Romanos 6:11 - TÄ̧DO Ä̧CUÄ̧ I̧HUȨNȨ

¹¹ Ucutu'inä suronä jȩcu̧'i̧nä̧tu̧cu̧ttu̧mä̧ hua'ö icuätö jä̧'i̧nö̧'a̧nö̧ ka̧cuä̧tö̧jä̧ amöcuädätucui. Ja̧'hua̧ta̧nö̧ Cristo Jesúsru teseta'attö, Diosrö eseu ka̧cuä̧tö̧jä̧ pä'ö amöcuädätucui.

Nuevo Testamento Uwotjüja

¹¹ Ukutu'i̧nä̧ ja̧'wa̧ta̧nü̧ amükuädü kka̧kuä̧tu̧kui̧, ukuotäkuäwokü surojümä̧ wa'ü ikuinü̧ jü̧nä̧tä̧, jitä ku̧ja̧kuä̧tu̧ku̧mä̧ Dio eseunü̧tä̧ kka̧kuä̧tu̧kui̧ Crito Jesú-nä̧.

Romanos 6:11 ပူးပေါင်းရင်းမြစ်များ

San Juan 20:31

Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.

Romanos 16:27

Ya̧tȩtä̧ Diosrötä, o'ca juiyönä huo̧jua̧rö̧, 'cuäopönä tesehuäcuähuätucuaja, Jesucristorö esetö. Amén.

Romanos 5:1

Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.

Romanos 6:10

Ja̧'hua̧ta̧nö̧ Cristo ya'utenätä 'corupä'i'inö suronä jȩä̧cuä̧huä̧ttö̧. Jitä ö̧ja̧'a̧mä̧, Diosrö eseu kö̧.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Romanos 6:2

Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

Romanos 7:4

Ja̧'hua̧ta̧nö̧ ttö chö̧jä̧hua̧tö̧, ucutu'inä Jesucristorö esetätömä, hueähuä huȩnȩttö̧mä̧ hua'ö icuinätöjä, ka̧ra̧ hue'ähuotö cu'ätucua pä'ö. Jitä Cristo, Dios hua'arettö ttoädinäcu umöhuäyotöjä. Dios ja̧u̧ru̧ ja̧'hua̧nö̧ tto'ädinö, ujutu Dios ä'ca jo̧mȩttö̧ adiu tö̧ja̧cua̧ pä'ö.

Romanos 7:6

Ja̧'hua̧nö̧ ja̧'a̧nä̧ jitä täcö hua'ö icuinätöjä ja̧u̧ hueähuä huȩnȩttö̧mä̧, ujuturu hueinöttömä. Jitämä Dioscu eseunu aditö ka̧cuä̧tö̧jä̧, ta̧'cua̧rö̧ jareö Espíritu Santo iyö amöcuädö. Täbocö hueähuä huȩnȩ huȩyu̧cu̧'a̧nö̧mä̧ jȩpo̧co̧tö̧jä̧.

Romanos 8:18

Ttö pä'ösä, jitä pi̧jä̧nä̧ tö̧jä̧i̧mä̧, ubara ttutumä a̧'u̧cu̧nä̧tä̧ ja̧'a̧. Yodoji eseäcuähuä tȩmä̧cuȩmä̧, rö̧ȩnä̧ jä̧cua̧'a̧.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Filipenses 4:7

Ja̧'hua̧ ja̧'a̧ttö̧ Dios ttö̧ja̧'i̧nä̧ yoröiso ttierunä i̧yä̧cua̧ ucuturu cuami iso'quitucunä eseäcuähuä. Ucutu Cristo Jesúsru cuesetätucuomenä, ja̧u̧ eseäcuähuä cuami iso'quitucunä'inä, cuamöcuädätucunä'inä tta̧huä̧rä̧cua̧.

Colosenses 2:20

Ucutumä Cristocu 'corupä'i'ö, pi̧jä̧ hueähuä jaropi'inätöjä. Ja̧'hua̧nö̧ ja̧'a̧ttö̧ ji̧nä̧ pi̧jä̧ hueähuä jȩcu̧'ä̧tu̧cu̧mä̧ ¿tta̧'a̧nö̧ pä'ö jȩcu̧'ä̧tu̧cua̧'a̧jä̧ttö̧?

Colosenses 3:17

O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

1 Pedro 2:5

Koro juäi isode ttaditö'a̧nö̧, Dios adihuode adita'anä, ucutu'inä ido'qui isode adicuo'qui jä̧'i̧nö̧'a̧nö̧ jö̧nä̧ ka̧cuä̧tu̧cui̧. Ja̧'hua̧ta̧nö̧ juhuode tta̧'ä̧rä̧tö̧mä̧, Dios aditö icuinä̧u̧mä̧, Jesucristorö esetö Dios öjö'cö juäi iyö ttö̧jö̧'a̧nö̧ ka̧cuä̧tu̧cui̧ ucutu'inä.

1 Pedro 4:11

Ya̧tȩ ucuocuttumä, Dios i̧huȩnȩ päö ta'anö ucuocu'a̧nö̧ ja̧'a̧. Ya̧tȩ ka̧ra̧rö̧ ppädöttömä, Dios ujuru iyömä ppä'ädö aditö'a̧nö̧ ja̧'a̧. O'ca juiyönä jȩcu̧'ä̧tu̧cuo̧mȩnä̧, Jesucristo i̧mi̧nä̧ jȩpö̧, Diosrö esehuäcuähuätucui. 'Cuäopönä Diosrö ttesehuäcuähuäcua'a̧nö̧. Ja̧'hua̧ta̧nö̧ 'cuäopönä Dios ujuruhuäcua'a̧nö̧. Amén.