Romanos 5:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.

Nuevo Testamento Uwotjüja

¹ Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.

Romanos 5:1 ပူးပေါင်းရင်းမြစ်များ

San Lucas 19:38

Pä'inätödo: —Pide ru̧hua̧, Tu̧ru̧hua̧ i̧mi̧nä̧ ichömä adiu ö̧jä̧cua̧. Mo̧ro̧jä̧ra̧'a̧ eseu ttö̧jä̧cua̧'a̧nö̧. ¡Diosrö eseäcuähuätucui!

San Lucas 19:42

Pä'inödo: —Ucutumä, jitä mo̧ro̧ cuami iso'quitucunä cua̧'cua̧ adiu ȩmä̧huä̧ cu̧huo̧juä̧chi̧'ä̧tu̧cu̧ttu̧mä̧, adihuaja'a. Ja̧'hua̧nö̧ ja̧'a̧nä̧ jitämä tocu'ätucu juiya pä'ö dajahuächära̧'a̧.

San Lucas 2:14

Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

San Juan 14:27

“Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 20:31

Pi̧yȩ huȩyu̧cuä̧ ka̧'a̧ ucutumä iso päi'önä Jesúsmä Cristo ja̧'a̧ pä'ö cuesetätucua pä'ö. Ja̧'hua̧ta̧nö̧ Jesúsmä, Dios I̧tti̧ ja̧'a̧ pä'ö cuesetätucua pä'ö. Ja̧'hua̧ta̧nö̧ ja̧u̧ru̧tä̧ cuesetätucuttumä, kä̧cuä̧huä̧ i'co cu̧ju̧nä̧rä̧tu̧cua̧ pä'ö huȩyu̧cua̧'a̧ pi̧yȩ huȩnȩ.

San Juan 5:24

“Iso päi'önä pä'ösä ucuturu, ttö pädö ä̧ju̧cu̧'inä̧, ttörö hue'inörö esetö'inä, kä̧cuä̧huä̧ i'co ku̧nä̧rö̧. Ja̧u̧ru̧ tä̧bo̧cuä̧mä̧ 'cuäopoca'a jä̧cua̧. Ja̧u̧mä̧ 'corupä'i'ätö jä̧'i̧nö̧'a̧nö̧ ja̧'a̧nä̧, jitä 'corupä'i'ocö, kä̧cuä̧huä̧ i'co u̧ju̧nä̧ra̧'a̧ttö̧.

Hechos 10:36

Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

Romanos 1:17

Ja̧u̧ adihuä huȩnȩ jiähua'a, Diosrö esetätörötä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö jȩä̧cu̧mä̧, Diosrö esetö ö̧jä̧cua̧.”

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 10:10

Ttami iso'quinä esetätörö, Dios jȩpö̧ chutäcu ji̧nä̧ ji̧yȩtȩ huotö tta pä'ö. Ja̧'hua̧ta̧nö̧ ttänä ji'ähuätörö, Dios ȩmö̧.

Romanos 10:15

¿Tta̧'a̧nö̧ jittähuattö hueähuoca'ara̧'a̧mä̧? Huȩyu̧cuä̧ Huȩnȩ päa'a: “Eseunu kä̧cuä̧huä̧ huȩnȩ i'cächö, adihuä huȩnȩ jittähuomenä, adiu rȩbȩhuä̧tö̧.”

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

Romanos 15:33

Dios tta̧'cua̧ adiu kä̧cuä̧huä̧ iyömä, o'ca toi'önä ucutucu ö̧jä̧cua̧'a̧nö̧. Amén.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

Romanos 3:30

Toa'a ka̧ra̧ Diosmä. Yoröiso ya̧tȩä̧tä̧ kö̧. Ja̧u̧mä̧ Jesucristorö esetätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö judíos ttö̧ja̧rö̧'i̧nä̧, judíos huocotörö'inä.

Romanos 4:5

Dios suronä jȩpä̧tö̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö ttesetomenätä, adiu jȩttö̧nä̧tä̧mä̧cö̧. Ya̧tȩ adiu jȩö̧ juiyönä hua̧rö̧ ja̧u̧ juäi adiu esetomenä, ja̧u̧ru̧ Dios jȩpö̧ ja̧u̧cu̧ ji̧nä̧ ji̧yȩtȩ ja̧ pä'ö.

Romanos 5:11

Ja̧u̧ ji̧yȩtȩtä̧mä̧ amöcuädocotöjä. Ja̧'hua̧ta̧nö̧ Tu̧ru̧hua̧ Jesucristorö teseta'attö, Diosrö esehuätöjä. Chutä Jesucristo ppä'ädinö ujuturu, Dios ahuaruhuä päti'a pä'ö.

Romanos 5:18

Ja̧'hua̧nö̧ ja̧'a̧ttö̧ Adán ya'utenätä suronä jȩa̧'a̧ttö̧, o'ca toi'önä ttö̧ja̧ hua'ä ttö̧ja̧ juo'ähuinätö. Ja̧'hua̧ta̧nö̧ Jesucristo ya'utenätä adiu jȩi̧na̧'a̧ttö̧, Dios tta̧'cua̧rö̧ iyö suronä jȩttö̧ jȩpö̧ icu o'ca toi'önä ttö̧ja̧rö̧.

Romanos 6:23

Surojö micuämä, hua'aretä jö̧. Ja̧'hua̧nö̧ ja̧'a̧nä̧ Dios mippoönä iyö kä̧cuä̧huä̧ i'co, Tu̧ru̧hua̧ Cristo Jesúsru tesetomenä.

Romanos 9:30

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧? Judíos huocotömä usocotö pi̧nä̧tö̧ Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ja̧'a̧nä̧ Diosrö tteseta'attö, Dios jȩpi̧nö̧ chutäcu ji̧nä̧ ji̧yȩtȩ huotö tta pä'ö.

Gálatas 2:16

Iso päi'önä huo̧juä̧tö̧jä̧ päcuäitä Moisés hueähuä huȩnȩ hueinötä jȩtö̧ttö̧mä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö ta pä'ö. Ya̧tȩrö̧tä̧ Jesucristorö esetötä Dios jȩpö̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ ji̧yä̧u̧ ujutumä esetinätöjä Jesucristorö, Dios jȩä̧cua̧'a̧nö̧ ja̧u̧cu̧ ji̧nä̧ ji̧yȩtȩ huotö ta pä'ö, Moisés hueähuänämäcö̧. Yoröiso ya̧tȩrö̧'i̧nä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö päcuäi Moisés hueähuä huȩnȩtä̧ jȩo̧mȩnä̧mä̧.

Gálatas 3:25

Ja̧'hua̧nö̧ ja̧'a̧ttö̧ täcö Jesucristorö esetäcuähuä huȩnȩ ichina'attö, jitämä hueähuä huȩnȩmä̧ jȩpö̧ ko̧co̧tö̧jä̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

Filipenses 3:9

Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.

Colosenses 1:20

Ja̧'hua̧nö̧ ja̧'a̧ttö̧ Diosmä o'ca juiyönä pi̧jä̧nä̧ ka̧cu̧'i̧nä̧, mo̧ro̧jä̧nä̧ ka̧cu̧'i̧nä̧ ttesehuarö pä'inödo. Ja̧'hua̧nö̧ ja̧'a̧ttö̧ Cristo dau isodänä 'corupäi'omenä, eseäcuähuä iyinödo.

Colosenses 3:15

Dios iyinö cuami iso'quitucunä eseäcuähuä. Ja̧u̧ eseäcuähuä hueäcua'a̧nö̧ cuami iso'quitucunä, ji̧nä̧ ji̧yȩtȩ huotö päcuhui'ätucua pä'ö Diosrö esetö, chutä hueinö ta'anö. Ja̧'hua̧nö̧ ja̧'a̧ttö̧ esehuätucui ja̧u̧ru̧.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

2 Tesalonicenses 3:16

Tu̧ru̧hua̧, eseunu kä̧cuä̧huä̧ Ru̧hua̧, o'ca juiyönä eseunu kä̧cuä̧huä̧ iyäcua'a̧nö̧ ucuturu 'cuäopönä. Tu̧ru̧hua̧ ucutu o'ca toi'önärö ppädäcua'a̧nö̧.

Hebreos 13:20

Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.