Romanos 4:11 - TÄ̧DO Ä̧CUÄ̧ I̧HUȨNȨ

¹¹ Abrahammä Diosrö esetinö o'ca'a, Dios hueinäcu Abraham circuncisión jȩa̧ pä'ö, o'ca toi'önä ttu̧huo̧jua̧ pä'ö. Ja̧'hua̧ta̧nö̧ Abraham circuncisión jȩö̧ juiyäi, Diosrö esetomenä, Dios Abrahamrö jȩpi̧nö̧ chutäcu ji̧nä̧ ji̧yȩtȩ ja̧ pä'ö. Ja̧'hua̧nö̧ ja̧'a̧ttö̧ o'ca toi'önä circuncisión jȩpo̧co̧tö̧ Diosrö esetätö, Abrahammä ttä'o jä̧cua̧. Ja̧'hua̧ta̧nö̧ Diosrö ttesetiyäcu, Dios jahuätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö.

Nuevo Testamento Uwotjüja

¹¹ Isopäi'ünä̧ Abraha̧-mä̧ circuncisión pättüjuei jȩtti̧nä̧ku̧, Dio-rü, churutä a̧'kua̧ u̧wȩnä̧rä̧jä̧ku̧, sello jä̧'i̧nü̧'a̧nü̧ ttu̧wo̧jua̧rü̧ pä'ütä. Ja̧'wa̧nü̧ jo̧mȩnä̧ Abraha̧-mä̧, pärowächinü̧ o'katoi'ünä̧ Dio-rü tta̧'kua̧ wȩnä̧rä̧tü̧mä̧ ttä'o jü̧nä̧tä̧, circuncisió̧-mä̧ jȩttä̧kuä̧wo̧ka̧'a̧nä̧. Ja̧'wa̧nü̧ ja̧'a̧ttü̧ Dio-mä̧ adiu jȩpä̧tü̧ jü̧nä̧tä̧ to̧ä̧u̧.

Romanos 4:11 ပူးပေါင်းရင်းမြစ်များ

San Mateo 16:16

Ja̧'hua̧nö̧ päomenä, Simón Pedro pä'inödo: —Ucumä Cristojä, Dios kö̧ I̧tti̧jä̧.

San Mateo 8:11

Ttö pä'ösä, recuätö judíos huocotö kä̧hua̧ räopa'acuttu'inä, kä̧hua̧ ma̧ä̧cha̧'a̧cu̧ttu̧'i̧nä̧ ttichäcuotö, Dios ö̧jo̧mȩttö̧ Abrahamcu, Isaaccu, Jacobcu ttu̧cuȩ cuäcuähuodänä ttö̧'ö̧jä̧ma̧ pä'ö.

San Lucas 19:9

Jesús pä'inödo: —Podenä suronä jȩttö̧ jȩpö̧ icuähuä ichäja'a pi̧yȩ mo̧ro̧. Täcö pide'inä Abraham isotö i̧sa̧ ja̧'a̧.

San Juan 3:33

Ja̧'hua̧nö̧ ja̧'a̧nä̧ ya̧tȩ esetöttömä, “Dios iso päi'önä päa'a” pä'ödo.

San Juan 3:36

Ya̧tȩ Dios I̧tti̧rö̧ esetömä, kä̧cuä̧huä̧ i'co ku̧nä̧rö̧. Dios I̧tti̧rö̧ esetocömä, ja̧u̧ kä̧cuä̧huä̧ i'co jui̧'a̧. Ja̧u̧ru̧ Diosttö rö̧ȩnä̧ tä̧bo̧cuä̧ 'cuäopäcua'a.

San Juan 6:35

Jesús pä'inödo jahuätörö: —Ttötä i̧ri̧si̧mä̧ kä̧cuä̧huä̧ i'co iyömä. Ttörö ichömä, yoröiso ppäi rö̧jo̧co̧cu̧ jä̧cua̧. Ja̧'hua̧ta̧nö̧ ttörö esetömä, yoröiso a̧di̧ rö̧jo̧co̧cu̧ jä̧cua̧.

San Juan 6:40

Ja̧'hua̧ta̧nö̧ ttörö hue'inömä pä̧huä̧ rö̧jä̧cu̧ o'ca toi'önä Dios I̧tti̧rö̧ topö esetätömä kä̧cuä̧huä̧ i'co ttu̧ju̧nä̧ra̧ pä'ö. Röji mo̧ro̧ päi'omenä, jahuätörö tto̧dä̧dä̧cuä̧u̧, —pä'inödo Jesús.

San Juan 6:47

Iso päi'önä pä'ösä ucuturu, ttörö esetömä, kä̧cuä̧huä̧ i'co ku̧nä̧rö̧.

San Juan 8:33

Ja̧'hua̧ ja̧'a̧ttö̧ jahuätö ädätinätödo: —Ujutumä Abraham ahuaruhuä o'cotöjä. Korotö ttumöhuäyotö päi'önä ka̧cuo̧co̧tö̧ pi̧nä̧tö̧jä̧. ¿Tta̧'a̧nö̧ pä'ö päcuhuäjättö, surojöttö tejächi'a pä'ö?

Romanos 10:11

Pa̧'a̧nö̧ päa'a Huȩyu̧cuä̧ Huȩnȩ: “Ja̧u̧ru̧ esetömä, dä'ä ttu'ocö.”

Romanos 10:4

Cristo be'epäjipö icuinö Moisés hueähuä huȩnȩ. O'ca toi'önä churutä esetätörömä, Dios jȩpö̧ chutäcu ji̧nä̧ ji̧yȩtȩ huotö tta pä'ö.

Romanos 10:6

Ja̧'hua̧ta̧nö̧ Huȩyu̧cuä̧ Huȩnȩ päa'a korotörö, Diosrö esetö chutäcu ji̧nä̧ ji̧yȩtȩ huotö tta pä'ö jȩpä̧tö̧rö̧: “Cuami iso'quinä päcuhuä': ¿Dijä̧ttö̧ 'cha̧huä̧chä̧cua̧mä̧ mo̧ro̧jä̧ra̧'a̧?” Ja̧'hua̧nö̧ pädomenä, Cristorö i'cächa pä'örö pä'ösä.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

Romanos 3:26

Jitä'inä i̧jȩpa̧'a̧ Dios adiu jȩpö̧ pä'ö. Ja̧'hua̧nö̧ pä'ö, o'ca toi'önä Jesúsru esetätörö jȩo̧mȩnä̧ ja̧u̧cu̧ ji̧nä̧ ji̧yȩtȩ huotö tta pä'ö, adiu jȩpö̧.

Romanos 3:30

Toa'a ka̧ra̧ Diosmä. Yoröiso ya̧tȩä̧tä̧ kö̧. Ja̧u̧mä̧ Jesucristorö esetätörö jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö judíos ttö̧ja̧rö̧'i̧nä̧, judíos huocotörö'inä.

Romanos 4:10

Diosmä, ¿ti̧yȩnö̧ ȩmi̧nä̧ttö̧ Abrahamrö? ¿Circuncisión jȩö̧ juiyäi, ȩmi̧nä̧cu̧ tä̧ji̧? ¿Circuncisión jȩi̧nö̧ o'ca'a, ȩmi̧nä̧cu̧ tä̧ji̧? Circuncisión juiyäi ȩmi̧nö̧ Dios Abrahamrö.

Romanos 9:30

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧? Judíos huocotömä usocotö pi̧nä̧tö̧ Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ja̧'a̧nä̧ Diosrö tteseta'attö, Dios jȩpi̧nö̧ chutäcu ji̧nä̧ ji̧yȩtȩ huotö tta pä'ö.

Romanos 9:33

Huȩyu̧cuä̧ Huȩnȩnä̧ juhuo'quinä pä'ö huȩyu̧cua̧'a̧: Ttö rötösä Siónnä ido'qui 'tö̧'ȩpö̧ ma̧ä̧huo'qui jä̧'i̧nö̧'a̧nö̧ hua̧rö̧. Ja̧u̧ru̧ esetömä, dä'ä ttu'ocö, huȩyu̧cua̧'a̧.

Romanos 9:6

Ttö pä'ocösä Dios päinömä jȩpo̧cö̧ pä'ömä. Ttö pä'ösä o'ca toi'önä Israel ttö̧ja̧, Dios huoinä̧u̧mä̧cö̧.

2 Corintios 1:22

Ja̧u̧mä̧ ujuturu hue'inödo i̧tti̧mö̧ päti'a pä'ö. Ja̧'hua̧ta̧nö̧ iyinödo Espíritu Santorö tami iso'quinä. Ja̧'hua̧nö̧ jȩpö̧ huo̧juä̧tö̧jä̧, iso päi'önä iyömä tȩmä̧cuo̧tö̧jä̧.

Gálatas 3:22

Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ o'ca toi'önä surojötä jȩpä̧tö̧ 'cuäopönä. Ja̧u̧mä̧ ja̧'hua̧nö̧ päa'a Jesucristorö esetätö Dios iya päinömä ttu̧ju̧nä̧ra̧ pä'ö.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Gálatas 3:7

Ja̧'hua̧nö̧ ja̧'a̧ttö̧ ucutu cu̧huo̧juä̧tu̧cu̧'a̧nö̧ ja̧'a̧ iso päi'önä Diosrö esetätötä Abraham mi̧nä̧ ahuaruhuä o'cotö pä'i'ätö.

Gálatas 5:5

Ujutumä Espíritu Santo ppäda'anä, Cristorö esetö tta̧'ä̧rä̧tö̧jä̧ Dios jȩa̧ pä'ö ja̧u̧cu̧ ji̧nä̧ ji̧yȩtȩ huotö ta pä'ö.

Gálatas 6:16

Ucutumä iso päi'önä Diosrö esetätömä, pi̧yȩ huȩnȩ jȩpö̧ ka̧cuä̧tö̧rö̧'i̧nä̧, o'ca toi'önä Dios i̧tti̧mö̧rö̧'i̧nä̧ eseäcuähuä iyäcua'a̧nö̧ Dios. Ja̧'hua̧ta̧nö̧ ucuturu'inä o'ca toi'önä Dios i̧tti̧mö̧rö̧'i̧nä̧ re rö̧jö̧nä̧ toäcua'a̧nö̧.

Efesios 1:13

Ucutu adihuä iso päi'önä huȩnȩ, suronä jȩttö̧ jȩpö̧ icu huȩnȩ ä̧ju̧cu̧, Cristorö cuesetätucuomenä, ja̧u̧cu̧ ji̧nä̧ yo̧mȩtȩnä̧ chutä i̧tti̧mö̧ päcuhui'ätucua pä'ö hueinä̧u̧jä̧, Espíritu Santonä iya päinö ta'anö.

Efesios 4:30

Espíritu Santo a̧'cua̧ tta̧huȩcu̧ juiyönä ka̧cuä̧tu̧cui̧. Ja̧u̧ Espíritu Santo ucuturu ppädomenä, korotö ucuturu topö huo̧juä̧tö̧ iso päi'önä Dios i̧tti̧mö̧jä̧ pä'ö. Ja̧u̧ Espíritu Santo ucuturu tta̧'ä̧rö̧, Tu̧ru̧hua̧ ucuturu ȩmö̧ ichome jubö päi'önä.

Filipenses 3:9

Ja̧u̧cu̧tä̧ chö̧ja̧ pä'ösä. Jitämä hueähuä huȩnȩ jȩpö̧, chamönä cha̧'cua̧ adiu jȩchö̧mä̧ jui̧'a̧sä̧. Cristorö esetätörö Dios iyähuä cha̧'cua̧ adiu jȩchö̧mä̧ ku̧nä̧rö̧sä̧, Cristorö cheseta'attö.

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

Apocalipsis 9:4

Pi̧jä̧nä̧ ka̧cu̧, isä'cua'inä, dauhuiyä'inä, koro juäi isä'cua jö̧ ta'anö ja̧'tu̧'i̧nä̧ suronä jȩtta̧ pä'ö hue'ähuocotö pi̧nä̧tö̧. Pi̧jä̧ ttö̧ja̧rö̧tä̧, ttö'änä Dios öäre sello ta'ähuocotörötä, suronä jȩtta̧ pä'ö hue'ähuotö pi̧nä̧tö̧.