Romanos 5:18 - TÄ̧DO Ä̧CUÄ̧ I̧HUȨNȨ

¹⁸ Ja̧'hua̧nö̧ ja̧'a̧ttö̧ Adán ya'utenätä suronä jȩa̧'a̧ttö̧, o'ca toi'önä ttö̧ja̧ hua'ä ttö̧ja̧ juo'ähuinätö. Ja̧'hua̧ta̧nö̧ Jesucristo ya'utenätä adiu jȩi̧na̧'a̧ttö̧, Dios tta̧'cua̧rö̧ iyö suronä jȩttö̧ jȩpö̧ icu o'ca toi'önä ttö̧ja̧rö̧.

Nuevo Testamento Uwotjüja

¹⁸ Ja̧'wa̧nü̧ ji̧na̧'a̧ttü̧, Adá̧ suronä̧ jȩi̧na̧'a̧mä̧ ro̧ȩkuä̧kuȩra̧'a̧tä̧ pätekuächina̧'a̧ o'katoi'ünä̧rü̧tä̧, ja̧'wa̧nü̧ ji̧nü̧ta'anü̧ päi'ina̧'a̧ o'katoi'ünä̧rü̧ Jesucrito aditü iku tta̧'kua̧rü̧ iyina̧'a̧mä̧.

Romanos 5:18 ပူးပေါင်းရင်းမြစ်များ

San Juan 12:32

Ttörö pi̧jä̧ huämenä cättepomenä, o'ca toi'önärö o̧di̧pä̧cua̧sä̧ ttörö tteseta pä'ö.

San Juan 3:26

Ja̧'hua̧nö̧ ttucuocuomenä, Juanrö ji'äu 'chi̧nä̧tö̧do. Pä'inätödo: —Huo̧juȩcuä̧ I̧sa̧, Jordán aje ji̧jȩcu̧nä̧ttö̧ ucucu ki̧nö̧mä̧, ujuturu'inä päcuhuinäcumä, jitä bautizando jȩpö̧ ja̧u̧'i̧nä̧. Ja̧'hua̧ta̧nö̧ o'ca toi'önä ttö̧ja̧ o'ca'anä cue'ächätö.

Hechos 13:39

O'ca toi'önä Jesucristorötä esetätömä, Dios o'ca juiyönä suronä jȩttö̧ jȩpö̧ icu. Moisés hueähuä huȩnȩ päö ta'anö jȩcu̧'ä̧tu̧cua̧'a̧nä̧, suronä jȩcu̧'ä̧tu̧cu̧mä̧ jȩpö̧ icuoco̧u̧jä̧.

Romanos 3:25

Dios hue'inö I̧tti̧ Jesucristorö sacrificio päi'önä 'corupäi'a pä'ö, ttö̧ja̧ suronä jȩttö̧ jȩpö̧ icua pä'ö. Ja̧'hua̧nö̧ Dios ȩmö̧ Jesucristorö esetätörö. Pä'äji ka̧cui̧nä̧tö̧ suronä jȩtta̧'a̧nä̧, Dios ami 'qui'ächi'inö. Ja̧'hua̧nö̧ ja̧'a̧ttö̧ ttö̧ja̧ ttu̧huo̧jua̧ pä'ö Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö, hue'inö Jesucristorö.

Romanos 4:25

Dios hue'inö Jesúsru 'corupäi'a pä'ö, ujutu suronä jȩtö̧ imitähua pä'ö. Ja̧'hua̧ta̧nö̧ Dios Jesúsru tto'ädinö, ujuturu jȩa̧ pä'ö chutäcu ji̧nä̧ ji̧yȩtȩ huotö ta pä'ö.

Romanos 5:12

Ja̧'hua̧ ja̧'a̧ttö̧ ya̧tȩ ubottö suronä jȩä̧cuä̧huä̧ rȩbȩhui̧na̧'a̧ pi̧jä̧nä̧. Suronä jȩo̧mȩnä̧, hua'are i'cächinö. Ja̧'hua̧ ja̧'a̧ttö̧ suronä jȩi̧na̧'a̧ttö̧, o'ca toi'önä ttö̧ja̧, hua'ä ttö̧ja̧ juo'ähuinätö suronä jȩpö̧.

Romanos 5:15

Ja̧'hua̧nö̧ ja̧'a̧nä̧ Dios mippoönä iyömä, Adán suronä jȩi̧nö̧'a̧nö̧ jo̧cö̧. Iso päi'önä ya̧tȩtä̧ suronä jȩa̧'a̧ttö̧, recuätö ttö̧ja̧ hua'ö icuinätö. Ja̧'hua̧nö̧ ja̧'a̧nä̧ kä̧cuä̧huä̧ i'co Dios iyömä, ya̧tȩnä̧tä̧ Jesucristonä o'ca toi'önärö rö̧ȩnä̧ adihua pä'ö.

Romanos 5:19

Ja̧'hua̧ta̧nö̧ ya̧tȩ ubo Dios hueinö jȩo̧ca̧'a̧ttö̧, recuätö suronä jȩä̧cuä̧huä̧ ttö̧ja̧ juo'ähuinätö. Ja̧'hua̧ta̧nö̧ ya̧tȩ Dios hueinö jȩi̧na̧'a̧ttö̧, Dios recuätörö jȩä̧cua̧ chutäcu ji̧nä̧ ji̧yȩtȩ huotö tta pä'ö.

Romanos 6:14

Jitämä suronä jȩä̧cuä̧huä̧ hueoca'a ucuturu. Hueähuä huȩnȩ'i̧nä̧ hueoca'a ucuturu. Dios ucuturu re rö̧jö̧nä̧ toa'anä, ucuturu ppä'ädö.

1 Corintios 15:22

Ujutumä Adán ahuaruhuä isotöjä. Ja̧'hua̧nö̧ ja̧'a̧ttö̧ Adán 'corupäi'inö ta'anö 'corupäti'äcuotöjä ujutumä. Ja̧'hua̧ta̧nö̧ o'ca toi'önä Cristo ahuaruhuä, Cristo ö̧jö̧ ta'anö tö̧ja̧cuä̧cuo̧tö̧jä̧.

Hebreos 2:9

Ja̧'hua̧nö̧ ja̧'a̧nä̧ Jesúsrutä, a̧'u̧cua̧'a̧tä̧ ángelesttö'inä abonänö ijuiyuhua'a Dios jȩi̧nä̧cu̧ru̧, topätöjä. Dios o'ca toi'önärö öjö'ca'attö, pä̧huä̧ rö̧ji̧nä̧cu̧do Jesús 'corupäi'a pä'ö, o'ca toi'önä ttire'tehuächö juiya pä'ö. Ubara ttu'u 'corupä'i'inö'ca̧, Dios eseunu hueinäcudo o'ca toi'önä ttucuotarö pä'ö.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

1 Juan 2:20

Jesucristo iyinö Espíritu Santorö ucutucu ö̧ja̧ pä'ö. Ja̧'hua̧nö̧ ja̧'a̧ttö̧ ucutu o'ca toi'önä iso päi'önä huȩnȩ huo̧juä̧tö̧jä̧.