jȩtto̧mȩnä̧, hua'are juruhuina'a. Ja̧'hua̧ta̧nö̧ Dios ujuturu jȩo̧mȩnä̧ chutäcu ji̧nä̧ ji̧yȩtȩ huotö ta pä'ö, Dios ppädäcuähuä juruhuina'a. Ja̧'hua̧nö̧ ujuruhua'attö, kä̧cuä̧huä̧ i'co iyö, Tu̧ru̧hua̧ Jesucristorö tesetomenä.

Romanos 6:14

Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.

Romanos 6:16

Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

Romanos 8:13

Cuidepä hueönä cu̧ja̧cuä̧tu̧cu̧ttu̧mä̧, hua'ö cuicuäcuotöjä. Ja̧'hua̧nö̧ ja̧'a̧nä̧ Espíritu Santo ujurunä, cuidepä hueö jȩcu̧'ä̧tu̧cu̧ juiyöttömä, adiu cu̧ja̧cuä̧cuo̧tö̧jä̧.

2 Corintios 4:11

'Cuäopönä ujuturu cuä'ö tticua pä'ö ka̧cuä̧tö̧ korotömä, Jesúsru teseta'attö. Ja̧'hua̧nö̧ ja̧'a̧nä̧ pi̧jä̧ jähuä jättäpäyotönä kä̧nö̧ cuetächomenä, Jesús ö̧ji̧nö̧ ta'anö tö̧ja̧'a̧ tottäcuotö.

2 Corintios 5:4

Pi̧jä̧nä̧ tidepänä kä̧nö̧, 'cuäopönä eseunu ka̧cuo̧co̧tö̧jä̧. Ja̧'hua̧ta̧nö̧ 'cuäopönä suronä 'cuäopa'a ujuturu. Iso päi'önä tidepämä täbo jähuä do'opö ticua pätoca'anä, jareö kä̧cuä̧huä̧ ȩmö̧, tidepä jareö ȩmö̧, pi̧jä̧ttö̧ 'corupäi'äcuähuämä be'epö ticua pä'ätöjä.

Gálatas 5:16

Pi̧yȩjä̧ päda pädömä: Espíritu Santorö pä̧huä̧ rö̧jo̧mȩnä̧ ka̧cuä̧tu̧cui̧. Ja̧'hua̧nö̧ cu̧ja̧cuä̧tu̧cuo̧mȩnä̧mä̧, täcö ja̧u̧nu̧mä̧ cuamöcuädätucu pä̧huä̧ rö̧jo̧mȩnä̧mä̧ ka̧cuo̧co̧tö̧jä̧.

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

Efesios 4:22

Pä'äji cu̧ja̧cui̧nä̧tu̧cu̧, ucuturutä yapareu pä̧huä̧ rö̧jö̧ jȩcu̧'i̧nä̧tu̧cu̧, jaropi'ätucui.

1 Tesalonicenses 4:5

Diosrö esetocotö jȩttö̧'a̧nö̧mä̧, suronä amöcuädö, ucuturu pä̧huä̧ rö̧jo̧mȩnä̧tä̧ jȩpö̧, cuȩmä̧tu̧cuä̧' cuirecuarö.

2 Timoteo 2:22

Ucu, möäyotö ttamöcuädömä jaropi'i. Adiutä jȩpö̧ kä̧hui̧. Adiu esetö cuahuaruhuärö repe'i. Korotöcu adiu kä̧hui̧. Ja̧'hua̧nö̧ jȩpö̧ kä̧hui̧ o'ca toi'önä ttami iso'quinä adiu amöcuädö, Tu̧ru̧hua̧ i̧mi̧nä̧ esetö ucuocuätöcu.

Tito 2:12

Ja̧u̧ Dios ppädäcuähuä ujuturu huo̧juȩta̧'a̧ churutä esetö kä̧nö̧, pi̧jä̧ jähuä jaroti'a pä'ö. Ja̧'hua̧ta̧nö̧ ta̧'cua̧ pö̧nö̧, adiunätä jȩpö̧ Diosrö tamöcuäda pä'ö huo̧juȩta̧'a̧.

Tito 3:3

Iso päi'önä täbocö ujutumä ja̧'a̧tä̧ cue'ächö, Diosrö esetocotö pi̧nä̧tö̧jä̧. Re'tehuächätö cuettächö'a̧nö̧ cue'ächinätöjä. Ujutumä suronä amöcuädö cue'ächinätöjä. Ja̧'hua̧ta̧nö̧ suronä jȩpi̧nä̧tö̧jä̧ korotörö. Korotö ttu̧ju̧nä̧rö̧ ta'anö, tu̧ju̧nä̧ra̧ pä'inätöjä. Korotörö pä̧huä̧ juiyönä topö cue'ächinätöjä.

1 Pedro 1:14

Ppo̧'ä̧tö̧ ttä'o hueö jȩttö̧'a̧nö̧, jȩpö̧ ka̧cuä̧tu̧cui̧. Diosrö cuesetätucu juiyäi cuamönätucu pä̧huä̧ rö̧jö̧tä̧ jȩcu̧'i̧nä̧tu̧cu̧'a̧nö̧mä̧, jȩcu̧'ä̧tu̧cuä̧'.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

Judas 1:16

Ttamönä amöcuädö huopäcuähuätö. Ja̧'a̧tä̧ra̧'a̧ amöcuädö ucuocuätö. Jitörötä pä̧huä̧ rö̧jö̧ jȩpä̧tö̧. Huopäcuähue'ätö. Jitörötä pä̧huä̧ rö̧jö̧ jȩtti̧ya̧tö̧ pä'ö ucuocuätö.

Judas 1:18

Ja̧'hua̧nö̧ jahuätö ucuturu ji'ähuinätödo: “Röjinä ja̧'a̧cu̧ korotö Dios jähuä ya̧ttä̧huȩ'ä̧cuo̧tö̧. Jitöröätä pä̧huä̧ rö̧jö̧ suronä jȩpö̧ ttö̧ja̧cuä̧cuo̧tö̧do.”