Romanos 5:21 - TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧ttö̧ suronä jȩtto̧mȩnä̧, hua'are juruhuina'a. Ja̧'hua̧ta̧nö̧ Dios ujuturu jȩo̧mȩnä̧ chutäcu ji̧nä̧ ji̧yȩtȩ huotö ta pä'ö, Dios ppädäcuähuä juruhuina'a. Ja̧'hua̧nö̧ ujuruhua'attö, kä̧cuä̧huä̧ i'co iyö, Tu̧ru̧hua̧ Jesucristorö tesetomenä.

Nuevo Testamento Uwotjüja

²¹ Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

Romanos 5:21 ပူးပေါင်းရင်းမြစ်များ

San Mateo 25:46

Ja̧u̧nu̧ o'ca'a jahuätömä ocurära̧'a̧ beipocarära̧'a̧ tä̧bo̧cuä̧ päi'önä tti̧'chä̧cuo̧tö̧. Korotötä, Diosrö pä̧huä̧ rö̧jo̧mȩnä̧ jȩpä̧tö̧tä̧, kä̧cuä̧huä̧ i'co ttu̧ju̧nä̧rä̧cuo̧tö̧, —pä'inödo Jesús.

San Juan 1:14

Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

San Juan 10:28

Jahuätörö kä̧cuä̧huä̧ i'co iyösä. Yoröiso 'corupä'i'ocotö ttäcuotö. Ja̧'hua̧ta̧nö̧ chu̧mö̧ttö̧, ka̧ra̧ yoröiso 'cho'ipocö jahuätörö.

Romanos 4:13

Pi̧jä̧ o'ca juiyönä Dios iya pä'inö Abrahamrö, i̧tti̧mö̧rö̧'i̧nä̧, chutä isotörö. Ja̧'hua̧nö̧ ja̧'a̧nä̧ Abrahammä Moisés hueähuä huȩnȩ hueö ta'anö jȩa̧'a̧ttö̧, iya pä'ocö pi̧nö̧ Dios. Abraham churutä Diosrötä eseta'attö, Dios jȩi̧nä̧cu̧ chutäcu ji̧nä̧ ji̧yȩtȩ ja̧ pä'ö.

Romanos 5:12

Ja̧'hua̧ ja̧'a̧ttö̧ ya̧tȩ ubottö suronä jȩä̧cuä̧huä̧ rȩbȩhui̧na̧'a̧ pi̧jä̧nä̧. Suronä jȩo̧mȩnä̧, hua'are i'cächinö. Ja̧'hua̧ ja̧'a̧ttö̧ suronä jȩi̧na̧'a̧ttö̧, o'ca toi'önä ttö̧ja̧, hua'ä ttö̧ja̧ juo'ähuinätö suronä jȩpö̧.

Romanos 5:14

Ja̧'hua̧nö̧ ja̧'a̧nä̧ Adán ö̧ji̧nö̧ pä̧nä̧ kä̧mä̧dö̧, Moisés ö̧ji̧no̧mȩ jubö päi'önä, o'ca toi'önä ttö̧ja̧ suronä jȩtto̧mȩnä̧ hua'ö icuinätö. Adán Dios ro̧ȩcuä̧ huȩnȩ iyinö huȩnȩ jȩo̧ca̧'a̧ ji̧nö̧'a̧nö̧mä̧, jȩpo̧co̧tö̧ pi̧nä̧tö̧ jahuätö ttö̧ja̧, hueähuä huȩnȩ juiya'attö. Ja̧'hua̧ta̧nö̧ Adánmä yodoji i̧chä̧cua̧ a̧'cua̧rö̧nä̧ ki̧nö̧.

Romanos 5:17

Ja̧'hua̧ ja̧'a̧ttö̧ ya̧tȩ ubo suronä jȩa̧'a̧ttö̧, o'ca toi'önä ttö̧ja̧ hua'ä ttö̧ja̧ juo'ähuinätö. Ja̧'hua̧nö̧ ja̧'a̧nä̧ chutä Jesucristo jȩi̧nö̧mä̧, ya̧tȩ suronä jȩi̧nö̧ttö̧'i̧nä̧ abonänö adihua'a. O'ca toi'önä Dios chutäcu ji̧nä̧ ji̧yȩtȩ huotö tta pä'ö jȩä̧u̧mä̧, kä̧cuä̧huä̧ i'co ttu̧ju̧nä̧rä̧cuo̧tö̧, Jesucristorö tteseta'attö.

Romanos 6:12

Ja̧'hua̧ ja̧'a̧ttö̧ ja̧'a̧tä̧ tocu'äcuähuätucuä', ucuturu surojö juhua'a yabocu hueö juiya pä'ö, cuamönätucu cuamöcuädätucu jȩcu̧'ä̧tu̧cu̧ juiya pä'ö.

Romanos 6:14

Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.

Romanos 6:16

Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

Romanos 8:10

Cristo ucutucu ö̧jö̧ttö̧mä̧, suronä jȩpö̧ cuidepä hua'ö icua'anä'inä, cua̧'cua̧ru̧hua̧ kö̧, Dios ucuturu jȩi̧na̧'a̧ttö̧ chutäcu ji̧nä̧ ji̧yȩtȩ huotö cu'ätucua pä'ö.

Tito 2:11

Iso päi'önä Dios o'ca toi'önärö ppä'ädinö suronä jȩttö̧ jȩpö̧ icua pä'ö.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

1 Juan 2:25

Jesucristo ujuturu iya pä'inö kä̧cuä̧huä̧ i'co.