Romanos 4:18 - TÄ̧DO Ä̧CUÄ̧ I̧HUȨNȨ

¹⁸ Abraham täbocö tta̧ttä̧rä̧cuä̧huo̧ca̧'a̧nä̧, esetö tta̧'ä̧rä̧cuä̧hui̧nö̧. Ja̧'hua̧nö̧ ja̧'a̧ttö̧ recuätö ttö̧ja̧ ttä'o pi̧nö̧, Dios päina'attö. Dios päinäcu: “Ja̧'hua̧nö̧ jä̧cua̧'a̧ ucu isotö.”

Nuevo Testamento Uwotjüja

¹⁸ Tta̧'kua̧ wȩnä̧rü̧ tta̧wä̧rä̧kuä̧wä̧mä̧ täkü juiya'a, Abraha̧-mä̧ esetü tta̧'ä̧ri̧nü̧, ja̧'wa̧nü̧ jo̧mȩnä̧ «rekuätü ttä'o päi'ünä̧ pärowächinü̧» Dio päinü̧ta'anü̧: «Ja̧'wa̧nü̧ jo̧mȩnä̧ ttirekuäkuotü kui̧tti̧mü̧mä̧» jü̧nä̧.

Romanos 4:18 ပူးပေါင်းရင်းမြစ်များ

San Lucas 1:18

Zacarías jä'epinödo ángelrö: —¿Tta̧'a̧nö̧ chu̧huo̧juä̧cua̧'a̧jä̧ttö̧ pi̧yȩmä̧? Ttömä täcö juiyo bö̧o̧ i̧sa̧sä̧. Chirecua'inä ja̧'hua̧ta̧nö böa isaju.

Hechos 27:25

Ja̧'hua̧nö̧ ja̧'a̧ttö̧, chahuaruhuä, cua̧'cua̧ eseunu ka̧cuä̧tu̧cui̧. Diosrö cha̧'cua̧ huȩnä̧rö̧ esetösä. Angel ttörö jiähuäji ta'anö 'cuäopäcua'a pä'ö esetösä ttömä.

Romanos 4:17

Huȩyu̧cuä̧ Huȩnȩ päa'a: “Ucuru hue'ipinösä recuätö ttö̧ja̧ ttä'o päi'önä.” Abraham Diosrö esetina'attö, micuähuinö ja̧u̧ huȩnȩ. 'Corujuo'ächinätörö'inä Diosmä tta̧'cua̧rö̧ iyö. Ja̧'hua̧ta̧nö̧ pi̧jä̧nä̧ juiyö'inä, kö̧nä̧ jȩpö̧ Diosmä.

Romanos 4:19

Abraham cien du'huo tö'cö jö̧nä̧ huinö. Ja̧'hua̧ta̧nö̧ chutä'inä, Sara'inä 'corujuoächäcuähuä tö'cö huinätö. Juiyo böäcuächinätö pi̧nä̧tö̧ tti̧tti̧mö̧rö̧ ku̧nä̧rä̧cuä̧huä̧nä̧mä̧. Ja̧'hua̧nö̧ ja̧'a̧nä̧ Abrahammä Diosrö esetö, jaropi'ocö pi̧nö̧.

Romanos 5:5

Ja̧'hua̧nö̧ eseunu tta̧tä̧ro̧mȩnä̧, ta̧'cua̧ tta̧'ȩcuo̧co̧tö̧jä̧. Dios ujuturu repe'ö, tami iso'qui suhuädi'önä Espíritu Santorö iyinä̧u̧jä̧.

Romanos 8:24

Ujutu ta̧'cua̧ tu̧huȩnä̧ro̧mȩnä̧, ȩmi̧nä̧u̧jä̧ Dios. Tta̧ttä̧rö̧mä̧ tottomenämä, tta̧huä̧rä̧cuä̧huo̧cö̧ juhua'a yabocu. Ja̧'hua̧ta̧nö̧ ya̧tȩ'i̧nä̧ tta̧'ä̧ro̧cö̧ toömä.

Hebreos 6:19

Huoi'ca ti̧ä̧dä̧cuä̧huä̧'quȩ 'quiyönä 'chu̧huä̧ra̧'a̧ jä̧'i̧nö̧'a̧nö̧, ja̧u̧ iya päinö tta̧tä̧ro̧mȩnä̧ tami iso'quinä 'quiyönä tta̧huä̧rö̧. Ujuturu tta̧huä̧rä̧cuä̧huä̧ Dios adihuä ö̧jo̧mȩttö̧ i̧sä̧ta̧ abonä isäcä todehua'a jä̧'i̧nö̧'a̧nö̧ ja̧'a̧.